ام البنات

البارت تاسع

يله ماما نمارق تأخرتي تعالي اخذي اختج ديري بالج عليها لتعوفيها

صفا: ماما ما اروح وياج بعد
لا ماما كبرتي بعد راح تروحين ويه نمارق
ماما اجه الخط يله صفا
يله حبيباتي مع سلامه بوستهن او راحو
اباوع قمر كاعد جر بشعرها تكره قراصات
هاها ماما ليش هيج خربتي شعرج
تعالي يله لاتبجين وخرناهن
بدلت او اخذت قمر او طلعت
اتمشى وصلت للروضه
هلو ست اليوم تأخرتي
والله جهال او مزاجهم بعد
يله قمور روحي اجه مصطفى
ههه من هسه ست بتج حاجزه زوجهة
خليه هيج لا زواج لا شلعان قلب

اشويه او دخلت ملك
هلو منمن طبعا اشتاقيتيلي مو
هوا غير يوميه مكابله وجهج
هيج جرحين مشاعري صدك اشلونها قمورا خوما جاي تستغرب
لا مو كلش لان وياها نمارق جاي تتعود
يله تعال اندخل جهال قبل لا تجي مديره
اي ام كرش بس تطي اوامر
ولج كافي تحجين بس تاخذين غيبه
باوعتلها صفحه يله عيني دباع منو يحجي

هاي شنو بنات بعدكم ممدخليهم

اهوو اجت اا لا ست جاي ندخلهم يله منى

مرا اليوم بين جهال احس اهنا  نفسيتي ترتاح جهال ما عدها حقد ولا خباثه كل همهة لعب ياريت نرجع صغار

صارت ب ١٢ ونص صار وكت طلعت جهال اجت الخطوط
منى: يله ماما اوكفو سرا لا دفعون
وصلتهم للخط

ملك: منى راح ترحين
منى: اي والله تأخرت اليوم خطهم تأخر
ملك: فدوه ابقي يمي على ما اشوف واحد يجي ياخذني
منى: تعالي وياي للبيت اخلي محمود يوصلج
ملك: ها لا هسه محمد يجي خابرته
منى: كعدت اني او ملك نسولف او قمر تلعب بالمرجوحه

اوشويه او دك هورن
ملك: يله اجه محمد تعالي نوصلج
منى: يمعوده هوا هياتة يله روحي

طلعت اني او ملك رفعت راسي جان اشوف سلام رجعت خطوتين متوقعت اشوفه

سلام: اشلونج منى
منى: بخير انته شلونك ابو نمارق اشو هذا صفن عليه رأسا شلت قمر او جاي امشي
سلام: منى تعالي اوصلج ترا كلش حارة
منى: لا شكرا هسه اوصل انوب قمر كامت تبجي ماما اروح ويه بابا
ملك: يله منى ناس جاي تباوع
منى: خزرت سلام او صعدت
هوا بيتنا خطوتين شكو هل لزكه استغفرالله لو ما قمر بيدي جان ولا صعدت
اشويه او وصلنه للبيت

ماما اروح ويه بابا
سلام: ااا منى خليها تجي وياي بالليل ارجعها
منى: اوك بس اجيب ملابسها نزلت حطيت ملابس بالجنطه او طيتهيا
بسرعه طبيت او سديت الباب

دخلت شفت امي جاي صلي رحت للغرفه قفلت الباب
كعدت بالكاع اخ الله كل ما اشوفه كلبي يوجعنى ما اريد اشوفه اشلون دمعت عيني

رجعت ٣ سنين ليورة
يوم طلاقنه
الباحثه الاجتماعيه: ماما ليش تردون تطلقون
منى: اازوج عليه
عدكم جهال
اي ٣ بنات
ماما متأكده ترا جهالج
قاطعتها الله يخليج ترا تعبانه احنه مطفقين على طلاق تماما ماما هاهيه
مدت ايدها نطتني كلينس هاج ماما مسحي دموعج مراح استعجل فكري هل يومين
كل مرا اروحله او تأجل اخير شي شافتني قافله الا عرضتنا على القاضي
  صار موعد طلاقنه
واكفين كدام القاضي
باوعت عليه طول عمري متوقعت يخذلني
لو جاي احد او كايل راح يصير هيج بحياتج ما اصدكه
صار طلاق اتمني ما ابجي ما اريده يشوفني مكسورا بس شسوي القلبي الي كسرا ميت قطعا او ما اضن بعد يصلح
دموعي عدها سباق
اريدهن يوكفن ماكو
طلعنا امي واكفه برا بسرعه رميت روحي بحضنها
اريد اختفي ياريت ما جبتيني حتى اشوف هذا اليوم