الحـــب رغماً

6

الحـــب رغماً ❤️

- (الحب يغلب كل شي) - ❤️

أمير : لاكن انا مع هادا كله قعد موافق..
يقين :مصدومة وتبكي :خخيرك قعد مصر ..
أمير : هكي مصر وخلاص و الموضوع هادا تم و العرس السبوع الجاي..
يقين : امير تتسهوك صح..
أمير : من امتى نتسهوك انا.. يعني انا مش زي عمر و آدم صحابك..
يقين : ( ممكن لو غيرت الموضوع ينسى انا قلبي بيطير من الفرحة لان هو وافق عليا بكل شي حتى الماضي  اللي عشته تقبله عادي) : اااا ءءء قولي شن دخل آدم في الموضوع يعني علاش كان في المربوعة..
أمير :كانو يبو آدم يتزوجك على اساس انا كنت نبي بنت خالتي...
يقين : اه اها ايه  و انت احكيلي خيرك انت و بنت خالتك....
امير : اهه شن بنحكيلك..
يقين :توترت خافت يكون صريح بزيادة و يقوللها ان قاعد يحبها و يبيها : احكي شنو في يعني انت قعد تحبها كيف بتتزوجني وانت تحبها.. وبعدين انا وآدم زي الخوت يعني كيف هكي....
امير : وانا هكي قلتلهم... و بعدين من قالك قعد نحبها.. الإشاعات هادو مانحبهمش انا.. المهم هادا يا ستي كنا انا و آدم  ومهند.. مدايرين علاقة مع بنات خلاتي يعني عادي حبينا بعض و بدينا ديما  مهتمين ببعض و مصارش بيناتنا اي شي رسمي بعدها بـ3 سنوات ممكن أفلست شركتنا اللي درناها انا وعمي ووقتها انا كنت مزال مش متخرج كنت نقرا ونخدم في الشركة في نفس الوقت حالتنا المادية ولت خلاص معاش عندنا وين نقعدو قعدنا في حوش خوالي طبعا  جدي اب امي الله يرحمه عنده خوش تاني قعدنا فيه... وو قتها تعاركت انا وياها  قالتلي معقوله توا كيف بتصرف عليا.. قلتلها يعني انتي كنتي تحبي فلوسي.. قالتلي علاش امالا شن نبي فيك و توا بعد ماشركتكم افلست تبيني نقعد معاك شن بنقول لصاحباتي فلست شركتهم معاش عنده فلوس بش نشري لبسة جديدة و الكلام هادا طبعاً انا فقدت اعصابي.... و عيطت  عليها هزبتها شوية... و بعدين اضطريت انكمل قرايتي بش نقدروا نفتحو الشركة من جديد.... بمساعدة من خالي قدرت نسافر بش نقرا برا..
يقين : اها يعني انت كملت قرايتك برا..
أمير : ايه... المهم سافرت 4 سنوات بش كملت قرايتي قبل مانروح تلاقيت انا وواحد مانعرفاش قعد يهدرز عليا من و من اهني لما عرف ان الشركة اتصكرت عرض عليا صفقة تخلي الشركة تفتح من اجديد و أنا وافقت و خدمت معاه  فتحنا الشركة و انا تخرجت و فتحت مستشفى في وقت قصير و حالتنا زي ماتشوفي الحمد الله و  هي توا تحاول تتقرب مني زي قبل على خاطر الفلوس و انا مطنشها كلهم هكي صار معاهم حتى آدم ومهند نفس الموضوع ايه وهادا اللي صار... يعني كانو يحبو فلوسنا وتوا يبو يرجعو تاني..
يقين : حقيرة كيف تفوتي واحد زي امير عليك..
أمير : نعم..
يقين : لالا.. شي..... امير
امير :نعم..
يقين : يعني لو انا وافقت على الزواج هادا انت ح تساعدني نكمل قرايتي و نثبت لأهلي ان انا مش زي ماهما يفكرو..
أمير : نساعدك اكيد... خلاص معناها ال الاسبوع الجاي..
يقين : انا مانبيش عرس نبي  نقرو الفاتحة و خلاص..
أمير : كيف يقين انتي بنت صغيرة و لازم اديري عرس زي اي وحدة..
يقين : لا أمير أرجوك مش لازم يعني عيب حتى في حق امك بعدين انت لو خاطرك دير انت و اصحابك..
أمير : على راحتك... اها امي تتصل... الو
هاله  : ولدي وينكم لتوا.. الدنيا ليل..
أمير : مقعمزين في الشط امي تبي حاجة احني شوية ومروحين..
هاله : لالا سلامتك..
امير : تمام هي سلام و صكر.. هي شنو انوضو..
يقين : على راحتك....
امير : وقف ومد يده ليقين : هي..
يقين : شدت في يده و ناضت: شنو توا بتقوللهم موافقين..
أمير : ايه.. و أول واحد لقمان خلي ننتقمو بالشوية بالشوية الا لو أنتي مزال تحبيه يعني...
يقين : ابتسمت: إيه ننتقمو علاش لا.. و بعدين شن مزال بنحب في شخص خاني و لعب بيا 4 سنين..
أمير : تمام.. (عارف ان هو ولد عمي و صاحبي لاكن لو عرف ان انا ويقين ح نتزوجو ح تكون صدمة عمره يعني حاجة مش متوقعها لان ديما كنت انقوله مانبيش نتزوج وهكي  و بعدين هو ضحك عليها نحس فيه حتى ماحبهاش يعني انا ح ننتقم ليقين بس)...