الحـــب رغماً ❤️
-(الحب يغلب كل شي) - ❤️
قبل المغرب بلحظات طلعوا أمير ومهند من عملية غزل و صاحبتها قريب تموت من الخوف و تبكي
دنيا :صاحبتها مشت تجري لمهند :مهند شن صار تحسنت يعني المرض معاش فيها نقدر نشوفها..
مهند : اهدي خلاص... هي كويسة صح أمير..
أمير ؛ابتسم : ايه كويسة متخافيش عليها شوية و حتفيق و قدرنا نقضوا على المرض كله بإذن الله ح تكون بخير خلال يومين بس...
دنيا : تنهدت بالراحة.... الحمد الله ياربي الحمد الله كان صارتلها حاجة مستحيل نعيش..
مهند :بصوت واطي.... حتى انا مستحيل اتعيش..
أمير: سمعه...... احم احم.. تمام متخافيش عليها في الغرفة 400 شوية تقدري تشوفيها... هي بعد اذنك (و جبد مهند معاه خشو لمكتب أمير وقعمزوا).... شن قصتك انت طحت فيها البنت ولا كيف..
مهند : 🙃شكلي هكي بعدين شوف نضراتها حتى هي كيف تشبحلي...
أمير : هه حسيت بيكم مش طبيعيين..(بعدها بربع ساعة).. انا مش فاضي توا بنمشي نشوف غزل..
مهند :بنجي معاك 🤭.
أمير :لا.
مهند :تي غير هي شوية ونطلع وعد..
أمير : به نفنص فيك اطلع..
مهند :😂😂😂به.
(مشو لقو غزل كيف تفتح في عيونها..)
أمير : حمد الله على السلامة..
غزل : الله يسلمك... ايي راسي دنيا ساعديني بنقعمز..
دنيا : به ه
مهند : مشي يجري : هاتي ايدك هي بشوية بشوية..
غزل : قعمزت :شكرا.. 💜
مهند : العفو ولو..
غزل : (قلبها يدق و خدودها حمر) : نو شوية و لالا...
دنيا :تتسهوك عليها : نو شني و احنى في عز الشتي.
أمير : ضحك بشوية : اا غزل انتي توا ديري بالك على روحك و ح يعطوك الدوا متعك تمام و تروحي بعد يومين...
غزل : تمام دكتور شكرا.
مهند : العفو 💚 هي أمير.
أمير : طلع هو و مهند : خيرك انت لازم تخلي البنت تتحشم نادت على صاحبتها هي. انت قولي شن دخلك...
مهند: 😒 البنت هادي قبل في الجامعة ديما عيونها عليا وتحسابني مش مركز.. على حركاتها
أمير :مهند بلا اخرط البنت تقرأ لغات شن جابها للتقنية..
مهند : انا ديما نلود غادي تعرفني حتى توا... ديما مع صحابي نمشو غادي.
امير :تمام به هي لقمان اكيد يستنى فينا..
مهند : انا مش ماشي مدام الولاد كملو الحديقة بنقعمز فيها شوية قداش ليا ماشميتش هوا..
امير : تمام على راحتك.... هي مني سلام..
مهند :تم باي.... (وطلع امير و مهند مشي خدي حاجاته وروح)
عند غزل و دنيا صاحبتها :-
دنيا : الله كيف مهتم بيك غزل تخيلي حتى هو يحس بشي اتجاهك..
غزل :تخيلي... مش عارفة ممكن يهتمو بالمرضة كلهم هكي..
دنيا :مش عارفة.. لاكن مستحيل يهتمو بالمرضة هكي تي قريب ضربني لما جيت بنساعدك 😂❤️...
غزل :❤️يهبل لاكن ولا!! لما شد يدي قريب اغمى عليا.
دنيا :فكرت في الخطة الحقيرة اللي دارتها قبل بش مهند يعرف ان غزل تحبه : .. تعرفي
غزل :تليفوني يشرين... ماما هادي.. (عدلت تقعميزتها) الو ماما اهلين..
امها : اهلين بنتي حبيبتي كيف حالك..
غزل : تمام الحمد اهو ن نقروا وخلاص..
امها : اها ياروحي على بنيتي ديري بالك على روحك و البسي كويس الدنيا صقع ..
غزل : حاضر ان شاء الله هي سلامات..
امها : مع السلامة تصبحي على خير 💜..... و سكرت.... تعبت من الكدب
دنيا : خلاص حبيبتي ارتاحي انتي توا و ارقدي كويس..
غزل : به.... ورقدت (كانت دنيا اكتر من صاحبة لغزل كانت زي اختها بزبط كل شي كانو يديرو فيه مع بعض)..
أنت تقرأ
الحـــب رغماً
Randomرواية الحـــب رغماً تحكي على ناس حبوا بعض رغم كل شي صار معاهم حبو بعضهم هلبا لدرجة متيقدروش يسبيوا بعض و بما إن الحب يغلب كل شي ما حد يقدر يفرقهم.. 💜💜
