للغدوة نفس روتين 😑 نوض نوجد روحي نروح نقرا نتلقا مع منافقين بعدها نخرج نروح لدار ناكل نكونكتي ندخل لاخبار نشوف واش كاين جديد على ماركوا بعدها نتعشا و نرقد برك ، قريب شهر كامل و انا هاك ، مي صراتلي حجا نهار ....
ديس داي:
داك نهار جيت روطار مندتش بكري دخلت نجري نقرا دخلت مزية استاذة مقاتلي والوا ، جيت نروح لبلاستي ملقيتهاش شغل كانوا مجمعلي فيها بففف تما راح نجمع فتالي رحت جمعت حدا واحد ، شفت فيه بتاسمت معاه ،نتع بونجور جيت نديرونجيك 🙂 ، هو بتاسم معايا ، كان شوية يبان كبير ، شعروا ماغون و عينيه تانيك ماغون مي يبان شباب ، بصح باين طاير ، كانت عندنا مات و كي عادة دايما عمية فمات 🌚، حطتنا استاذة مجموعة نتع معادلات و انا نشوف فيها هاك
👁👄👁نتع وين راهم ارقام ا حمودة راني نشوف غير x ,y و جماعتهم ، شفت فهداك لي حداية حوجي راه طايح عما على ورقة كالم داون فرار كالم 💔🙂 ، اتوشوا شوية افكار راك باين بقاق....
_امم، واش اسمك؟
_علاه؟
اووه موسوس 😒
_اسمي نسرين
_اسمي امين
_اسم شباب
شاف فيا و شاف فورقة عرف بلي مراني قاشحة والوا ، شاف فاستاذة و دالي ورقة و بدا يفهمني يا شكوبي اه نندب نندب 😭 هو يفهمني و انا نشوف فيه نشوف غير فموا يبوجي برك ،
_اه اوكي ، بفف معلاباليش كيفاش تقدروا تحبوا هذا شي !
ضحك هو و قالي
_ايه حجا تحبيها دايما تنجحي فيها
_عليها جامي ما نجحت في حياتي
((((شوية دراما راك فاهم 🙂)))
قلتها بيني و بين روحي ، المهم فات داك نهار لي صرا فيه داك حدث وين تلاقيت مع امين ،
اند#
ولينا كل خطرة نتلاقوا فقراية يشرحلي شي دروس و يفهمني، و بعدها ولينا نحكو فانستا و قاع ، بشوية بشوية وليت اآمي معاه ، كان وحيد لي يهتم فيا و شغل مشي يهدر معاك على صوالحوا و قاع، المهم فاتت مدة على داك نهار و حياتي معتادة بديت نوالفها ملقغي كو مازلت متفكرة ماركوا ملقغي ديك مسافة ما بينتنا ملقغي فراق عمر ما بينتنا و ملقغي حياة ما بينتنا هو راح مجرم و يقتل ناس و معلابلوش واش راح يصرا منا للغدوة يدخل الحبس و لا يقتلوه اعدائه اما انا برك وحدة دايعة لا محلي من اعراب😪 .
((((((هذا برك تسريع احداث و درتلكم داك نهار لي تلقيت بيه مع امين برك )))))
...
هاد سيمانة جات وين صراو بزاف صوالح بيزار مكنتش متوقعتهم ، داك نهار وين كي عادتي بعد ما فوت نهار رحت ديركت نجمع فصالة باش نتفرج الاخبار ، نتفرج نتفرج حتى داروا ماركوا و عليا.
_"نعم ماركوا و تلك فتاة غامضة في علاقة و هذا ما يبين ان ماركوا ، بيدوفيل ، يقال ان تلك فتاة اعطت له جسدها فقط لتبيثة معه (يعني باش تبات عندوا راك فاهم ، و سيفري انا حبيت نقعد عندوا على اساس اني متشردة و معنديش وين نبات ، مي مرقدش معاه انا!!!)سبب ذلك كره لمتابعبنه انه اغتصاب طفلة في ثمية تاعشرة من عمر، و...."
_ثمنتاعش جاية قدك ؟ و تشبهلك بزاف علابالك
ماما قاتلي هاك و انا قلبي مزير و ميتة بخوف
_ تشابه برك ههه😅
_ايه و جامي لقيتها هاذ طفلة كي كنتي عندوا؟
سقساني بابا موسوس
_نو جامي بيسك هذي صافي بارتي من جيش نتاعه ايا انا كنت نقعد فشومبرة لي مدهالي جامي خرجت منها و هو دايما يضل فمقر نتاعوا وين كاين جيش و قاع ، 🙄
أنت تقرأ
🐆la pantera negra y la mariposa🦋
Acción💙واش رايكم في جزائرية تافهة ، حياتها عبارة عن تقرا كرونيكات و تكتب و على العام وحدها ،منا على نهار تتقلب حياتها و تلقا مع شخص من شخصيات الالفا، مسمى بنمر اسبانيا ، يذوب ناس من ناحية فخامة و شجاعة، واش راح يصرا بينتهم؟ و الاهم يقدر نمر اسباني تردوا...
