الحـــب رغماً

3

الحـــب رغماً ❤️

-(الحب يغلب كل شي) - ❤️

في مكان تاني :-
لقمان :وهادا اللي صار اختك توا قاعدة عند مرت عمي وعمي احتمال في اي وقت يجي ياخد منكم فلوسه اليوم انا عازمهم على عرسي برا انت اعطيها درس مقوم تو تولي لحوش راجلها بروحها بروحها...
يعقوب :معقولة يقين هي اللي هربت من حوش راجلها...
لقمان : ايه هربت انت غير نضم امورك غدوا و تشوف كيف تولي لحوش راجلها....
يعقوب :به أن شاء الله مش عارف يا راجل خلوقي في حكة تو نقتلها انا ولا شن انديرلها.
لقمان :دبر شن اديرلها..... و ضحك بخبث(اي هادا نفسه لقمان اللي مشي زاد فتن بين يعقوب واخته)

اما أمير في المستشفى :-

يتمشو  هوا و مهند يههدرزو..

مهند : غريبة قصة يقين و لا..
أمير : ايه لاكن حرام البنت صغيرة ...
مهند : ايه يالله شن بنديرو..
نور :(ممرضة) : اهلين دكتور أمير...
أمير : اهلا شنو في..
نور :عندك مريضة تستنى فيك و في بنت تبي تحكي معاك في موضوع... 💜
أمير : بنت!!! تمام هي شوف شغلك انت..
نور : ااا دكتور مهند في بنية صغيرة بتخش العملية بعد ساعة و تعيط تبيك ماتبي الدكتورة متعاها...
أمير : حبيب الملايين... 💜
مهند : هه تمام هي وين غرفتها...
نور : انا توا ماشية هي..
أمير : هي سلامات...

مشي مهند مش مستغرب بكل لان متعود كل الصغار يحبوه خش لغرفة البنت و كان عمرها 6 سنين..
مهند : قعمز على الكرسي جنبها :اهلين يا حلوه شن اسمك.. 💜
البنت : ماما شوفي محلاه دكتور يهبلل ❤️
اما و حناها : اسكتي حشمتينا..
مهند : هه لالا عادي حتى  انتي حلوه هي قوليلي شن اسمك...
البنت : اسمي غزل ❤️... دكتور انت اديرلي اليبرة مش هادي مزيتة ( و أشرت على الدكتورة.)
مهند : مقدرش يشد ضحكته : 😂😂 به حاضر... (اما الدكتورة خدتها بعفوية وضحكت وامها ترحي حبت تغير الموضوع..)
امها : ديما شاهدتها في جرتي ماما افتحيلي بنشوف الدكتور يا ماما نبي نمشي للدكتور كل يوم لازم تفتح ايميلك مش عارفة من حاكيلها عليك ..
غزل : شادة يد مهند بيديها الصغيرونات : دكتور انا نبيش ندير العملية..
مهند : اممم علاش.. شوفي هي ساهلة ترقدي و تنوضي رقبتك معاش توجعك..
غزل : لالا نبيش انا حارة
مهند : غمز للممرضة و هي فهماته جابتله يبرة التخدير :به شوفي توا انتي تحبي ترسمي..
غزل : ايه لاكن بابا يبيش يشريلي الوانات...
مهند : ضربلها اليبرة و من كتر مايده خفيفة غزل ماحستهاش و ماكانتش منتبهه اصلا : تمام تو انجيبلك انا الوان شن رايك نطلع انا وياك نجيبو الوان...
غزل : ببه وع وعد دك دكتوو ر....... و غمضت عيونها..
مهند : ايه وعد... 💜
امها : شكرا دكتور ما قصرتش...
مهند : لا ما فيش مشكلة دكتورة طمنيني اول ماتم العملية...
الدكتور : ان شاء الله دكتور مهند... 💙
و مشي لي غرفة أمير ..

أمير خش لغرفته لقى مريضة جايتاه قبل شهر و كانت اكتر مريضة تجيه...

{شخصية جديدة }
غزل م 97 تقرأ لغات قبل فترة عرفت ان عندها ورم في الرأس عفانا الله و إياكم و قعدت تجي تقريبا كل يوم لأمير و هوا يدعم فيها و يقنع فيها انها أدير العملية لاكن هي ماتبيش غزل بنت وحدة عايشة في حوش بسيط و متواضع مع امها وابوها متوفي مواصفاتها بيضة و شعرها بني فاتح و عيونها ملعونات كانت جذابة و حلوة لدرجة خياال  امها كانت قريب تلبسها خمار بش ماياخدوهاش بالعين كانت بنت تتجنن رغم بساطتها و جمالها واسلوبها كان الكل يموت فيها  ... تو تعرفوا علاش اخترت نفس اسم البنت الصغيرة
أمير : غزل اللي قاعدة اديري فيه أكبر غلط...
غزل : دكتور ماقدرتش نفتح الموضوع لماما تهبل كان سمعت ارجوك...
أمير : اسمعيني كويس صح انا ديما ندعم فيك و مش مخوفك من المرض لاكن اسمعي حالتك كل مرة تتأزم اكتر كل مرة الوضع اسوء من اللي قبله غزل انا اعتبرني اخ ليك وننصح فيك غلط ادسي على امك مرض زي هادا... و العملية لازم ما اديريها ماتبيش بنديره الك بالسيف..
غزل : تبكي : باهي موافقة اندير العملية لاكن يقعد سر بيناتنا انا وانت و صاحبتي بس اللي نعرفوا...
أمير : ووقت العملية لازم على الاقل تقعدي اسبوع أربعة أيام اقل حاجة..
غزل : نتصل بماما نقلها بنبات عند صاحبتي ماعندي ماندير دكتور مش مستعدة نخسر ماما على خاطر ص(انفتح الباب و اول ما غزل شافت عيونه نست كل شي تتمنى لو تحضنه رغم ان  هي شوفته بس تخلي فيها  كويسة كل ماكانت تشوف فيه في الجامعة تنسى في روحها صاحباتها كلهم يعرفوا قداش تموت فيه)...
مهند : (نفس الشي اول ما تلاقت عيونهم ببعض نسي حتى علاش جاي كإن هو حبها حب من اول نظرة صح!!! لاكن هي من قبل تحبه قعد يشوفها و يشوف في عيونها كيف حمر و أمير يكلم فيه وهوا يشبحلها وخلاص)
أمير : حس ان النظرات بينهم طالت و مكانتش طبيعية : مههنندد تسمع فيا..
مهند : شوية يا راجل...
غزل : فاقت على روحها : اااءءء اححم.... و نزلت عيونها...
مهند : حول عيونه من عليها : اااءءء نسيت علاش جاي انا 🙂 شنو مريضة جديدة هادي..
أمير :😏ايه غزل الدكتور مهند دكتور تخدير و حضرته يكون خوي.... مهند غزل مريضة جديدة عندي من شهر وشويه ممكن..
مهند : تشرفت بمعرفتك... ماشاءالله المستشفى كلها غزل 😂.
أمير : علاش البنت اللي كنت عندها اسمها غزل...
مهند : ايه تعرف تهبل البنية ماتبيش ادير العمليه كانت...
أمير : اها صغيرة؟ اكيد كانت خايفة
مهند :ايه عمرها 6 سنين هي كمل شغلك انا بنطلع شوية..
أمير : تمام... (لاكن مهند ماطلعش قعد واقف يشوف لغزل)  المهم غزل العملية غدوا و ماتغيريش الموعد بكل روحي اليوم جنب امك و حاولي تقنعيها انك ح تقعدي عند صاحبتك على خاطر القرايا و هكي 💙 لاكن غلط اللي اديري فيه...
مهند :علاش ماتبيش تقولي لأمك يعني فيه سبب يخليك ادرقي على امك المرض يعني قولي حتى لبوك خوك اي حد ..
أمير : (شرين تليفونه و طلع بيرد)
غزل :تبكي : انا ماعندي حد غير ماما وبابا متوفي كان هادا ماندسش حاجة زي هادي عليها..
مهند : (قعمز في الكرسي اللي قدامها) : قصدك مافيش حد يعرف به يعني توا من بيقعد معاك..
غزل :صاحبتي (معش قدرت تتحمل وجوده في جنبها لانها خلاص كانت تتوقع انها تموت تحت العملية تبي تحضنه و تصارحه لاكن ماقدرتش ناضت وقفت ساوت وشاحها و مسحت دموعها و ابتسمت) عموما فرصة سعيدة دكتور مهند...
مهند : (مد يده بيسلم عليها) : ان شاء الله تنوضي بالسلامة..
غزل : سلمت عليه :ان شاء الله.. 💜 (وطلعت كان أمير كيف بيخش) خلاص دكتور انا مروحة...
أمير : ياريت لو تضغطي على روحك وتقولي لأمك..
غزل : ان شاء الله... المشكلة خايفة نضعف قدامها..
أمير : غزل انتي في كل مكان قوية تبكي في المستشفى بس و هادا غلط نصف العلاج هي الحالة النفسية ولو حالتك النفسية قعدت هكي نتأسف نقولك مرات المرض مايمشيش خليك قوية زي قدام امك باهي و (مهند قعد يفنص فيه متع كيف تقولها هكي)  ااءءء المهم انا قلت الكلام هاذا بش تقعدي قوية... 💙.
مهند : طلع جنبهم : اكيد ح تتغلبي عليه المرض بس خليك قد ثقتك في أمير وهو اكيد ح يساعدك بش تتعالجي..
غزل : شكراً دكتور مش عارفة كيف نشكركم ديما ترفعلي في معنوياتي... هي سلام تأخر الوقت..... (ومشت مهند يتبع فيها بعيونه لين وصلت للدروج)
امير :(ضرب مهند على رقبته بش يفيق على روحه)...:شنوو دكتور مهند..
مهند : اححححمم ش شيي هي انا ماشي قولي على وقت العملية بش انجي...
أمير :علاش فيه اكتر من 15 دكتور تخدير..
مهند : انا كلهم يحبوني عادي و النبي قولي..
أمير : ضحك... به تو انقولك..
مهند :وععدد..
أمير : وعدد هي برا..... (مشي مهند  و أمير نادا على البنت اللي مقعمزة تستنى فيه) اهلا تفضلي قعمري..
البنت : قعمزت.. اهلين دكتور أمير انا ماريا ال(.....).
أمير : قعمزت قدامها : تفضلي ماريا شن تحسي..
ماريا : الصراحة دكتور انا مش جاية على خاطر كشف ولا علاج..
أمير : ان شاء الله خير
ماريا : دكتور انا نقرأ في الطب البشري و بإذن الله ح نتخصص جراحة يعني نبي نتدرب لو مافيش مانع انك ادربني وو و ونكون طالبة عندك..... اااءءء يعني نخدم و في نفس الوقت نتدرب..
أمير : (حس بيها متوترة هلبا):أرخي روحك الدكتورة مفروض ماتتوترش..
ماريا : مش عارفة يعني نحس فيها بايخة نطلب حاجة زي هكي....
أمير : ابتسم... عادي بالعكس في اما سنة انتي..
ماريا : سنة رابعة عادي يعني ندرب....
أمير : اي عادي مافيش مشكلة تدربي لاكن نضري مش عملي يعني زي ماتعرفي الجراحة صعبة مش اي حد يتدخل في عملية.. لاكن تساعديني متلا تعطيني في العمليات  حاجة نعلمك كيف اديري هكي و هادي هكي يعني حاجات زي هادي شن رايك.. و نعطيك مرتب يعني ح تكوني زي المساعدة..
ماريا : تمام... عادي به امتى نبدأ...
أمير : تبدي امتى ماتبي حتى توا عادي.....
ماريا : شكرا دكتور ماتعرفش قداش كنت نبي الشغل هادا محاتجة شغل كنت ح نرضى حتى نضف حمامات على خاطر ماما لاكن اهو صبرت وربي عطاني شغل احسن...
أمير : علاش خيرها امك...
ماريا : ماما مريضة و محتاجة ادوية لازم انجمع المبلغ بش نقدر نساعدها..
أمير : اها به قوليلي الدوا متعها مرات نقدر نساعدها .
ماريا : لالا هي اتابع عند دكتور تاني  ..
أمير  :  عادي يعني نساعدها بس..
ماريا : لالا عادي دكتور تسلم...
أمير : تمام امتى تبي تبدي في الشغل..
ماريا : غدوا انجي بعد مانروح من الجامعة....
أمير :تمام على راحتك انا مش ح نعطيك وقت معين اتجي فيه يعني قرايا وهكي مش ح نضغط عليك المهم اعطي اوراقك في الريسبشن و انا تو انتم الموضوع...
ماريا : تمام دكتور بارك الله فيك هي سلام..
أمير : سلام ( وهي طلعت أمير كالعادة فتح ملفات المرضى و يشوف في الحالات..)
(شخصية جديدة)
ماريا :بنت م 98 تقرا في كلية الطب البشري عايشة مع امها وخالها لان  بوها متوفي  من قبل و هي و خالها يخدموا بكل جهدهم بش يوفروا دوا امهم عايشين في حوش بسيط  و عائلة اسلوبها حلو مع الناس و الناس كلهم يحبوهم...

فات اليوم عادي على الكل الا على مهند طول الوقت وهو يفكر في غزل   يفكر فيها  و خلاص الكل روح لحوشه و قعمزوا تعشو و رقدوا تاني يوم نفس الروتين لاكن  يقين هي اللي جهزت سفرة الفطور و ساعدت هاله المهم فطرو وكل واحد مشي لمكانه و هاله قعدت تجهز في روحها لسهرية لقمان اما يقين كانت تتقطع بالطرف... يتبع 💜🌏