❣️البارت الثالث عشر ❣️
........ مرتقب عز الدين .........
للكاتبة 🌟نبأ ميثم 🌟
........ ❤️❤️..........
أخذت اجازه ورجعت للبيت اول ماوصلت وكفت يم الباب مدري ليش اجاني احساس ريم راح تفتح الباب
طلعتلي قمر والشعر مهوس عبالك جانت بمعركة ومغمضه عيون ومفتحه عين
قمر. فوتي يوم اخخ بويه متخلون احد ينام بهل بيت
مرتقب . جريته من شعره لج قمر شلون تفتحين الباب بهذا شكلج الحلو ونوب دخلي يوم بلكي رجال غريب
قمر. هذا انت اخوي ابو رقوبيييي
مرتقب. الله يصبرج ياروح
قمر. بعد روحي كيف حالك
مرتقب . زين زين
قمر. الحمدلله والشكر لماذا تقف عندك هيا طب
مرتقب. الفصحى تصيح نقذوني
قمر. هههه لا شبيه خوش احجي
مرتقب. اكلج عيفج من الفصحى بله صارلج شكد ماغاسله يجايفه
قمر. اليوم شكد بل شهر
مرتقب . شمدريني
قمر. اني من شهر الثاني غسلت
مرتقب. امداج لعد شكد جايفه
قمر. هههه اشاقه شبيك البارحه غسلت وطلعت ورده
مرتقب. ورده بنعال هند الوردي
قمر. لا لا شنو هاي تره قهرتني انوثتي تبجي نوب بنعال هند دكول بنعالك بيه باب وجواب مو نعال هند
_. لج الوردة شعده بنعالي
قمر. يمكن فوك راسك
_. ياتافه ياقليلت الأدب
قمر. هههه شبيك اشاقه ويه اخوي البجر شمالك يأبه
_. منين جايبته هاي
قمر. من البسطيه
_وين أمي
قمر. بييت ام آياد ومهند بل شارع يلعب دعابل وهند يم صديقته وابوي هم بل بستان واني جنت نايمه
مرتقب. اني ماسالت عليكم كلكم كلت امي وين
قمر. مو راح تسال على باقين فه اختصرت الكلام عرفت شلون وهسه يااخوي العزيز البيت بيتك روح سوي اكل لوحدك ماوصيك بعد صار بيتك واني راح انام لتكولي سوي اكل لأن عيب انته مو خطارررررر مع السلامه وغطت راسه
مرتقب. اللة ينطيج العقل
قمر. ادعي الريم
مرتقب. ليش شبيه كومي لج دحاجيج
قمر. اهوو جذب مابيه شي وأنته شبيك انفعلت
مرتقب. استغفر الله احجي لج
قمر. اسمع يعيوني شمسويه هاي العوبه وحجيتله شسوت باياد وشتريد تسوي باخته
مرتقب. أي هيج سوت الصح حتى ميضل يجيب هيج نماذج للبيت
قمر. أنته اوكف بصفة بس من يصير شي لتكول قمر ماكالت
مرتقب . انطمري
قمر. اييييييي
💫ريم 💫
جنت كاعده بل بستان قريب من البيت مابعدت كلش آخر مره من تعارك مرتقب والفلاح بعد ماتقربت كمت اخاف إله وياي قمر أو صديقتي يالله ادخل
شفت من بعيد قمر رايحه باتجاه البستان رحتله حته اصيحه بس هي طرشه وكفت كدام الشجرة ضلت تحجي تقربت سمعته تسوالف ويه مرتقب
قمر. مدكلي شدتقره مو اني من يمي مليت
مرتقب. انتي فاشله ياروحي شلج بهل سوالف
قمر. شو خلي اشوف اسم الكتاب مجنون ليلى منو ذوله؟
مرتقب. يشتغلون عماله بباب الشرجي شنو هل سؤال
قمر. خرب جا صدكت لاصدك ذوله شبيهم
_. هاي قصه حب حزينه تربعت قمر احجيلي
_. بعدج صغيره
ريم. اشو اني زاد فضولي اريد اعرف ذوله منو مجنون مدري منو حته نسيت شعندي اجيت كلت بلكي يقتنع ويكول القمر
لأن الفضول يقره ميه
قمر. صدك تحجي شوفني شطولي مو صغيره تره ازعل ومااحجي وياك ولا اباوع عليك لاعرفك ولاتعرفني ولا...
مرتقب. هوب هوب شبيج ولج ثبرتيني
قمر. يله احجي
مرتقب. البطل اسمه قيس والبطلة اسمه ليلى
ليلى بنت عم القيص جانو من همه وصغار يطلعون للحلال سوه يعني المواشي مالت أهلهم همه بدو
واهنا بلش حب ليلى يولد بقلب قيس
جانو صغار وكبرو والحب يكبر بينهم الحب منا من اهل ليلى بعد ميخلون ليلى تطلع بعد بحكم كبرت وعيب
حسب تقاليدهم القديمه ما راح احجيهن حته ماادوخج بيهن....
ومن ابتعدت ليلى عن قيس كام قيس يكتب كلام حب وغزل ليلى وكل الناس عرفت بحب قيس لليلى
راح قيس حته يخطب ليلى بس أهلهم رفضو لأن جان عندهم كل ثنين يحبون بعض ميزوجون لأن عيب بحق أهل للبنيه وإذا وافق ابو ليلى راح يعرفون الناس صدك جان بينهم شي بس جان حبهم صادق
واجبر ابو ليلى.. ليلى تزوج غير قيس
بدت مئسات قيس الي جان يداوي جرحه بكتابة الشعر والخواطر وليلى هم تحبه القيس بس القدر ما جمعهم ويوم من الايام لكو قيس ميت بجبل من جبال الحجاز ويمه
شعر كاتبه حبه اليلى
مانسمع غير شهكه وحده من وره شجره نطت قمر
مرتقب. شنو هاي رحت وره الشجره اشوف منو هاي الشهكت وكاعده تسمع علينه
يتبع......
،....... ❤️.........
بقلم 🌟نبأ ميثم 🌟
أنت تقرأ
مرتقب عز الدين
Bí ẩn / Giật gânقصة عراقية مرتقب عز الدين الكاتبة نبأ ميثم أبطال قصتي دار الزمن بهم، ليعود الوقت إلى تلك النقطة المضلمة.... التاريخ يسطر حروف عشقهم، فراقهم، ألمهم... تلك القصة تدخل في ازمان مختلفة تبدأ من الاب إلى الإبن وكل منهم لدية قصة يكتبها التاريخ
