عند كريستينا و فيكتور :
كريستينا مقابلة ميكروا نتعها و تحوس على اي حركة في دار ماركوا سيفيتشي ، حتا شافتهم يخرجوا من قصر
_فيكتور فيكتووور راهم يخرجوا!! ،
جا يجري فيكتور لعندها شاف ميكروا ، كانوا خراجين و متوجهين لبلاصة ، خموا ديركت بلي راهم رايحين لديك دار ،
_نعيطوا لرئيس باش يوجدوا و بلي راه نقدبوه وحده؟
شافت فيه بشك باين على وجها
_زعما راهم ريحين لديك دار محال !
_وين زعما رح يديها؟
شافت فميكروا و فهديك نقطة خضرة لي تتمشى على خريطة ، و ففيكتور لي حامل تلفون و حاب يعيط ،
_صحا عيطلهم و حضرهم و كي يوصلوا ديك دار وصلاهم انذار
_اوكي اوكي
كمل هدرتوا و راح ديركت يعيط لرئيس نتاعه ، اما كريستينا لمزالت تبع خطوة بخطوة في واش يصرا مام في داك GPS و مسجل صوت (يعني يسجل حركات صوت اذا كان سكات يكون هابط و اذا كان صراخ يطلع)، فجأة شافت طنوبيل حبست و مسجل صوت بدا يطلع ، حبست ديركت فيكتور لي كان يهدر مع رئيس نتعهم ، و بقا يرقبوا بشوية حتى عاودو رجعوا وين طريقهم
_اه سمحلي سيد رئيس مي عاودوا رجعوا طريقهم، سوء تفاهم
نطق فيكتور بعد ما شاف كلش ، اما كريستينا لي تشوفيه 😏 شغل كانت عارفة ،هو قلب عينيه و راح .
........
دخلنا لقصر و انا حاسة روحي دايرة انجاز لي خممت بلخف قبل ما تطفر ، حسيت روحي شوية ذكية 😂 دخلنا لقصر هو مد مفاتيح للخدام باش يدخلها للقراج و حنا كملناها مشي لداخل قصر، اما كنت ساكتة على مداري بيسك رجع على خاطري ، و معرفتش علاه وليت نحبوا كثر كي جا يفهمني و دار فيا كونفيونس كي داني لمقر نتاعوا ، هو ملقغي كنت ديجا نحبوا مي درك حسيتوا ختارق قلبي كثر و كثر قصدي بكري كنت نحبوا على جال بيسك شباب مي درك شخصيتوا ، سغتوا مي يكون متواضع مع خدامة نتاوعوا ، و مجايش يحقرهم ، و كاريزم ننتاعوا و غير فقصر طاغي ، دخلنا لقصر و جينا وصلين لشمبرتوا اما انا درت في راصي بلي راح نكمل طريقي مي هو حبسني
_متشوفيش شمبرتك ؟
شفت فيه باستغراب
_كيفاش؟
_يعني مدامك راكي تقعدي معايا هاد اشهر مراحش ترقدي في شومبرة شابة؟
هو تمشى و راح حل الباب قدامه انا تقدمت شوية و نخلعت واو كبيرة بزاف و شابة 😍، يعني منكذبش انها شابة بزاف خير ملولة لي كانت عندي
_نتاعي؟ بصح
هز راسه مع ابتسامة
درت نشوفها مخلوعة ، علابالي بلي راه يوجد حجا مور هاد جمال قاع ، مي معليش على اقل راح نرقد غاية ليوم بلا لي كوشمار !
_نشوفك غدوة!
قالهالي و خرج اما انا مازات مخلوعة من شبوبة نتع ديك شومبرة كانت كبيرة و واسعة كانت ببيض و شوية نتع الغوز شوية مشي بزاف ، و فيها سرير كبير و واسع مليح و قدامه زوج بيبان مزخرفين بابيض رحت لاول لقيت سالدوبان يهبل بابيض كان فيه دوش واسع تانيك و شغل فيه زجاج و ضو نتع شمس يدخل 😭، خلاص راح نعشق فدوش هادا رحت للباب زاوج لقيت فيه دريسينق معمر قش شباب🥺 اوه ، فرحت بصح داك القش مشي نتع كل يوم علاه علاه يا💚 كنت راح نتهنا من ديك روبة كحلة!، كانوا فيه روبات نتع ليصواغي و صوالح نتع خدمة و مام صوالح نتع صبور مشي صبور صبور مي صوالح نتع تقدر تدير بيهم اكتيفيتي ، رحت دوشت و ديك نعمة تدويشة فليل ، نشفت شعري و رحت رقدت .
أنت تقرأ
🐆la pantera negra y la mariposa🦋
Action💙واش رايكم في جزائرية تافهة ، حياتها عبارة عن تقرا كرونيكات و تكتب و على العام وحدها ،منا على نهار تتقلب حياتها و تلقا مع شخص من شخصيات الالفا، مسمى بنمر اسبانيا ، يذوب ناس من ناحية فخامة و شجاعة، واش راح يصرا بينتهم؟ و الاهم يقدر نمر اسباني تردوا...
