يبقا في تفاعل علشان تعبت 🙂
القصه هتاخد منعطف تاني أتمني يعجبكوا ويارب تقولوا رايكوا 🙄
صعد كلاً من حور ورامي إلي نواره واستقبلته بترحاب ما بعده ترحاب فهو إبنها البكري ولسنا بحاجة لأن نوضح معزته عند الأم
نواره وهي تقرص اذن حور :إزاي متقوليليش يا اوزعه انتي ها
حور :إبنك اللي قالي مقولش لحد انا مالي انا
رامي وهي يجلس علي الأريكه التي في الصاله:هي ملهاش ذنب يا أمي انا الي إتفقت معاها علي كده
نواره :يبني كان لازم تقولي علشان اعملك الأكل الي نفسك فيه زمانك راجع هفتان من السفر
رامي :انا هدخل اريح شويه وأنتي اعملي كل الي إنتي عايزاه يست الكل قام وهو يقبل يديها
وأشار لحور ان تتبعه
حور :طب أنا هاجي اساعدك ف الشنط دي
نواره :لا تعالي ساعديني في المطبخ
حور :ما أنتي عندك دادا نعيمه جوا خليها تعمل معاكي
نواره :بنت ...
رامي بتعب :سيبيها يماما انا عايزها
نواره :روحي يختي ساعدها اوي علي الهروب دي مبتعرفش تعمل طبق سلطه دي
رامي :يعني جايه تعلميها دلوقتي عنئذنك بقا يماما
دخلت حور خلف رامي الحجره واغلقت الباب جيدا :خير عايز إي
رامي :فهميني إي الي حصل وانا مش هنا و مالها سلمي هي كمان
جلست حور وقصت له كل ما حدث معاها ومع أمجد وعمها وكل شئ
حور :بس يسيدي اهوه ده كل الي حصل
رامي :مقولتليش سلمي مالها
حور :يعني مش عارف يخويا
رامي :لا والله يبنتي
حور :سلمي بتحبك يارامي وبتحسبك هتتقدملها لما هي تتخرج
نام علي السرير ورائه من كثرت الضحك :إي بتقولي إي
حور :بتحبك يطور يلي مبتحسش
رامي : بس انا مبحبهاش انا بشوفها علي طول زيك ولو يوم حبيت واحده مش هتكون هاديه كده انا عايزه هبله مطرقعه وبعدين هي مش بتحبني هي بس معجبه بيا ده الي جمعني بيها يدوبك قاعدتين ده لما بتلاقيني قاعد بتسيب القعده وتمشي يحور قولي كلام غير ده
حور :ده الي أنا اعرفه شوف بقا هتتصرف إزاي بس انا بحذرك اهوه لو جرحتها أنا هزعلك علشان سلمي دي اختي فاهم
رامي: حاضر حاضر مش هعملها حاجه هي أختي زيها زيك وانا مرضاش أن حد يأذيكي
حور :طب الحمد لله
رامي وهو يدفعها :اخرجي بقا علشان عايز انام
حور :حاضر يخويا متزقش كده طيب
خرجت من غرفة اخيها لتجد هاتفها يرن برقم سلمي
حور لنفسها :طب انا هعمل إي دلوقتي فتحت الخط
سلمي :الو يحور إزيك
حور :طب متقولي أزيه لي تلفيها كده
سلمي بتلعثم :ها ... قصدك علي مين
حور :اللي في بالك يسلمي
سلمي :طيب يختي هو عامل إي
حور : سلمي أنتي مش بتعتبريني زي اختك واكتر
سلمي :أه يحور في إي
حور :سلمي والنبي يسلمي شيلي رامي من دماغك رامي مبيفكرش فيكي خالص وكده أنتي بتتعبي نفسك علي الفاضي
سلمي: قصدك إي يحور
حور :يعني رامي مبيحبكيش يسلمي وفوقي بقا من اللي أنتي فيه
سلمي :وليه قولتي كده هو في واحده تانيه
حور :لا تانيه ولا تالته يسلمي
سلمي :يبقا خلاص في فرصه قدامي
حور :يرباااااي بقولك مبيحبكيش أفهمي
سلمي :ملكيش أنتى دعوه
حور :طيب يسلمي أنا عليا قولتلك الي عندي سلام بقا علشان مش فاضيه
سلمي :سلام
سلمي في نفسها :هيحبني يعني هيحبني
انهت حور مكالمة سلمي واتجهت إلي المطبخ لتصنع لها كوب من القهوه فهي تشعر بصداع مؤلم
نواره :هتعملي قهوه بردو
حور: أه هو انا مش فطرت زي ما أنتي عايزه خلاص بقا
مر باقي اليوم بسلام وسط ترحاب عيسي وتناول الغداء معا والسهر وهكذا
في اليوم التالي
رامي :حور إنتي رايحه فين
حور :رايحه يبني المقابله بتاع الشركه
رامي :طب هي فين
حور :في كافيه......
رامي :إي ده مقابله في كافيه مش غريبه دي
حور :انا استغربت بردو بس هما قالولي هما بيقابلوا على طول المتقدمين هناك هروح وأشوف كده
رامي :اشطا تعالي وصليني ف طريقه
حور :انت رايح فين
رامي :رايح الشركه
حور :بس دي بعد الكافيه
رامي :ما انا عارف هاخد منك العربيه وأنتي إبقي اركبي إي حاجه علي ما أصلح العربيه
حور :يبني هتفضل كده تشحت مني
سحبها رامي من لياقه قميصها من الخلف كأحد المجرمين :انتي تطولي قدامي يلا
حور :والله لردهالك
رامي :إن شاء الله
ركبا معاً واوصلها إلي المكان وتركها وذهب إلي الشركه
دخلت حور فوجدت شاب يشاور لها فعلمت انه مندوب القناة التي ستقابله
حور :اهلا بحضرتك انا انسه حور عيسي
الشاب :أهلا لحضرتك أنا مندوب قناة .... الي حضرتك كلمتيها
جلست حور تتحدث معه إلي ان جاء الجرسون فطلبت قهوه وهو كذلك
قاطعها تليفون رامي
حور :عن إذنك هرد ع الفون بس
الشاب :عادي ولايهم حضرتك
رامي :حور أنتي نسيتي محظتك ف العربيه
حور :اتصرف بقا وهاتها
رامي :طب إنتي قدامك قد إي وتخلصي
حور :نصايه كده
رامي :اشطا يبقي اقعدي في الكافيه كمان ساعه وهبقا اجيلك
حور: والله
رامي :اهاه والله علشان نبقا نصحي شويه
حور :طب أقفل وهرد عليك لما اخلص
رامي :سلام
انهت المكالمه مع رامي واخذت كوب القهوه وارتشفت منه رشفه
حور :ها كنا بتتكلم في إي
الشاب :حضرتك كنا بنتكلم علي مدة العقد
وبعد دقائق شعرت حور ان راسها يدور بها
الشاب: خير يفندم حضرتك حاسه بحاجه
حور :ها انا كويسه
قام الشاب واسند وتكئ علي الكرسي التي تجلس عليه حور
الشاب :كويسة ازاي ده أنتي ليلتك بيضه يقشطه
حور وهي تحاول ان تستجمع قوتها :أنت أنت مين
الشاب وقد هب وحملها : أنا الي هعمل منك هديه معتبره أنهارده
كانت تركل بقدمها في الهواء :نزلني نزلني يحيوان
نظر الشاب حوله وهو يتحدث للناس :دي خطبتي وبتدلع عليا علشان كنت مزعلها وكده فبحاول اصالحها وكده .... بس بقا يحبيبتي
حور :حبك برص نزلني يحيوان انت
خرج بها من الكافيه
الشاب :بس بقا إنتي إي مفراك
حور وهي تستجمع نفسها وتركل في الهواء:نزلني نزلني يحيوان
وفي هذه الاثناء تفاجئ الشاب بلكمه على وجهه جعلته يسقط ارضا هو وحور
لتنظر حور إلي الذي أتي بعيون نعسه :إي ده آدم آدم الحقني
(باك كده لورا آدم ده الي شافته ف الحفله علشان اكيد في ناس نسيت 😂😂)
أمسك آدم الشاب وأنهال عليه ضربا إلي ان فقد الوعي فحمله ووضعه ف حقيبة السياره واخذ حور ووضعها بالكرسي الذي بجانبه
ظلت حور تهلوس بجواره إلي ان وصل بيهم إلي قسم الشرطه
أشار إلي احد العساكر الوقفين أمام القسم
آدم :تعالوا شيلوا البتاع ده من شنطه العربيه
وحملها ودخل إلي الداخل
احد العساكر :آدم باشا خير يآدم باشا
آدم :تتصل علي المستشفي تبعتلي دكتور تحاليل بسرعه
العسكري :تمام ياباشا
آدم بحده :بسرعه
دخل مكتبه ووضعها علي الكرسي الموضوع أمام المكتب وهي شبه فاقده الوعي اخذ ينظر لتلك الملامح الهادئه التي تتغير بمجرد ان تستيقظ
إلي ان دخل العسكري ومعه الشاب الذي كان مع حور
العسكري :المتهم يفندم
آدم :كنت بقا عايز تعمل فيها اي يحلو انت
الشاب :دي خطيبتي ياباشا
آدم وهو يصفعه علي وجه :أنطق احسن لك
الشاب :ياباشا انا عبد المأمور
آدم :ايون بقا تعجبني وانت كده أقعد بقا وأحكيلي و بالتفصيل الممل اكمل جملته وهو يشعل سيجارته
تعالوا بقا احنا نحكي كل الي حصل
أمجد :بص بقا يسطا انا بنت عمي كنت خاطبها وخلاص هنتجوز بس هي بت مش تمام يعني مقضياها فمرضيتش تتجوزني علشان حبيب القلب وأنا عايز أجيب حقي وأخليها تجيلي راكعه
الشاب :أوامرك ياباشا عايزني أعمل فيها إي وأنا أعمل كل الي نفسك فيه
أمجد بخبث :لا إنت مش هتعمل أنا الي هعمل بس عايزك تجبهالي بس وتجبلي مكان حلو كده علي ذوقك
الشاب :أشطا ياباشا
امجد :انا عايز اخلص في أسرع وقت
الشاب :بس ده ليه حساب غالي ياباشا
أمجد :أعمل زي مقولتلك وليك مني الحلاوه
الشاب :أفرض حد مسكني هعمل إي وقتها
أمجد :قولتلك ما تخفش أنا هظبط كل حاجه
الشاب :بس ....
أمجد : خلاص شكلك مش عايز الفلوس دي تروح لحد عايزها
ها عرفته مين ده كده باك للوقت الحالي بقا 😂
قص الشاب كل شئ لآدم وحور مازالت نائمه إلي أن أتي أحد الأطباء ساعد علي إفاقتها وأخذ عينه من الدم لإثبات وجود جرعه مخدره في جسدها
آدم بقلق :يعني هي دلوقتي هتبقا كويسه صح
الطبيب :ايوا يفندم عشر دقايق وهتفوق خالص بس هي هتحس بشويه صداع بس
آدم :تمام ونتيجه التحليل دي عايزها ف اسرع وقت
الطبيب: خلال ساعتين هتكون عندك
******ف منزل ياسر ******
وصل لأمجد خبر القبض علي الشاب هو يعلم أنه جبان وسيعترف بكل شئ ظل يدور حول نفسه في غرفته إلي أن فزع علي صوت والده وهو يفتح الباب اتجه إليه وصفعه علي وجهه
ياسر بغضب :إزاي تعمل كده ف بنت عمك دي من لحمك ودمك يحيوان
أمجد :يعني عايزني أعمل إي يعني وبعدين محصلش حاجه أهوه
ياسر : والزفت الي اتقبض عليه ده
أمجد :معرفش معرفش إي حاجه
ياسر وهو يصفعه علي وجهه :انت مبتعرفش حاجه غير المصايب وبس صح وأخذ يصفعه إلي أن سقط أرضا
ياسر بتحذير :أنت تفضل هنا وأوعي تهوب برا اوضتك لو خرجت هقتلك فاهم
أمجد وهو يلهث : حاضر حاضر
خرج ياسر وصفع الباب خلفه ليتفاجئ بأحد الظباط وخلفه مجموعه من العساكر يقف عند الباب ويتحدثوا إلي سلمي
الظابظ. :مش ده منزل ياسر باشا سليمان
ياسر وهو ينظر لسلمي :أدخلي انتي جوا ... ايوا انا ياسر سليمان نعم
الظابط :مطلوب القبض علي أمجد إبن حضرتك
ياسر : ممكن أعرف لي
الظابط :إبنك حرد واحد يخطف الأنسه حور عيسي وحاليا مطلوب في القسم
ياسر :الكلام ده أكيد غلط إبني هيخطف بنت عمه لي
الظابط :مليش أنا في الكلام ده يفندم أنا معايا أمر أنٍ أقبض عليه فلو سمحت خليه يجي معانا من غير دوشه
ياسر :حاضر حاضر بس مش عايز حد من الصحافه ياخد خبر
الظابط بخبث :عيب ياباشا متقلقش
*******في قسم الشرطه ******
ظل هاتف حور يرن إلي أن أجاب آدم عليه فكان المتصل رامي أخيها فأخبره آدم بمكانهم فأتي إليها
وفي هذه الاثناء كانت حور قد أستعادت الوعي
رامي بلهفه :حور حور إنتي كويسه
حور بضياع :إي الي حصل
رامي بحنان :محصلش حاجه يحبيبتي الحمد لله أن .... وقف ونظر إلي آدم :شكرا لي.... آدم ؟!!!
آدم :رامي أهلا بيك يراجل
رامي :أنت الي أنقذت حور
آدم :هي دي تبقا حور البت الصغيره الي كنا بنلعب بيها و أحنا صغيرين
رامي :شوفت الدنيا بقا
حور :حيلك حيلك أنت وهو فهموني إي الي حصل
******
رامي يعرف آدم منين ؟!!
وامجد هيتعمل فيه إي ؟!!
كل ده هنعرفوا متقولقوش 😂😂
#حوريتي
#Zeinab_Halima 🖤🖋
