الحـــب رغماً

10

الحـــب رغماً ❤️

-(الحب يغلب كل شي) -

أمير : يعني...

يقين : يعني موافقه نكمل معاك مهما قالوا الناس مايهمنيش... وو
أمير : ابتسم : و
يقين : وو انت تعرف شنو ٠٠٠٠
أمير : لا قولي...
يقين :  لأن ح نكون مطمنه و انا معاك ههادا علاش ..
أمير :مصرة ماتقوليش نحبك يعني صاعبة هي:.. لاكن مافيش حد جبرك صح..
يقين :ضحكت :  لا في هادا ( و اشرت على قلبها).. جبرني على كل شي..
أمير : ضحك بحب على كلامها  و حضنها بالقوه : كنت عارف ان ح يجي اليوم هادا..

يقين : هه امير اطلقني تو يطلع واحد من خوتك...
أمير : خلي يطلع..
عمر : احححححممم عصافير الحـــب حوشكم قريب..(و مشي)
امير : بعد من على يقين : 😂❤️.هي سلام انا ماشي.. تو انروح نعطيك الخاتم..
يقين : يقين تمام مع السلامة.. ☺️

(خشت يقين و هي قريب اطير من الفرحة ناضوا الشباب كل واحد مشي لشغله الا مندر ديما وهو في داره ضمت يقين هي وهاله الحوش و حطوا الغدي على النار)
هاله : يقين انا بنتكا شوية باهي ردي بالك على الغدي بنتي..
يقين : تمام به.. (خشت عمتي رقدت و انا فتحت التليفون لقيت امير فاتحلي النت و منزل فيه البرامج فتحت ايميلاتي و قعددت نشوف فيهم لقيت صاحباتي باعتيلي مسجات وهكي قعدت نهدرز معاهم...)

شوفوا

لقمان : اعطيتك 5 الآف لو مطلعش الخبر غدوة الصبح تعرف شن بيصير فيك..
الصحفي : يعني انت متأكد من الخبر..
لقمان : متأكد من كل شي هي نظم امورك سلام..

في المستشفى :-
ماريا : دكتور أمير أنت كويس..
أمير : ابتسم : كويس  علاش باين عليا تعبان..
ماريا : لا مش من طبعك تبتسم ديما هكي..
أمير : اها لا عادي انا عندي شوية شغل في القسم التاني ديري بالك على المريضة في الغرفة 99 تو انجي..
ماريا : حاضر دكتور..

مهند : اتصل بغزل :حبيبتي شن الجو..
غزل :☺️ تمام الحمد الله وانت..
مهند : تعبان شوية من الشغل وهكي..
غزل : سلامتك... قعدت في الحوش به..
مهند : لالا مانقدرش تعرفيني نحب الشغل.. انتي شنو اديري..
غزل : شي كنت انرتب في الحوش توا ماما طلعت قعمزت نتفرج...
مهند :  اها... باه سكري الباب كويس وديري بالك على روحك..
غزل : قاعدة معاي بنت جيراننا صغيرة..
مهند : باه كويس شنو امتى امتحاناتك..
غزل : مزال الفترة الجاية آآآ مهند..
مهند : عيونه..
غزل : بنطلب منك طلب..
مهند : آمري انت...
غزل : الصورة اللي نزلتها في الانستا آمس في وحدة كاتبتلك محلاك رد عليا في الخاص امسح تعليقها..
مهند : 😂😂 انا مارديتش عليها بعدين علاش بنمسحه.
غزل : مهند معاش تضحك انا نغاار  راه نغااار...
مهند : اول مرة حد يغار عليا الصراحة.... و كان رديت عليها شن بديري..
غزل : من غير مقدمات من شفاشيفها بنشدها.. تخايل وحدة تشاركني فيك منقدرش..
مهند : للدرجة هادي تحبيني..
غزل : و أكتر ...
مهند : انا نموت فيك انتي ردي عليها
غزل : لالا كيف عيب شن دخلي انا
مهند : تمام على راحتك اللله نسسيييت.
غزل : مهند خيرك شن في..
مهند : عندي عمليه بعد ربع ساعه هي نهدرزوا بعدين ديري بالك على روحك كويس..
غزل : تمام حبيبي مع السلامة..
مهند : هه ❤️.. سلام. (وسكرر).