فقت صباح كي ما رقدت البارح بففف ، يعني معقول رقدت كثر من طناعش ساعة ، ندت مدوخة يعني ساعة نسيت كي يقروها غسلت وجهي بلاك نفيق من غيبوبة لي دخلت فيها😂 ، مدوشت ما بدلت قشي ما ولاوا بيسك كان خمول يمشي في دمي ، هودت نشرب قهوة ليوم نزطلها بكافيين هدا شعال مزال منشرب ، دخلت لكوزينا و سربريس مادفاكر
_واش راكي ديرها نتي؟
شكون راهي هناا شكووووون !!!!!!😡 هديك كلبة لي حاب بوها يبيعها
_نتي لي واش راكي ديريها هنا ؟ في دار حبيبي
ياربي كون معاية متخلنيش ندير جريمة صباح ربي تنفست زفير و شهيق ،و زقيت عليها هي و نخطفت بخلعة
_خرجي من ديس فاكينغ هاوس (من هاذا منزل لعين 💀)
_واش راه صاري هنا؟؟
سمعت لفوا نتع ماركوا درت ليه ،
_تما كي متحبش تشريها تجي تدخل لديار ناس بلعاني؟؟
_نسرين نسحقك فبيروا !
قالها بالبارد و راح 😐 اواه نهار شباب بدا اليوم بهاد اللفعة ، دخلنا للبيروا ،
_نجم نفهم واش راهي دير هادي هنا؟
_علاه كاين بروبلام؟
واش بيه جدوا هدا بارد هاك و علاه مكانش بروبلام
_تما نتا لي جبتها هنا؟؟؟؟
_وي
ضحكت ضحكتي تع مني فاهما ولا و نتع راك راك تمصخر بيا؟
_هاه ، مفهمتش مفهمتش قارع تما نتا جبتها هنا و علا حساب ما سمع البارح بلي بوها راح يبيعها تما نتا شريتها باش تجيبها هنا !!!!
هو هز راصوا بايه
_تما واش دير بها هنا؟
_و بوها علاه عطهالي فيميزك؟
شعل دخان نتاعوا و برودة كي سم تخرج و انا راح عرق يطرطقلي ساعة و انا نشوفيه باش نفهموا ، و علا حساب نتع "و بوها علاه عطهالي" تما راه حاب يديرها حبيبتوا اوكي صحا و انا ؟ هاه يا كلب و انا !!!!!!! ، كالميت روحي لمرة ثانية .
_شغل و انا؟ مفهمتش تما لي ....لي صرا بارح مكانش منها كنت برك نحلم!
_لي صرا ما بينتنا انسيه ، مكنتش في عقلي
اواه هدا باغيني نغتصبه درك
_مي كنت في كامل قواك العقلي نعقل كي سلمت عليا و ....
قطعلي هدرتي و هو راح تمشا لتاقة
_مقتلكش نحبك!
تفكرت البارح و صح مقليش كامل كلمت نحبك ، واش قصدوا تما راه ترشق بيا تما لعب بيا و خلاني كي كلبة وحدي؟
_تما تما لعبت بيا؟
طلق انفاس نتاعوا و جا عندي قدبلي وجهي
_متنسيش انك كنت حابة تلعبي بقلبي مقابل دراهم
بتاسم لي و خرج ، اما انا مش مأمنة عقلي تما كامل هاد وقت لي حبيتوا و خريت عليه فتالي يقلي لعبتي بقلبي برك علا جال دراهم روح روح تخرى يا الخرا انا مدبيا نشوف والديا لي راك حرمني منهم يا كلب 😡 ، خرجت من بيروا نتاعوا و راسي راه غير يغلي دخلت لشومبرتي نحاول نهدي روحي خير مراح نقتل ديك اللفعة كلبة ! ، كيفاش كيييييفاش قدر يبدلني بين ليلة و نهار خداع خدااااع زبلة كلب تما شرا خانزة باش يبدلني بها ، مكذبوش لي قالك رجال يحوسوا غير علا عاهرات لي يترماو عليهم ، جيت فايتة على مراية حبست شفت روحي طلعت شعري كانوا مزال فيا اثار نتع بارح في رقبتي ، خرية غير بارح كان يحبني و درك ولا كي كلب مع ديك لفعة مكلوبة ، بتاسمت و رحت لدوش باش نخمم مليح فالحل ، و سغتوا كيفاش نقتلها ديك لي نسيت اسمها 😒، رحت طليت من تاقة نتاعي لقيتوا راكب في لوطوتوا و رايح ، روح الله لجابك بعيد شر ، عاود خرجت نشكي شوية لليوا على هم هدا ، جيت نتمشى فحديقة حتى نلقى ديك عقرب لابسة بيكيني و دايرة شابوا فوق راصها و دارة ليلونات منكذبش كيشفتها هاك حسيت بحجا تنقزني في قلبي عندوا الحق كي ماركوا يقدر يشريها و يجيبها عنده ، كلش فيها كامل لاطاي زين شعر حتى طريقة لي تلبس فيها شابة مشي كيما انا لي لابسة هاد روبة كحلة ملي دخلت لهاد قصر، رحت عند ليوا ، و جمعت قدامه كيما كل يوم
_واش بيك اليوم مكيش غاية !
_بففف راني كارها حياتي ليوا كل مراه في قلبي هي نخرج من هاد جهنمة لي راني فيها و نرجع لحياتي قديمة
أنت تقرأ
🐆la pantera negra y la mariposa🦋
حركة (أكشن)💙واش رايكم في جزائرية تافهة ، حياتها عبارة عن تقرا كرونيكات و تكتب و على العام وحدها ،منا على نهار تتقلب حياتها و تلقا مع شخص من شخصيات الالفا، مسمى بنمر اسبانيا ، يذوب ناس من ناحية فخامة و شجاعة، واش راح يصرا بينتهم؟ و الاهم يقدر نمر اسباني تردوا...
