شوية هاك و نضت قبلها رحت غسلت وجهي و هودت لتحت كوزينة ، جبت شي ماكلة و صولح شبين و طلعت لشومبرتي ، حطيتهم في بلاصة و رحت بدلت قشي بيسك صح كنت معمرة دم قاع ، قعدت شوية حتى ناضت هي رحت عندها نمسحلها على شعرها
_صفا!
_👁👄👁اه
وتفك متقولوليش متفهمش انجلي🤦🏽♀️ ، المهم رفدتها و دخلتها لدوش دوشتلها (ايه دوشتلها بنت عندها تسعة سنين معلابلهاش حتى وين راح ابخي شومبوا و شمبوان!😒) نشفتلها شعرها و مشطتوا و عطيتها تاكل مام هي عاقلة بزاف ولا بلاك برك غير راهي حزينة على بوها! ، المهم كلات حتى شبعت ملقغي كانت تاكل من فوق القلب باينة كي تكون في ديبريسيوا راح ماكلة متكونش فيها البنة ، خليتها تاكل و خرجت عند ليوا توحشتوا و حبيت نحكيلوا قاع اش صرا ، رحت جردان نحوس عليه ، حتى الحمدالله لقيته ، رحت جمعت قداموا في ديك طابلة و هو كان يخدم في وحد الحاجة قدامي غير جمعت حطيت راصي على يدي ،
_واش صرالك ليون تانيك؟ عاود خدعك ول؟
_نو نو خلاص منيش نهتم باذا خدعني و لا لا! كرهتوا و كرهلي كامل المعيشة كي شفت وجهوا زاوج
هو عقد وجهوا و شاف فيا
_كيفاش؟
حكيتلوا على كامل واش صرا و حتى علا شارلي
_اوه علابلكي بلي كامل راجل نتع مافيا هاك ، حسبتي صح عاقل و ميدير والوا هادي حجا يعتبرها تدريب .
_بففف حابة نروح لدار كرهت 💔 توحشت ماما و بابا تليفوني ديك صحبتي لي نكره كي ترسلي ميساج همستار نتاعي كلش ، اندري كلش كرهتوا ،....
_قارعي قارعي ، عيطتلي اندري درك ولا راني نتخيل؟
طلعت راصي شفت فيه بتاسمت بيسك هاد العبد خطيه دراما كامل !، هزيت راصي بايه ، هو طلع راصو لسما نتع شغل يحمد ربي ، نعل جدوا ميخلينيش ندبرس توجور يضحكني🤦🏽♀️😂 ،
_ايا حجا مليحة كي كرهتيه درك مراحش كل يوم نسمع نفس الهدرة نتع نبغيه و شكيل هداك
_😂 روح تخرى درك اما قلي واش ندير بشارلي درك ؟
هو حك مؤخرة نتع راسو و قالي بتسألة
_شكون شارلي؟
(((((شارلي داميلوا يا حمار 💀))))
_يا خرى شارلي طفلة لي جبتها!
_ايه واه باه دبري راسك نتي جبتيها نتي تكلفي بيها!
_بفف متفيد الوالوا ، المهم انا راني طالعة لشومبرتي غدوة نتلقاك اوكي ،
_اوكي!
نضت و تمشت للشومبرتي ، و نخمم فليوا تبدل شوية و لا يضحك و يتبهلل اواه روز راهي بدلاتوا شوية😏 ، دخلت لقيت شارلي مزالت كيما كانت فوق طابلة و كلات شوية ،
_اروحي ..هنا..ترقدي ...
_👁👄👁ا
_🤦🏽♀️ا
درت بيدي فبلاصة لي حداية جات عندي غير بشوية كانت خايفة مني علابالي ،بصح مع وقت بلاك توالفني ، جات قعدت في بلاصتي ، حبيت نقولها ديري لي تحبي زعما بصح علابالي منتفهمش انغلي 😒، ايا درتلها اشرات صغار بيدي باش تفهم ، ساعة و انا نحرك فيدي باش فهمت و الحمدالله 🙂 رحت بدلت قشي نتع رقاد بيسك كان بقي شوية و نرقد ،
أنت تقرأ
🐆la pantera negra y la mariposa🦋
Action💙واش رايكم في جزائرية تافهة ، حياتها عبارة عن تقرا كرونيكات و تكتب و على العام وحدها ،منا على نهار تتقلب حياتها و تلقا مع شخص من شخصيات الالفا، مسمى بنمر اسبانيا ، يذوب ناس من ناحية فخامة و شجاعة، واش راح يصرا بينتهم؟ و الاهم يقدر نمر اسباني تردوا...
