نضت مخلوعة ملكوشمار لي نمتوا نظت نعرق ، نمتوا يقتل فيا ، بفف قلعت لغطا عليا بيسك الحمان بزاف مع لاغوب لي لابستها مزيرة عليا نظت و كان كاين سالدوبان غير تماك راحت دخلت غير بشوية من خوف غسلت وجهي بالما و شفت روحي فمراية هداك الغيسل كامل هاود على عيني وليت نشبه لبوندا 😂 غسلت وجهي مليح و طلعت شعري طوماطيسة اههه روعة كي نخلي رقبتي تتنفس ، حتى نسمع واحد دخل لشوبرة طليت نشوف لقيتها غير خدامة حطت بريكفاست ، سقسيتها على ساعة لقيتها سبعة نتع صباح بفف مرقدتش غاية قاع , اححح المهم حان وقت الاكل يا شكوبي نشوفوا اكل نتع صحاب مافيا كيداير🤤، بقيت ناكل و نخمم واش راح ندير درك مكنتش قاع دايرة في راصي بلي غادي ندخل لداره بلخف هاك و منيش دايرة في راصي خطة! تقوصت و خلاص، كملت ماكلة قعدت شوية و حبيت نخرج ،فحقيقة حبيت نشوف وجهوا 🙄 ، خرجت من ديك شومبرة قصدي واحد غرفة صغيرة فيها غير سرير و بيروا و طابلة و صال دو بان صغير ، خرجت بشوية هاك و تمشيت فهداك كولواغ كان معمر بغرف و في مل غرفة خدامة تنقي فيها بقيت نتمشى و معلاباليش وين رايحة ، بيسك طريق طويلة نتمشى حتى نلقى دورة فرحت يا شكوبي 🙂 تحسب كنت في مغارة غير درت لقيتوا هو خارج من بيروا نتاعوا و لا من شومبرتوا معلباليش ،شييت خبيت روحي ديركت مور الحيط ، معرفتش واش ندير نقابلوا و نقلوا سلام عليكم و رحمة الله و بركاته؟🙂 باش زعما يقول بلي مربية و مسلمة و مخصنيش نغتصبها ولا ؟؟؟ و لا نهرب😭 ،
_واش راكي ديري هنا؟
شفت فيه سقمت روحي و بتاسمت نسيت قاع واش بغيت نقول
_احم، امم حبيت برك نهدر معاك ، ايا معرفتش!
خرى خرى خرى 😫 واش غادي نقلوا درك؟
_ايه مكانش مشكل قارعلي فبيروا نتاعي
اه مزيا عطاني وقت باش نخمم هزيت راسي بايه و رحت نجري لبيروا نتاعوا . دخلت داخل كان قراف شباب كان كلش مخلط بابيض و شوية نتع بني ، سغتوا هادوك ملائكة نتع طين زادوا غير الفخامة فبيروا نتاعوا حتى مكتب كان منظم فيه ميكروا من جيهة و قابسة نتع سيقار شباب و فخم، غايسة مع بيروا نتاعوا حتى نسمعوا دخل ،😳ايييه نسيت قاع باش نخمم واش نقولوا ، اوياااه نندب لهيت فحبوبة نتع بيروه . هو دخل و انا ستراس طلعلي لعقلي ، حسيت روحي فحديقة حيوانات و حطوني في كاجة و دخلولي سبع لي منعرفش حتى كيفاش نتعامل معاه .كالميت روحي شوية هو بلع من مراه و دخل جمع على كرسيه بطريقة اسطورية نتاعوا نتع لامبلات 😭 و انا حجا تقتلني فيه خلاص ، جبد سيقار نتاعوا و سقصاني و اش بيك براصه ، اوكي حبيت نسويسدي ف ديك دقيقة بيسك معرفتش واش نقول و زيد مقدرتش نهدر ، سغتوا كي نشوف عينيه حوجيانة و قليع قلبي ، بقيت نتهرب من عينيه و نهدر
_ام...احم..حبيت نقولك...ام قصدي نسقسيك.اذا ...و....
قطعلي هدرتي و يشوف فيا بنص عين؟
_ عارف واش راكي حابة مي متخافيش حقك تديه هاد ليلة !
😳 وات واش قصدوا؟ نشالله برك مشي لي راهي في بالي
_واش قصدك؟
قلتها و انا ملامح نتاوعي نتع توسوست ، اما هو شاف فيا باستغراب نتع منيتك و لا تلعبيها مفهمتيش؟ سقم جلسة نتاعوا و قرب لعينيا اما انا في ديك اللحظة معرفتوش قاع شكون لا نمر لقدور راص يطير مع شرف نتاعي ا بب!
_ في ميزك كاين وحدة تدخل لقصر نتاعي بلا متطمع في حجا؟
حليت عيني على وسعهم اسكوا قصده اني طمعت في درهموا و لا طمعت في رقدة معاااااه ؟؟؟؟؟ واااات لوكان مشي هادوك الخرى نتع FBI لوكان مرانيش نطيح فكرامة نتاعي كل ما بنتلي هي نقلعلوا جلدوا و ناكله يا شكوبي واش دايها في روحه خلاص وليت نطلق نار من عيني الى كان هو نامر انا تنين .
_ شوف يا وليد الناس انا عندي كرامة و نتا عندك كرامة متخليناش ، ناااا.. راك فاهم، راص يطير ! (كملتهله بعربية باش نوسوسوا شوية😂) انا جيت عندك باش نخبرك اذا حاب تعاوني نرجع لدارنا و تانيك مشي انا لي دخلت لقصرك نتا لي جبتني .
هدرتلوا بالبرودة عكس لي في عقلي لي راه حاب يغتصبوا ، هو شاف فيا مليحة عاود رجع للجلسة اسطورية نتاعه .
_امممم، انا تبانلي تقعدي هنا خير!
وات واتفاك ميفهمش هادا لوكان نقعد معاك يا تكمل عليا بموت يا تكمل عليك بالحبس و انا منيش حابة يدخل زين كيما نتا للحبس ! .
بقيت نشوفيه و معرفتش واش نقول ، حابة نقولوا حقيقة بصح خايفة يقتلني بيسك كذبت عليه ،
_انا تبانلي نروح بيسك مليحة ليك و ليا ؟
_كيفاش مليحة ليك و ليا؟
_امممم مليحة ليك بيسك ...امممم
يخرى واش درت 😱 و واش قلت خلاص عاود توسوس مني يا نندب على لساني لي يعرف غير يزلق بقيت نهدر كلش غير الحقيقة شغل بقيت باينة راني نخلط ، هو ناض من كرسيه و قرب عندي و جمع على بيروا و مقابلني بصح بعيد عليا راك فاهم 😂
_المهم مليحة ليا باش نشوف والديا و ليك تاني باش تحوس و تشوف دزاير ، 😅
كملتها بضحكة نتع حشمة، هو هز راصوا نتع شغل فهم و انا علابالي بلي راه يوجد فكرة تعذيب😭 ، انا بقيت نرجف...قعد شوية حتى نطق بعفوية وانا علابالي بلي مور هاد عفوية خطة شيطانية كبيرة .
_اوكي مكانش مشكل مي باش نوجدلك صوالحك و قاع خص وقت بزاف . (مد يده باش نتصافحوا ) نكونوا اصدقاء 🥰
شفت في عينيه لي يقولوا بلي نكون اعداء و يبينوا كلش عكس لي يقولوا ، شفت في يدوا فيها وشم نتع وردة مدورة عليها لفعة كبيرة و في كل صبع كتبة بيونانية و في كل علفة نتع يدوا اثار ضرب و عروق كامل بارزين يدوا كانت كافية باش تبين عكس لي راه يقولوا مديت يدي انا بتردد و بارتجاف رايح نلمس اوسخ يد في عالم رغمة نقاء جلدي نتعها و راح نلمس يد قتلت و ذبحت عذبت و لمست كل حرام دنيا مقابل يدي لي كانت بريئة دخلت يدي مع يدوا و زير عليها هو حسيت عضني بيدوا😂، رغم ذالك حسيت بشعور رائع فراشت دوك لي في كرشي داروا عرس و هما يرقصوا على شيخ نانوا لي يتيري على عديانوا 😭، اححح و زين غير يدوا يا شكوبي فيها كريزم و ما بالك هو فما بالك 😭😭،(خلاص عشقتوا !) ، طلقتلوا يدوا ، و هو شاف فيا من تحت للفوق ، حسيت روحي خرية بيسك كنت عادك لابسة روبة نتع بارح و شعري طالع لسما و اسوء راني بلا صباط شغل بلاحفا ، 🙂 نندب قاعدة مع كراش نتاعي و زيد منستيكيش روحي؟، هو شاف من مراه و درب وحد بوطونة حتى تجي واحد خدامة تجري حلت باب باحترام ، و هدروا بسبونيولية و انا مفهمت والوا بقيت هاك :👁👄👁 ،
جات عندي ديك الخدامة و قاتلي كي شغل ايا ب سبونيولية و مزالت نشوف فيها هاك :👁👄👁 ،
شفت فيه نتع مفهمتش!،
ايا ضحك ، دونت سمايل يا كلب راح نطيح فيك 😭،
قلها بلي متفهمش سبنيولية و قالي بلي خدامة طلبت مني نجي معاها المهم قلت صحا و خرجنا اما هو رجع لبيروا نتاعه ، و رحت نتمشا مع خدامة ، المهم الخدامة جاية قصيرة و سمينة و كيوووووووت حبيت ناكلها 😍😂 خدودها كبار و زيد كي شغل دير لي يقلولها و خلاص بلا متحوس تفهم نتمشى انا وياها ف داك القصر
أنت تقرأ
🐆la pantera negra y la mariposa🦋
Acción💙واش رايكم في جزائرية تافهة ، حياتها عبارة عن تقرا كرونيكات و تكتب و على العام وحدها ،منا على نهار تتقلب حياتها و تلقا مع شخص من شخصيات الالفا، مسمى بنمر اسبانيا ، يذوب ناس من ناحية فخامة و شجاعة، واش راح يصرا بينتهم؟ و الاهم يقدر نمر اسباني تردوا...
