ضرب طابلة بلفور و دار يده على راسه ، كامل افراد تماك يشوفوا فيه و ميتين بالخوف ، دار عندهم يزقي عليهم
_حمير نتموا زعما لي تكونوا قويين و كامل اذكياء نتع اسبانيا باش تخلاو هاد زبل يربحنا هاه؟؟؟....
كريستينا و فيكتور حلين فمهم علا واش صرا ! ، مراهمش عارفين اذا كانت هديك طفلة لي معاه نسرين؟ بيسك تبدلت بزاف عل لي كانت نهار اللول ، كي عرفوا بلي خطة لي كانوا مخطينها هاد شعال ماركوا فاق بيهم ، شاف نتعهم يزقي عيلهم خلاص فقد اعصاب نتاعوا و حط سلاح ،مخرجتوش نتع يتمشى بحيلة معاه، درك ليوم يستعمل كل لي عنده باش يطيحوا....
_قعدين تشوفوا فيا!!!! روحوا طيروا شوفوا واش ديروا رسلوا كامل طاقم لي عندنا سلاح اليكبترات جيش كلش كلش خصنا نطيحوا هاد**** ليوم ميزيدش نهاره فهاد البلاد.
.......
هودنا كامل ، درك بلخف حلينا باب نتع خرجة حتى لقينا مجموعة كبيرة من طنوبيلات نتع شرطة من مراهم جيش رافد سلاح طيرات من فوق يدوروا علينا حسيت لحضة نتع فيلم ترجعت لرول مي يد نتع ماركوا لي كانت شادتني رجعتني ،
_واحد زوج...
يحسب و معلاباليش علاه راح يحسب شفت فيه و فيهم بخوف
_ثلاثة..
قال ثلاثة و بوم كلش طرطق هو عنقني باش يلاقي عليا ديك صدمة و مام الا صرات كاش حجا ، زوج دقايق باش كملت ديك بومبة ، شد لي وجهي بين يديه و قالي
_صافا مصرالك والوا
انا منكذبش انوا قلبي كان يضرب بقوة مي باش منشيطنوش قتلوا راني صفا ، شفت من مراه لقيت كلش نار و مطرطق ني لواطا ني بنيادم ني والوا....
.....
عند شرطة :
_هنا سور راح طيح بين يدينا يا وحد***
قال شاف نتع شرطة بحيلة و فرحة خصوصا كي شاف ماركوا وحده تما محال يدير كاش عفسة مقابل قريب ميتين واحد ! .
حتى بوم شاف كامل دوك جيش لي كان تاكل عليهم متين واحد مقابل شخص واحد ماتوا في دقيقة في دقيقة شاف قريب خمسة دقايق في داك الميكروا ، مشي مأمن عقلوا تما درك ميتين واحد ناقص من عندوا كل هذا في دقيقة!!! ،
_وجدوا طاقم ثاني يكون هجوم مباشر و خاصهم يكونوا حذرين !!!!
قالها بشوية من كثرة الخوف و شوك...
.......
كلش كان نار حتى نشوفوا من مور ديك نار لواطا بزاف نتع FBI جايين مرول يجروا قربوا لينا و كل واحد حبس في جيهة بطريقة نتع حبس و خلاص و هودوا كلهم ، ماروكوا جبدني و داني مور الحيط و هودني ، بداو هو يتيروا في كل بلاصة مزية لي داك الحيط لقا علينا ، خفت بزاف و حبيت نبكي من خوف صوت رصاص هداك قتلني و انا حية ، شوية هاك حبسوا، كان جيش نتع ماركوا دخل عليهم و يهجم عليهم ، نضنا و خرجنا من دار بلخف باش ندخلوا لوطوا ، نتمشى و خايفة على يجي واحد و لا يقتلنا حتى جا عندي ماركوا بلخف جبدني من يدي و تيرا على واحد كان حداية حاب يقتلني ، قلبي حبس تما لوكان مشافهش كنت رااح نموت؟؟ 😭 واش نقولك يا ماركوا الله يزوجك بيا ،
طلعنا لطنوبيل بلاصيت ديك سنتورة مليح بيسك علابلي بلي راح نطيروا شوية هاك ، و هاهو قلع تقليعا حسيت لوطوا طلعت عاود هودت،
_واجد سلاح؟
_ايه واجد واجد كلش راه واجد
_متنسيش اي واحد تشوفيه في طرقك تيري عليه في راسوا اوكي متحوسيش تفهمي
هو يهضر بالبارد و انا قلبي فسوقة و قلبي في لي راح يصرا
_ وي خلاص فهمت...
هو كمل يسوق بسوقة نتاعوا نتع مهابيل يفوت بين لوطا و يجري قلبي ولا دم ديركت ...
أنت تقرأ
🐆la pantera negra y la mariposa🦋
Hành động💙واش رايكم في جزائرية تافهة ، حياتها عبارة عن تقرا كرونيكات و تكتب و على العام وحدها ،منا على نهار تتقلب حياتها و تلقا مع شخص من شخصيات الالفا، مسمى بنمر اسبانيا ، يذوب ناس من ناحية فخامة و شجاعة، واش راح يصرا بينتهم؟ و الاهم يقدر نمر اسباني تردوا...
