رايكم 🌸🖤
"لستُ نِصفًا لأنتظر أحدًا يُكملني .. ذاتي دائمًا مُكتمِلة ، فإن أتى شخصٌ لحياتي فما هو إلا نجمً يُزينُ سمائي ، وإن رحل فما أجملَ السماءُ وهي صافيةٌ."✨🖤
الاسكريبت الرابع 🌸🖤
كانت تجلس تبحث عن إي فرصه لتعمل بها فهي لن تظل هكذا ولن تستسلم لسلطات عمها
نواره :هتفضلي قاعده علي اللاب ده كتير مش هتاكلي
حور : يعني انا قاعده بلعب ما انا بدور علي شغل اعملي ساندوتش هاكله وخلاص
نواره: لا قومي كلي انتي مش شايفه نفسك خسيتي إزاي
حور :خسيت فين أنا زي ما أنا اهوه
نواره :يوووه يحور انا هنديلك أبوكي هو الي يجي يتصرف معاكي انا تعبت من قلة اكلك دي
حور :خلاص خلاص مش لازم تتعبيه انا هقوم اكل خلاص
ذهبت لتناول العشاء مع والديها
عيسي : والباشا بقا رفضك من الشغل
حور :أه وكل مبعت لقناة من القنوات متردش عليا أكني بعبع
عيسي :وربنا ما هعديها ليه علي خير
حور وهي تقف : يعم فكك يومين واي قناة هتبعتلي وبعدها هخلي الأستاذ الي رفضني ده يجي يزحف ورايا
عيسي : أعملي الي عليكي بس وأنا هتصرف
كانت حور في هذه الأثناء تضع يدها علي رأسها
عيسي بقلق :أنتي كويسه يحور
حور :أنا .... انا
ولم تكمل كلمتها وسقطت مغشي عليها
******في بيت ياسر ****
في مكتبه
سلمي : بابا اي الي حضرتك عملته لحور ده
ياسر :وإنت مالك إنت
سلمي :يا بابا حرام عليك حور معملتش حاجه كله بسبب أمجد
ياسر :إنت تخرسي خالص ومتتكلميش لما أنا اتكلم فاهمه
سلمي :بس
ياسر بغضب شديد :قولت مش عايز أسمع كلمه ف الموضوع ده وملكيش دعوه بيها تاني و يلا روحي شوفي إنتي بتعملي اي
سلمي بحزن : ماشي يابابا عنئذنك
*******في منزل عيسي ****
أحضر عيسي أحد الاطباء ليري حور ويعرف ما بها
عيسي :خير يادكتور
الدكتور :خير مفيش حاجه هو بس إجهاد وقله أكل انا هكتبلها علي الدوا ده تمشي عليه وهتبقا كويسه
عيسي: شكرا ليك يدكتور
الدكتور : الشكر لله ياأستاذ عيسي عنئذنك
خرج عيسي مع الطبيب ليحضر الدواء الذي أمر به بينما بقيت نواره بجوارها
نواره : إدي أخرت قله أكلك شوفتي أهوه علشان تسمعي كلامي
حور :يماما مش جعانه هاكل لي
نواره : مش مهم كلي وخلاص
حور :حاضر حاضر يماما
نواره :أنا هقوم اعملك أكله كده ترم عضمك
حور :ما أنا لسه واكله يماما
نواره : تاكلي تاني وتالت ورابع
حور :حاضر
خرجت نواره من غرفت حور لتجد هاتفها يرن
حور :ايوا يرخم بترن لي
رامي :أنا رخم يقنبلة الغتاته
حور :عايز إي إخلص
رامي :كنت بكلمك علشان أكد عليكي بكرا متنسيش
حور :ياسطا والله ما ناسيه هجيلك
رامي : أمك متعرفش لو عرفت هنفخك
حور : طب غير الموضوع علشان أمك جايه وهنتفضح
نواره بإستفهام :بتكلمي مين دلوقتي
حور :بكلم إبنك الغتت
نواره :هاتي الموبايل أكلمه وحشني اوي
حور :خد يمتدلع نبع الحنان عايزاك
نواره :متغاظه من إي يا أوزعه أنتي ...عامل إي يحبيبي
رامي :بخير يست الكل أنتي عامله إي
نواره :بخير يحبيبي .. أسكت مش حور أغمي عليها وجبنالها دكتور
حور :بتعملي إي يماما هو ده وقته
رامي بجديه :إي الكلام ده يحور الكلام ده بجد
نواره :الحلوه مبترضاش تاكل يوووه ده أنا نسيت الأكل علي النار هروح أشوفه وارجعلكوا
تركتهم نواره وذهبت
رامي :إي الكلام الي بتقوله أمك ده
حور: ياسطا مفيش حاجه متشغلش دماغك تعاله أنت بس بالسلامه
رامي بجديه:حور مبهزرش أنا دلوقتي خلي بالك من نفسك فاهمه
حور :حاضر حاضر هاكل حاضر قولتلي بقا هتيجي الساعه كام
رامي :علي الساعه 12كده
حور :أشطا يبشا اول ما هتنزل من الطياره هتلاقيني
رامي :وخلي بالك من نفسك
حور :حاضر حاضر سلام بقا
أغلقت مع أخيها لتجد إعلان علي المتصفح فيس بوك محتواها أنهم يبحثون عن خريجه لكليه إعلام تقدم برنامج شبابي أرسلت رساله تسئل عن المعلومات واتفقت علي أن تجري مقابله التقديم بعد غد
******في منزل ياسر *****
أمجد عبر الهاتف :كل حاجه تمام
الشاب : أه كل حاجه جهزت مستنيين التنفيذ
أمجد :اشطا وفلوسك جاهزه واول متخلص هتكون عندك
الشاب :تسلم يكبير سلام
أمجد :سلام
ليدخل في هذه الأثناء ياسر
ياسر :كنت بتكلم مين
أمجد :ده ..ده واحد صاحبي
ياسر : طب أنا عايزه أتكلم معاك ف موضوع كده حصلني ع المكتب
أمجد : ثواني وهكون عندك
ياسر :تمام
وخرج وتركه
أمجد ف نفسه : خلاص قربت أخلص كل حاجه محدش هيقدر يمنعني
ونزل إلي مكتب أبيه
أمجد :خير يا بابا عايزني في إي
ياسر : عايزك تنزل الشغل معايا
أمجد :لي ما أنت قايم بالواجب أهوه
ياسر :وأنت هتفضل لحد أمتي عايش علي فلوسي
أمجد : إي يا بابا الكلام ده
ياسر :الكلام ده معناه إني عايزك تبقا راجل بقا وتعتمد علي نفسك وبعدين أنا كبرت وأنت لازم تيجي تشيل معايا شويه
*****في منزل عيسي*******
عيسي :حور انت لازم تهتمي بنفسك شويه
حور بإستياء:حاضر
عيسي بعصبيه :حاضر ونسمع الكلام مش نجري ماما كل يوم ورانا علشان ناكل لقمه
حور :يا بابا أنا مش صغيره و عادي يعني محصلش حاجه لده كله
عيسي :أسمعي الكلام وبلاش مماطله
حور :حاضر
لتدخل نواره وهي تحمل صينيه مليئه بالطعام
نواره :عايزه بقا الأكل ده كله يتمسح
حور :إي ده كله
عيسي :ها قولنا إي
حور بيأس :حاضر حاضر
تناولت الطعام وما أن أنتهت حتي ذهبت لتتقئ
عيسي :أحنا لازم نروح المستشفي نشوف مالك
حور بتنهيده :عادي يبابا تلاقيني واخده برد والاه حاجه
عيسي : لو فضلتي كده هنروح يعني هنروح
حور بإستسلام :حاضر
في اليوم التالي
ذهبت حور لتستقبل أخيها وكان هذا بعناء مع والدتها لكي تجعلها تخرج وهي بهذه الحاله وها هي قد رأته (رامي :شاب في أواخر العشرينات ذو شعر بني فاتح وعيون زرقاء وبشره برنزيه ورثهم من أمهُ ،وقامه طويله ، يعشق المزاح ولكن عصبي بعض الشئ ويتولي العمل مع أبيه ويعتبر ذراعه الايمن )
ركضت حور ما أن رأته لترتمي ف حضن أخيها الكبير ليحملها اخيها
رامي :آه ذراعي اتكسر إي التخن ده كله
حور وهي تلكمه في كتفه : أنا تخنت يبطيخه أنت
رامي :أنا بطيخه طب شوفي هتاخدي من مين الهديه
حور :مين قال بطيخه مين قال كده
رامي :أعملي نفسك من بنها اوي
...أهم حاجه أمك عرفت حاجه
حور وهي تغمز له :عيب عليك يسطا ده أنا تربيتك
رامي : اشطا يلا علشان هموت وأنام
حور :يلا
وصل كلاً من رامي وحور إلي المنزل ليجدوا سلمي تخرج من سيارتها
حور :إي ده ده سلمي هناك أهي
رامي :إي ده الاوزعه دي سلمي إي يعيال أنتوا اتغيرتوا ف أربع شهور أوي كده لي
سلمي وقد لاحظت وجود حور ورامي :رامي إي ده رجعت حمدالله ع السلامه
رامي :الله يسلمك عامله إي
سلمي وهي ترجع بعض خصلات شعرها خلف أذنها :بخير الحمد لله وإنت
رامي :الحمد لله
حور وهي تتنحنح :أحم أحم تعالي يسلمي أشربي معانا كوبايه شاي فوق
سلمي وهي تنظر للأسفل : لا بابا ممكن يضايق عن إذنكوا وانصرفت دون أن تنتظر رد حور
رامي مستفهما:دي مالها دي ؟!!!
حور :يعني مش عارف مالها يلا يعم النحنوح
رامي :نحنوح إي فهميني
حور :نطلع وتستريح و هفهمك كل حاجه
رامي :أشطا
******في شركة عيسي *****
عيسي بغضب : يعني إي خسرنا المناقصه دي أنتوا أتجننتوا
أحد الموظفيين :ياعيسي بيه المناقصه دي كانت خلاص هترسي علينا بس في شركه دخلت ف النص وسرقتها مننا
عيسي :وده إزاي يحصل وأنتوا نايمين مش مظبطين كل حاجه
أحد الموظفين :يبيه إحنا عملنا كل حاجه بس منعرفش إي الي حصل
عيسي :ماشي أخرج دلوقتي وأنا هتصرف
عيسي لنفسه :عملتها ماشي أنا عارف هردهالك إزاي
**********
ياتري أمجد هيعمل إي ؟!!!🤔
وحور هتتقبل ف الشغل الجديد والاه لا ؟!!!🤔
ومين الي عمل كده ف عيسي ؟!!🤔
وسلمي مالها ؟!!!🤔
كل ده انتوا متعرفهوش بس انا أعرفه 😂🤪🤪
اتمني تقولوا رايكم 🙂
#حوريتي
#Zeinab_Halima🖤🖋
