🐆la pantera negra y la mariposa🦋

mariposa 🦋

_ايه واش ندير انا درك؟😞

_معلاباليش واش هي مهمة نتاعك مي كملي هاكا بعفوية نتاعك ، مي نهار لي يفيق بيك اني قتلك انتحري قبل

اففف، خفت بزاف و الله و انا علابالي بلي يجي نهار وين يعرف كلش و داك نهار نهاري ...المهم حكينا شوية و بعدها شوية خليته و طلعت بيسك شمس سرعتني لراص هو اموان كان داير شابوا 😒، دخلت لهديك غرفة لي يقولوا عليها شومبرتي زعما ، و جمعت نخمم فيه و كيفاش راح يديني لديك دار نتع الهم انا و الله مراه هامني ندي ديك 900مليون قد مراه قدني نشوف والديا! راهي جايتني في بالي بزاف باش نقولوا الحقيقة و نقولوا كلش بشرط انوا يردني لدارنا احوجي بين ليلة و نهار تنقلبت عليا حياة غير البارح كنت ندابز مع ديك صحبتي و درك راني معا مافيا 😭 ، بصح راني خايفة قراف لوكان نقلوا يا هو يقتلني يا FBI يقتلولي والديا! بنتلي نندب درك يا شكوبي ناس تتزوج بمافيا و انا يقتلني واحد مافيا😞معليش المهم واحد شباب😎 تبانلي راح يكون اخر كراش بعد ما عشقت في 3584.855 كراش طول مسيرة حياتي ، اموان واحد يستعرف بوجودي😒 ، توحشتوا ديجا وين راه حبيت نشوفوا ، تكسلت في بلاستي و نشوف فصقف، نخمم كيفاش يعشق فيا 🙄 و يديني ديك دار و بوم يدخلوا عليه FBI صدمة كبيرة 😂 بفففف قاع هاك تغيدني ، طلقت انفاس نتاعي بحرقة،، درت من جيهة ودخرى و نلقاه مجمع على بيرو ،
_شيت يا *** واش راك دير *** هنا 😳
معبيتش بروحي و طيحتلوا مزيا لي مجاش يفهم عربية اويا طيحلي نص نتع نصي كيفاش دخل كيفاش كيفااااااش!!!!!!، اواه هدا مشي بنادم كاش ميكون جن و لا قط كبير ، اوياه مزيا لي مكنتش نهدر بصوت عالي و نحكي مع فراند خيالي نتاعي ،هو علابالي مفهم والوا فهدرة نتاعي😂 يحسبني راني نستحضر فجنون .
_ معلابليش واش قلتي مي راح نحسن نية نتاعي

😂 حسن نية حسن بروحا راهي بولازيرو

_ ايه عادي مقلت والوا
_المهم مدام راكي فراند نتاعي ، واش رايك نفيسيتيلك دار!
علاه جاني توسويس 🙂
_ايه عادي مكانش بروبلام
نضت و خرجت معاه من شومبرة و انا غير نخمم واش راه يقصد يعني باينة من موراها حجا هادي نتاع نفيسيتيلك دار 🙄المهم تمشينا و هودنا درج و على حساب ما فهمت عندوا ايطاج نتاعوا وحدوا شغل داروا كامل و زيد حاط ايطاج واحدوا يا شكوبي بيزار، حل الباب و دخلنا نخلعت كي شغل بيسك كان اثاث قديم شوية ملقغي عصري (شغل جاي مدال قديم مخلط بعصري 🙂) غير دخلت قالي
_هادي كانت دار نتع بابا و هذي اول دار صنعها قبل قاع ما يبدى مسيرة نتاعوا باش يسكن فيها شغل يسطر روحوا تحت سقف كيما يقول هو .
_مي كيفاش صنع كامل هاد قصر؟
_انا صنعتوا ! بابا هدا مدار في حياتوا كامل كنا فقراء مي انا بديت ندخل و نبيع صوالح باش قدرت نبني قصر كيما هذا .
كان يهدر بكل افتخار اما انا كنت مخلوعة كيفاش واحد مافيا يهدرلي على حياتوا كامل ؟ زدنا دخلنا في واحد مكتب صغير عادك فيه ريشة لي يكتبوا بها و خرائط قدم و كتوبا بورق بنية...انا دخلت نخلعت كنت نتمعن في كل حجا تماك تحسب متحف، كان مام فراشات رحت شفت فيهم...و غايصة معاهم حتى سمعتوا صوتوا مرول يهدر كانوا قاع مشي داك انسان لي جاي واعر و حاسب في روحوا و قاع يهدر و داير يدوا في جيبوا...
_كان يحب فراشات بزاف الى حد انوا كان يقارعلهم حتى يموتوا عادك باش يحنطهم و هي نورمالمون كي يصيدوهم و يقتلوهم عادك باش يحنطوهم .
قرب لعندي و جبد وحد فراشة من قجر ، و هاديك فراشة كانت اجمل الف مرة من اي فراشة شفتها في حياتي ، كانت كبيرة و زرقة تهبل بقيت حالة فمي فيها هو ضحك و قالي
_شابة! هادي كان يقلي بلي تشبه ليماك و هدي كانت مفضلة عندوا .
_اه و ماماك كي صرالها؟
(ماماك كي صرالها احمودة؟😂)
_جامي شفتها مي كان يقلي بلي لي تحبها راح تكون تشبه ليماك ،(ضحك بسخرية ) و قلي عيطلها، فراشة(اي باش نقولكم فراشة بسبونلية مشي كيما جزائرية 💀)
شفت فيه مليح و درت كوراج كامل باش نسقسيه
_جامي ما حبيت في حياتك ؟
_سي ! حبيت مي ماتت
شديت فمي على يدي شفني مسكين
_علاه ماتت؟
_قتلتها!
_😳ا
وات قتلها شيت علاه؟؟؟؟؟!
_ احم و علاه قتلتها؟
هو بتاسم و شغل توشالي نيفي بزعاقة و قالي ببارد
_ بيسك خدعتني حسبتها تبغيني مي برك هي برك باش تخبر عليا بوليسية
اوه شيت واش قصدوا راه يمعنيييييي؟؟؟؟؟ 😭
المهم هو خرج من ديك الغرفة و انا تبعتوا بلخف تمشيناوفي داك الكولوار و دخلنا غرفة ودوخرة فيها بزاف ليفوتوا كاين لي قدم و كاين لي جدد ، دخلنا و ورالي تصويرة بوه يشبهلوا مي عينين بوه مشي كيما عينين نتاعه، و زاد ورالي ليفطوا بزاف و مشي اي فطويات فوطويات نتع وحدين ميتين 😱 قلبي حبس كي شفت داك دم و ناس مقطوعين راص و قاع هداوين فهمت واش قصدوا بنفيسيتيلك دار! قصدوا باش يخوفني و عندوا حق!!!!! .
_اوميقاد واش داروا هادوا مساكن باش يتعدبوا قاع هاك 🥺
_كل واحد و كيفاش كاين لي توسويس برك !
شفت فيه
_تما....تما مينداك راك متوسوس مني تما راح نكون كيفهم ؟!🥺
_نو باينة نتي صديقتي و داير فيك كونفيونص بلي مراحش ديري كيفهم سينوا (جبد وحد لا فوتوا نتع وحدة كامل محروقة شغل جلد نتعا دايب و زيد في درعها شغل كي حجا دايبة عليها كاش حديد و لا ، شهقت و دورت وجهي ) هادي هي ايملي لي قتلك عليها

نخلعة و حسيتوا يهدد فيا اونديركت حسيت روحي في واب ديب ، شوية و ما نبول على روحي بخوف

_ح..حابة ن..نرقد، بليز طلعني لبلاستي!
قلتها و انا عادك مغطية وجهي و بنبرة كامل تعبر على خوف و بكية جاية فطريق ، عمري في حياتي ما شفت تصويرة نتع عداب قاع هاك و سغتوا كي تكون مباشرة غير كلي نتي ضحية جديدة !
_مكيشة حابة تزيدي تشوفي؟

معندوش القلب و الله معندوا شايفني خايفة مي حاب يزيد بوريلي هم نتاوعوا ، حاولة بقوة باش نشد بكية نتاعي و منبكيش قداموا ،
_نو حابة نرقد ؟
هو هود تصويرة من وجهي و فهم روحوا بلي كنت راح نبول على روحي بخوف .
_ايه صحا تقدري تروحي .
غير قالي هاك خرجت نجري من عندوا و انا نرجف ، حبيت من تماك و نخرج قاع من جد داك القصر و نهرب، مي ديت طريق لبالاستي باش نترمى عليها و نبكي ، كامل ديك مدة مبكيتش، كي هددني بتصاور و دخلوا لدار و خطفوني فيها و رفدوا صلاح في وجهي وخروجوني من بلادي و زيد رماوني عند واحد من مستحيل تخرجي منوا و حتى دروك لي تعرضت لتهديد مباشر ، كمية الخوف و قوة لي شديتهم كامل ديك مدة لي مبكيتش فيها عوضتني ديك ليلة لي كملتها غير بكا ، كرهت و انا عايشة هنا حبيت برك نشوف والديا غير خطرة و نقوللهم بلي راني عايشة و لاباس بيا برك نقولهم متقلقوش راني نحاول باش نرجعلكم ، لميت كامل داك الالم و هم لي في قلبي و رقدت بدموع يهودوا وحدهم ! .