الحـــب رغماً

11

الحـــب رغماً ❤️

-(الحب يغلب كل شي) -

تاني يوم :-

يقين : (نضت الصبح لقيت أمير مش جنبي دورته في الحوش مالقيتاش لقيته باعتلي مسج ان طلعتله عمليه مستعجلة و مشي من الصبح بكري دوشت و نزلت لوطة مالقيت حد الا عمر و  كان بيطلع)... صباح الخير فطرت.
عمر : 💙صباح النور فطرنا من بكري جبت كريب خليتلك حصتك.. و امي مشت لحوش جدي  تعبت شوية.. حناي.
يقين : اها صحيت.. ان شاء الله لاباس عليها و انت شن صار في أسماء... (طبعاً هو احكالي كل شي و حتى شن اسمها البنية و هكي)
عمر : مش عارف آدم عنده صحابه متخرجين قالي تو انشوفهولك لاكن من آمس ماروحش .. هي انا عطلت على المحاضره سلام.. (وطلع)
يقين : سلام  علاش آدم من آمس ماروحش اكيد بايت مع صحابه .. 💙 (فطرت  و حطيت الغدي على النار و قعمزت كسدت مشي اتصلت بملاك اتجيني صح ظهر لاكن آمس بعتتلي مسج انها متضايقه و متقدرش اتجي جت درنا قهوة و قعمزنا في الحديقة احكتلي كل شي)
ملاك : و هادا اللي صار.. مش عارفة نرفض لإن في بنت في حياته  و لا نقعد موافقة على خاطر قرايتي....
يقين : شن أكدلك إن في بنت في حياته.
ملاك : يقين هو قال لبوه هكي قاله مفروض جيت سألتني لوفي بنت في حياتي..انا ح نرفض على خاطره زي ماهو وافق  على خاطر مستقبلي انا ح نرفض..
يقين : مانعرفش آدم مش متع الدوة هادي و أنت تعرفيه...
ملاك : أنقولك سمعته.... أمنيتي بس يوم واحد يحس بشعور إتجاهي حتى شوية لاكن لا أنا نحبه و هو يعامل فيا زي أخته
خاطري نمشي نعترفله بكل شي لاكن خايفة..
أمير : خش للحوش : اححم... ملاك اهلين..
ملاك : انا بنمشي للحمام شوية (اكرمكم الله) (توقعت أمير سمعني هادا علاش اتهربت منه)

يقين : اهلا شجو..
أمير : أبتسم : تمام.... شنو خيرها ملاك..
يقين : حكتله بالمختصر لاكن ماجبتش سيرة حب ملاك لآدم بكل..... هادا اللي صار..
أمير : هادا علاش آدم مختفي.. حتى تليفونه مصكر.
يقين : اكيد يبي شوية وقت بروحه توا يروح بعدين.. شن في مروح بكري اليوم..
أمير : ايه اكيد... لالا شي غير نسيت ملف مريض فوق جيت بناخده و بنولي عندي هلبا شغل و مانقدرش ناخد إجازة..
يقين : أهاا به ربي يعااون..
أمير : ان شاء الله (باسها على خدها و ركب).. ❤️
ملاك : طلعت من الحمام... سمعني يقين حي عليا كان سمعني شن قلت..
يقين : لالا ماسمعكش..
ملاك : وه الحمد الله... المهم انا توا بنروح ماحكيتيليش حتى شن صار معاك...
يقين : خلاص تعالي في الليل و نهدرزوا.... كانك مستعجله و كان هادا اقعدي..
ملاك : لالا ماما بعتتلي مسج المهم.. تو انحاول باهي و لا نهدرزوا انستا و احكيلي شن صار..
يقين : به هي باي..
ملاك : بايي 😚
يقين : (فتحت النت و انصدمت في الخبر اللي قريته خبر صادم زواج الدكتور امير من طليقة و الده التي تعرضت الى الاعتداء من قبل اخيها.... صدمة عمري كيف انتشر الخبر لقمان الحقير هو دارها و بدت الاتصالات و انا نبكي و خلاص كنت حاسة ان في حاجة زي هكي بتصير  كنت عارفة ح ندمر مستقبل أمير).... الوو عمتي..
هاله : بنتي شفتي الخبر حتى في التلفزيون الدنيا مقلوبه بيه..
يقين : تبكي : قلتلكم من الاول عمتي قلتلكم ح انجيبلكم المشاكل يارتني رفضت الزواج هادا من الاول..
هاله : لالا بنتي ماتقوليش هكي..امير اكيد ماعرفش الخبر اتصلي بيه شوفيه.
يقين : انا تو نمشيله في المستشفى تمام لأن لازم نحكوا
هاله : ديري اللي يريحك... هي بالسلامة..
يقين : (يا ربي كيف صار هكي كييف قعدة تعامل فيا كويس كيف مش متعفلقة ورايقة فضيحة اللي طلعتت فضيحة كلمت عمي عصام و قلتله يوصلني للمستشفى و صلني و لما مشيت قالولي ان أمير عنده عملية استنيه لين يطلع).... باه هو قداش يبي في العملية..
ماريا : خلاص معاش يعطل 10 د بس أنا كنت معاه توا في العمليات و كله تمام من انقوله لوسمحتي...
مندر : جي يجري : يقين ريتي الخبرر..
يقين : تبكي: هادا علاش جاية انا اصلا..