وصلنا للمقر نتع شرطة تفكرا نهار لول لي جيت هنا مع فيكتور ، هاني نرجعله مع لي خطفوني عل جاله درت ماسك نتاعي و جبدت سلاحي ، دخلنا لداخل غير بشوية انا رحت من جيهة و هو من جيهة نتمشى نتمشى نتمنى برك منتلقاش مع كاش واحد و نقتلوا و خلاص دخلت لبيروا الاول باش نحوس على دوسيات سبيسيال ، حطيت سلاحي على جيهة و رحت نحوس على اوراق ، حتى نسمع
_هيلوا مدموازال !
غير رفعت راصي بيسك كان مدسوس ، هو نخلع كي شاف ماسك على وجهي عرف بلي مشي نورمال ! بلع الباب من مراه و تقرب لعندي ، جيت نحوس على سلاح نتعي ملقيتوش شفت من مراه لقيته من رول...ملقيتش واش ندير الا و نضربوا بضربة رجع زوج خطاوي لرول ، نضريت من يدي ، هو توشا وجهه لقا دم في يديه ضحك زعمة كيفاش بنت كيما نتي ترعفني ، قبل ما يخمم كامل ضربتوا في كرشوا ، اويا معلاباليش مين جات كامل هاذ القوة شد كرشوا و بقا يألم و انا هربت باش نجيب صلاح حتا شدلي كراعي و طحت كان باقلي شوية و ندي صلاح ، طحت فارض هو جا فوقي و يحاول يتدنا عليا شدلي رجليا باش ندربوش بطالون اما يديا يحاولوا يبعدوه من صدروا ، و انا لاهيا نبعد فيه ، حتا نشوف نجوم بين عينيا😂 شكون طفا ضو ، ولد الحرام جبد معاية بضربة مأمنتش عقلي ،
حسيت بفشلة فيا هو هود راسوا لعند رقبتي ، لعبتها متغاشية بديت نطلع يدي بشوية باش نجبد داك سلاح ، انا نحاول حتى جا فيدي ، اموان باش يسلكني بلا بيه راح يغتصبني هذا ، حتى بوم تيريت علا راصوا طاح جثة قدامي ، منيش مأنة عقلي بلي قتلت بنادم درك منيش مأمنة بدا دم نتاعوا يهود عليا وخرتوا تعضبت باش وخرته بيسك ثقيل، نضت و انا مازلت مشوكية على واش درت درك !! ، كان حامل ديك اشارة نتع شرطة ديتهاله و حملت صلاح نتاعي و خرجت نجري ،درك خاصني نوصل قبل ما تفوت ساعة ، باش نتلاقة مع ماركوا ، نجري نجري حتا نشوف زوج من حراس وقفين عند الباب ، عاود رجعت ، درك عبد واحد مسلكتش معاه تخيلوا زوج ، تنفست بعمق نحيت ماسك نتاعي سقمت روحي و رجعت ليهم ، نتمشى و هما كانوا يشوفوا فيا من تحت لفوق و يبتاسمو ابتسامة نتعهم 😒 ، قربت لعندهم مام انا مخليتش من تمثيل عليهم غير باش يخلوني ندخل
_ايه، مدموازال؟ 😉
قال لول اما لاخر غير يشوف فيا و جني و جن ديك شوفة نتع اغراء 😤
_ اممم ، متخليش مدموزال تدخل؟
تقربتوا غير شوية هو شوية و ما يبول تحتوا
_احم اممم تدخلي!مي خاصك اشارة
وريتهالوا بلخف عاود هودتها باش ميشوفش بلي مشي نتاعي ، قعد شوية و قالي دخلي ، جيت داخلة حتى حبسوا هداك صاحبه
_قبل نشوف مليح اشارة
قلبي ضرب مديتهاله بلاك كاش ما يأمن بلي نتاعي ، شاف مليح في ديك اشارة و شاف في صحبوا و غمزلوا ، داك صاحبوا راح يجري و انا عرفت بلي غادي يروح عند هداك لي قتلتوا من قبل ، داك لي رافد اشارة جبدلي صلاح و داره بين عينيا
_ههه حاسبة تفوتي غير هاك ؟
شفت فيه مليح مليح و جبدتلوا يدوا ، و هنا تقلبت ادوار وليت انا شادتوا و حاطة صلاح على راسوا ، اهه تلعب معيا يا كلب ؟ 😂 ، كنت راح نتيري عليه مي جا يجري هداك لي قالوا روح، تيريت عليه ديركت لي كان بين يدي ، و رحت عند هداك لي كان حاب يهرب و بوم قتلتوا ، ديت صلاح ، و درك ولا عندي زوج ، اه حجا مليحة لي حسيتها فيا هي منيش نخاف كي راني نقتل ، فيديك دقيقة تبدلت كامل ، دخلت للداك الباب ، كان فيه مجموعة من دوسيات ، نحوس ما بينتهم حتا صادفات مراية(مرآة) شفت روحي اويا كان وجهي فيه دم و ضرب باين ، درت ماسك و كملت نحوس على دوسي رقم 5947 ، نحوس نحوس حتى لقيتوا جيت رايحة ،طاحت عيني في حواسيب نتع كميرات ، رحت ليهم بوم بوم بوم مخليتش وحدة 😏 ، و هربت نجري ، درك باقيلي مابا ربع ساعة باش نتلاقوا عند مكتب الكبير ، سينوا راح خطة كامل تفشل ، خرجت نجري باش نوصل بيسك طريق طويلة ، خرجت برا نتمشى بشوية باش ميفيقوليش لقيت بزاف وحدين شادين الباب نتع دخلة و هادوا ميكونوا غير بوليسيين في وقت الاستراحة ، معنديش الحل و لا هربة ودوخرة و بزيادة خاصني نوصل بكري ، شارجيت صلاح نتاعي درت ماسك ، خير خرجت تريت على واحد قاع داروا شافوا فيا و جاو ليا ، اوه شيت ، كامل هادوا مشفتهمش معليش راح راص يطير كلكم المهم نوصل ، نتمشى و نتيري شغل ديك اللحضة حسيت فيها كيما فيلمات
(بون ملقيتش كليب نتع وحدة تيري و زيد سمحولي على lyrics 😁)
أنت تقرأ
🐆la pantera negra y la mariposa🦋
Aksiyon💙واش رايكم في جزائرية تافهة ، حياتها عبارة عن تقرا كرونيكات و تكتب و على العام وحدها ،منا على نهار تتقلب حياتها و تلقا مع شخص من شخصيات الالفا، مسمى بنمر اسبانيا ، يذوب ناس من ناحية فخامة و شجاعة، واش راح يصرا بينتهم؟ و الاهم يقدر نمر اسباني تردوا...
