🐆la pantera negra y la mariposa🦋

ivan😳

بعد شهر:✨

فات شهر و علاقة بيني و بين شارلي زادت سغتوا مين تعلمت تهدر شوية انجلي بعد كلمات متعرفهمش بصح صفا ، استاذ ليوا خاصوا يبدا يقري اواه يفهم غاية🌚، و مام ليوا زدت داسرتوا بزاف و ولا نورمال يحكيلي على روز نتاعوا 😂 من لول كان يحشم بصح درك بلا يماك تهدر ، و الاهم سيد ماركوا ، لي وليت كي نشوفوا نحمار و طيحلي لاطوسيون وين نشوفوا نتفكر.....

فلاش باك 

جيت خارجة من شومبرة و ميتة بخوف اذا يشوفني بيسك كنت مهودة دوك الخرى لي ملي دخلت لقصر ولاو اسوء عدو "تقاشيري🙂" هودتهم غير شوية بيسك الحمان  يصرع داك نهار ، نتمشى نتمشى حتى نحس رجليا فوق الارض و طلعوا خطرة وحدة ، شفت شكون لي رفدني لقيتوا هو 😑 ، خرى كيفاش مسمعتوش كي جا ، المهم راك صفا لاباس🙂 غير متشوفش في رجليا لي كانوا كامل عريانين ، مي قاع هاك يشوف مكلوب😒
_ لوكان ملبستي والوا و خلاص 😐

اخرى بداها بيه بهدرات نتاوعوا ،
_خلاص حطني نطلعهم 😑
هودني بشوية طلعتهم حتى لكرشي هاك باش ميزيدش هدرة شابة نتاعه ،
_متزيديش تنحيهم !
😐 راك منيتك فرار تهدر معايا بنبرة امر !!!!!!!!!!
_نشاله بربي😏
قلتهاله بعربية يفهمها كيما يبغي ،
_واش؟؟
قالها و بدا يقدملي 😳 اي واش حاب دير بديت نرجع خطوات هو خطوا و انا عشرين خطوة، حاب يجبدني من يدي وخرت يدي و بوم سمعت حجا من مراية تهرست ، هولي شيت ، درت بشوية لقيت فاز(بقالة هدوك نتع بكري تعرفوهم ؟🙂) المهم ديك اللحظة متتمنيهاش حتى لعدوك سغتوا كي قالي بلي نتع جداتي تقوست قسمنعضمن، اه و ديك اللحضة لي وليت حبة طماطم، مداك نعرف منعيش كيما دوك الحكيات لي يقولوا يقربلها و هي تبعد حتى تلصق فحيط و هو يسلم عليها و لا يكلها 💔)

اند فلاش باك🙂

المهم شارلي و ماركوا راهم شوية يهدروا يعني علابالي بلي يكرهوا بعضهم البعض بصح راني نحاول نصالحهم علابالي صعيبة على شارلي بيسك قتللها بوها بصح سييت نقنعها بلي علا جاله راح تعيشي غاية خير ملي كانت مع باباك (بيسك باباها كان شغل ميمدلهاش قيمة و يدخل النسا لدار و يدير هدوك ممنوعات ) ، المهم هاد شهر فات غاية و بلا بروبلام قصدي قاع شهورة لي فاتوا و ملي دخلت لقصر فوتها غايا، الا داك نهار قصدي نهار لي كيما قالي ليوا" ماركوا انسان مشي كيما راكي حاسبة عاقل و قاع غير مين راكي في داروا وحدكم هو هاك ، لوكان مع ناس برا يا يقتلهم يا يقتلك" هاد عبارة لخصت كامل واش كان راح يصرا (تبانلي ليوا شواف 🌚)
((((((ايه نسيت قاع 🙂 صحا عيدكم ، و لي جايين من مستقبل ، هاد عيد كبير فسنة نتع كرونا ، لي جاي من مستقبل يكتبلي واش من عام راه )))))

كيما قتلكم داك نهار نهار قاع مجايش فحساب، نضت صباح درت روتين نتاعي كعادة و مام شارلي نديرلها روتين نتعها ندوشلها نوكلها و نلبسلها و قاع و نديها عند  ليوا يقريها ، ولد الحرام من داك نهار لي قالي "تنوضي روطار نرمالمون على ستة تنوضي " و لا ينوضني على سبعة باش نجيبله شارلي ،😒 بيسك عنده خدمة من بعد . وصلت لداروا طبطبت ، رغم باست فراند نتاعي  خانز و نغمالمون منحترموش الكلب مي معليش نطبطب قبل ما ندخل😌
_كوكو