اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
بمكان ما كان سند جالس قدام احد العماير وينتظر برى وكل شوي يتلفت ويشيك على جواله ، بعد نص ساعه شاف بدر يطلع وهو مغطي وجهه بسكارف وبسرعه ركض ركب البايك وركب بدر وراه ودعس بأقصى ما عنده ..
سند بصوت عالي : بّشرعسى محد شافك ! بدر بضحكه : افا عليك لا تخاف اضبطك انا سند : طيب لقيت شيء نمسكه عليه ؟ بدر على صوته : ايه لقيت وشيء خطييير!
سند اخذ منحنى ثاني ووقف على جنب ونطق بحماس وهو يفضخ الخوذه : وش لقيت ؟! نزل بدر وطلع ورقه من مخباته ومدها لسند : لقيت ذي ! نزل سند واخذ الورقه وهو يحاول يتهجى الكلام بصعوبه لانه بالانجليزي وبمصطلحات طبيه ما يفهمها وعقد حواجبه وهو يقلب بالورقه : وشو ذا تلعب علي ؟ ذي وصفة علاج !
بدر رفع حاجب : مو وصفة علاج يا خريج تقرير طبي ! سند تفشل وسوا نفسه يكمل قرايه وبعدها عقد حواجبه وقال : طيب وش زبدته يستخدم صنف ؟ هز بدر راسه : تؤ ياخي انت فاهم الكلام المكتوب والا وش ؟! سند بقل صبر : ما فهمت ارتحت؟ اخلص علي وش ذي ؟
بدر : مكتوب هنا ان صاحب هالتقرير كان ينصرف له علاج خاص للمرضى الي عندهم اكتئاب حاد يعني من الآخر الاخ كان مريض نفسي ! سند تجهم : مو جديد واضح انه نفسيه وقايل لفيصل انا بس ماهو مصدقني ، انا الي يهمني سجلات ارقامه
بدر : اصبر ياخي .. فيه شيء بيصدم عيشتك بآخر التقرير سند : الي هو ؟ بدر طالع بعين سند وشرح له : الرجال دخل الأحداث لما كان عمره ١٦ بسبب هالمرض !
سند ضوق عيونه : ليش طيب ما عرفت ؟ بدر : لا مو مكتوب السبب بس واضح انه مسوي مصيبه ، انا اقول دامك خلصت دراسه ابعد عنه احسن لك خاصه ان سجلات ارقامه مافيها الا مسجات بسيطه متبادله مع فيصل يعني ارتاح مافيه علاقه سند ضغط على شفته وتنهد بقوه ..
- فلاشباك -
كان واقف قدام باب مكتب وسام ومعه شلة طلاب قدر يصادقهم بفتره زمنيه قصيره بفعل شخصيته الاجتماعيه والمحبوبه ..
