ام البنات

البارت الواحد والعشرين

ام سلام: اني جبتها .. كلشي ما اندل و مبية حيل اسئل

محمد: يمة جان خابرتي علينة

ام سلام:  هسة هذا الكلام لا يقدم ولا يأخر روح رجعها اني ابقى ما اروح

محمد: يمة كومي خل ارجعج مو شفتيها .. وجودج مالة داعي

ابو سلام: اي رجعهم اصلا راح ارجعها للبيت ونعالجها هناك اهنا بالمستشفى يسكطون الواحد

ام سلام: والله ما ارجع .. وانتة محمد روح رجع جمان و انتي ام زهرة اذا تردين رجعي

ام زهرة: لا عيني اضل وياج

ابو سلام: روح رجعها .. وانتة باجر مو تلتحق

محمد: اي

ا بو سلام: لعد لا تجي روح ارتاح شوية اني وسلام هنا

محمد: لا يابة شلون اعوفكم بحدكم

ابو سلام: محمد مال خلك اناقش كتلت روح

محمد: يلة رايح ..يلة جمان .. يابة اذا صار شي خابرون

جمان: طلعنا اني و محمد شغل سيارة او اني صعدت ليورة .. شو هذا ضل صافن علي  بالجامة

جمان: ااا اكو شي

محمد: ترا اني ما اعض تعالي صعدي ليكدام

جمان: ها لا عادي خليني هنا

محمد: اي مو سايق عد الخلفوج تعالي صعدي ليكدام

جمان: كمت صعدت لكدام و كلش استهضمت من نتر بية .. ضليت دايرة وجهي ع جامة

محمد: هاي اخر سنة الج بالكلية مو

جمان: اي .. ضل ساكت و اني هم سكتت هسة غير نوصل انوب ازدحامات وين مروح .. اخر شي علكنا يم ازدحام قريب عل بيت .. اني كل هل وكت دايرة وجهي ع جامة حتى ركبتي تشنجت .. جنت اباع ع محلات ممنتبهة على سيارة الي يمنة كلها شباب .. جانت سيارة محمد من هاي العالية .. جنت مندمجة على محل يبيع فساتين فززني من ضرب على الاستيرن .. و حجة بغضب

محمد: يعني مشوفين سيارة اليمج كلها ولد لو انتي عمية

جمان: ها

محمد:  وج ..استغفرالله .. حجة بهمس بس سمعتة  ولو شترجة منج اذا اختج زهرة

جمان: احترم نفسك

محمد: اششش ما اسمع حسج .. ونزلي راسج خل نطلع من هل صخام

جمان: استهضمت بالزايد .. ليش يحكم بدون ميفهم .. بودي الزمة او اشمرة من سيارة و بهل اثناء تجيك تريلة روحة جية وين ميوجعك .. صفنت شنو هل تشبيهة ..بنص بجيتي حصرتني ضحكة

محمد: اكو شي يضحك

جمان: وانتة شعليك .. عزاا هاي شكلت .. لالالا ماكو شي
باوع علية ورفع تك حاجب .. انعل ابو هل يوم الي كلة مواقف محرجة ..  هسة غير انجب و اسكت اوف ... بدفرات الة خلص الازدحام .. حلفت بس اوصل اخلي حسام يجي ياحذني .. طبك سيارة اني نزلت بسرعة ضليت ادك بالباب محد يفتح .. اجه هوة دنك رفع سركي فتح الباب دخل وسد الباب .. ضليت منصدمة عزااا بس راح يعوفني اهنا رجعت دكيت الباب محد فتح .. باوعت شارع فارغ فاتت سيارة كلت هاية راح انخطف بهل اثناء نفتحت الباب