حل الباب و انا قلبي حبس 😳، كانوا مجموعة كبيرة من نمورة و سبوعة ياكلوا فلحم نخلعت بيسك اللحم نتع عيباد عادي يكلوهم من كرشهم من رجليهم و هما ميتين و ذبان دايرين حالة ، بقيت غير نشوف
_و درك عرفتي؟
_...😶(ساكتة )
بتاسم و عاود بلع الباب، و عاود رجعنا لطريقنا باش نخرجوا من ديك دار ،و انا ساكتة بالخوف، عرفت درك علاه كامل يخافوا منه
_امم...اممم...احم...هادوا..هادوا علاه يعني واش صرالهم باش تعضبوا هاك؟
_اه غلطة صغيرة لوكان قالوا حقيقة من لول لوكان راهم عيشين درك، اما كامل هادوك ما دنبهم حتا حجا غير مين FBI قاسوهم هنايا و خاطروا بيهم .
😳😳😳😳وات وات واااات ، نووو فهاد لو كا خصني نخبروا شكون انا ، خصني درك نقولوا!!!
_ماركوا حبيت نقولك حجا...
قاطعلي هدرتي
_مي باينة لوكان كدبوا عليا من قبل مراحش نسامحهم
هههه ديركت بدلت رايي بلا منخمم سكتت
_ايه واش حبيتي تقولي؟
_والوا!
شاف فيا و سكتنا و كملنا طريق باش نخرجوا .
_اما مشي نورمالمون قتلي على مغرب باش نجي؟
_بدلت رايي
😒 بففف بارد خرجنا و بلع الباب حبس شوية شغل يخمم بقيت نشوف فيه مال جدوا يخمم؟ 😂 ، بقى يدور في داك الخاتم في سبعه قبل وسطاني (مشي نتع زواج متخافوش!) لي دايمن نشوفوا نقول واش قصتوا ، اما زايدلوا غير كراريزم 🤤، طلق نفس نتعوا نتع غادي ندير عفسة بسيف عليا ، دار عندي و قربلي كثر شوية
_علابالك انا جامي مكان عندي صديق في حياتي!
ايا انا واش دخلني؟
_ مام انا ☹
_ايه تعرفي علاه بيسك تخدعي بزاف ! (قالها بشوية)
_وات؟؟
_احم اما كيما قتلك راني صديق نتاعك ، تما معاملة نتاعي معاك تكون عادي مشي كيما هما كامل
ايوا واش قصدوا ؟😐
_ مفهمتش؟
هو قلب عينيه و قرب لي كثر و يمسحلي على شعري شغل يرجعه مور ودني شعرة بشعرة(شغل طرف بطرف خير ما تحسبوا بصح شعرة على شعرة😒)
_ قصدي عارفة ماركوا سيفيتشي مع ناس ودخرين واحد حاسب في روحوا و كامل يخافوا منوا كيما يقولوا هما!، اما معاك راح كون بشخصيتي زوجا عاقل جانتل مان ☺️
يهدر غير بشوية مع لفوا نتاعوا مبحة من دخان اما لافوا نتاعوا كانت زيدلوا نص على كامل من رجولة سوختوا ديك طريقة لي كان يخربلي في شعري و يهود صبعيتوا على رقبتي مكنتش نسمع حتا حجا ملي كان يقول كل ما كنت نشوف هي وجهوا و تقاسيم نتاوعوا متساوية مراهش مهم تقاسيم قد ما يبين ملامح نتاوعوا لي تكون عندهم طبعة خاصة كي يكذب ، تقرب نتاعوا ليا زاد وترني كثر اه و منحكيلكمش على رائحة لي فيه 😫 ، كنت غايسة فيه حتى هو فيقني ب "اممم؟" نتاعوا شغل راكي معايا 😭 تقدر تعاود، بصح و نتا مبعد باش نفهم؟
فقت بروحي و عرفتوا بلي راه يلعب و يكذب مام انا باغي نلعب😏
_ كيفاش باد مان حاب يكون جانتل مان؟ 🙄😏
هو بتاسم على جنب و اه قليع قلبي 😭
_واش تحبي نتي ؟
😶 لعلني ملعبتهاش واعرة! كلب واعر بزاف درك تجيني مرنكة نقولوا واش نحب انا بيسك معلاباليش واش راه يقصد!
_احم..امم..كيما تحب نتا .
_اوكي ، واش رايك نكون كثر جانتل و نخليك تخدمي معيا!
_نخدم معاك!
اوه شيت انا قراية و منفهمهاش و حابني نخدم خدمته !
_احم...اوكي اوكي راح نخمم 🙄
بروحي زعما نقول واه يعني نخدم معا بوقوس و نقلوا لا 😍 نشوفوا كل دقيقة
_ايا اوكي مبعد روديلي خبر.
قالي هاد الكلمات و بعد عليا افف حمدالله ، يا حبيبي قلبي كان شوية ويتبلوكا!🙂 غمزلي و راح، هل تريد ان اغتصبك؟ لمذا يا قلبي تحب اشخاص مشي ملاح لك؟ لمذاااا نحن هنا😭 .
المهم رجعت لشومبرتي و عقلي و قلبي و روحي كلش مخلياتهم عنده ، دخلت غلقت باب من مرايا اوياااا راح نخدم معاه ، معرفتش على نفرح و لا نو ، اموان نقدر نشوفوا كل يوم حبيب البي 😍 ، بصح واش راح نكون نخدم معاه زعما ؟ جمعت فوق سرير نتاعي حتى تفكرت ليوا لي خاصني نقولوا على معلومة طليت من تاقة نتاعي بصح مكانش تماك ،دماج باين راح مع روز نتاعوا فبابور 😂(علابالي مظحكش خلاص 😒) عاود رجعت لبلاصتي ، فيد قتلني نكذبش ، مي قاع هاك قلبي راه غير مع كراش ناتعي نمر مثير نتاعي 😂، اما عقلي راح كامل فمهمة و فغرفة حمراء🙄 ، ايه تما كامل لي ماتوا كيما قالوا هو باعتينهم FBI ، تما كامل هادوا راهم كيفي شغل عطاولهم نفس مهمة نتاعي، اوكي كيما قالي ليوا خاصني نكون مختالفة على كامل بنات و باش نكون مختالفة خاصني نعرف بنات واش يديروا كي يبغوا يخرجوا مع واحد و فنفس وقت نعرف واش ولد يحب فبنت و تانيك نعرف نقطة ضعفوا !
_______________________
سؤال فضولي🙄
واش دير بنت كي يبغوا يكونوا انكوبل مع واحد ؟
و راجل واش يحب فبنت؟
و في رأيك كيفاش بنت تكون مختلفة على كامل
بنات ؟
_______________________
هاذي نتع نقطة ضعفوا نشوفها عند ليوا، بفففف، نشاء الله برك ميكونش جوغ نتاعوا هادوك شيرات لي جايين ساكسي و هوت "hot" و قاع سينوا بوم مهمة نتاعي باي باي ، انا برك طفلة كيوت و تافهة 😪 اوكي خاصنا نركزوا فمهمة نتاعي ، واش راه يقصد بخدمة زعما صح غادي نولي نخدم معاه فشركة نتاعوا و نولي سكرتار نتاعوا ؟ اححح تما وليت نعيش كيما كرونيكات ياه (نشاء الله برك تكمل نهاية مشي كيما نتع عالم مافيا 🙄) ايوا مليحة ملقغي راح يهبل معاية بيسك منفهمش حتى يعاودلي الف مرة بصح مليحة خير من والوا🙂 ،
_ياك ؟!
انا قلت لباستي خيالي ، ميقيمش مي المهم نهدر مع واحد ، ديجا فيد قعرني ، نضت لمراية شفت شعري طالع لسما و انا حسبت راه عادك كيرلي 💔، مشطتوا و سقمتوا مليح باش يهود منداك شعري ناتورال جاي شغل ما بوكلي ما مليسي ، رديتوا ناتورال بيسك شعال و انا فكيرلي ! ، اما جاوني غاية مع دوك شعرات من قدام ملونين جاني خير ، شفت روحي فمراية معرفتش روحي عاود رجعت كيما كنت 😭، بففف عاود رجعت للبلاستي و عود تكسلت ، حيات صعبة بدون الهاتف ، لوكان درك راني فواتباد نكتب فروايات (تخيلوا يجي نهار وين نقول هاذ موقولة فحيات الحقيقية علابالي جامي تصرا بيسك لكان نشوف فارس احلامي يدور برا نخطفه و نرده اونسانت 🙄 و نعرف روحي مليح !) فجأة تفكرت بلي ماركوا ميعرفش اسمي 🙂 صدمة كبيرة... و يقلي حنا اصدقاء كذاب ، المهم انا نرقد و نحبس من تخمام هذا ....
أنت تقرأ
🐆la pantera negra y la mariposa🦋
Aksiyon💙واش رايكم في جزائرية تافهة ، حياتها عبارة عن تقرا كرونيكات و تكتب و على العام وحدها ،منا على نهار تتقلب حياتها و تلقا مع شخص من شخصيات الالفا، مسمى بنمر اسبانيا ، يذوب ناس من ناحية فخامة و شجاعة، واش راح يصرا بينتهم؟ و الاهم يقدر نمر اسباني تردوا...
