شوق فيصل

١ - شغف ..

{ أعشق ضَياعي في متاهات عينيك : ولستُ أبالي

فهي أغنيتي وهيَ دليل عودتي ونجاتي .. 🤍

؛

يمشون عالبحر بنفس المكان الي جمع احلى ذكرياتهم ، يتحاورون بموضوع زواجهم الي نساهم موضوع انفاصالهم ، وبفرحه كبيره كانوا يقطعون وعودهم وأحلامهم المتسقبليه ...

فيصل كان يتكلم وهو بسابع سما الأحلام : ما عندي مشكله يا قلبي أهم شيء انك وافقت واذا تبي نأجل موضوع الأوراق بعدين انا موافق ، بس أبي موقفنا يكون واضح من البدايه

سحب سند ورده من باقة الورد الي بيد فيصل وقعد يحوس ويقطع فيها وهو يقول : شوف وبكل صراحه انا احس ان انت متصالح مع نفسك من زمان .. امممم يعني عارف وش لك ووش عليك وعارف من الأساس وش تحب ووش تبي أما انا تقدر تقول اني توني استقريت عاطفياً وباقي احاول اتصالح مع نفسي بكثير اشياء ولازمني وقت ، انت فاهمني ؟

فيصل ظل يسمع كل كلمه بتركيز شديد وبعدها هز راسه : ايه فاهمك .. وعشان كذا قلت لك اني ابيك بكل ما فيك
سند قطع بتلات الورده ورماها وهو يقول : لا ياخي ما فهمتني .. انا اقصد اني ما بديت معك صح ولا قد شفت مني اي مبادره حلوه تنذكر !

فيصل : مبادره زي ايش يعني ؟
سند نفخ خده وبعدها اخذ يد فيصل بيده ونطق وهو يسوي سكان بعينه حولهم : شيء زي كذا يعني ..
وقف فيصل : اوكي فهمت تقصد التعبير عن مشاعرك

سند سبق فيصل بخطوه ولف وقف بوجهه وهو باقي ماسك يده : ايه يعني من الآخر انا احس بالذنب وابي اعوضك .. ابي اعيشك احلى لحظات بحياتك لين تنسى كل ذكرى مره عيشتك فيها ابي أحسسك بحبي الكبير واعطيك الي كنت تستحقه من البدايه ..

تأمل فيصل عينين سند بحب وهو يحس ان قلبه خلاص مو قادر يتحمل كل هالمشاعر والكلام الي قاعد يطلع من سند ، لأول مره يعترف ان قراره بالإنفصال كان قرار صح ، ظل ساكت وبس يتأمله بنظرة بحب وفخر : ...
سند : شفيك ؟

فيصل بصوت واطي : ابد بس تأكد ان مافيه شيء بهالعالم يستحقني واستحقه غيرك أنت
رفت عين سند من الفزه الي صارت بقلبه ، نقل انظاره جهة البحر وزفر بعمق وهو يقول : انت تتعمد تجيب راسي بهالكلام وبهالصوت صح ؟

ضحك فيصل بخفه وضمه وباس شعره : هههه افدا هالراس هاليابس انا
همس سند بإذنه : أي راس ؟ ترى عندي راسين
فيصل بنفس الضحكه : اهجد
ابتسم سند بعرض ونطق وهو يبعده عنه : انت تبدأ وانا اردها لك يعني وحده بوحده !

مسك فيصل يده وكملوا مشي وهو يقول : طيب الحين انا فهمت الي انت تبي توصله لي بس ايش المطلوب مني بهالوضع ؟ قلت لك انت المسؤول عن هالعلاقه من هاللحظه
ابتسم سند بعرض وهو يشربك اصابعهم ببعض : احم .. المهم انا اقول خلنا ناخذ وقت اكثر شوي وبعدها الي تبيه بيصير