ام البنات

البارت الاول

آريد آعلن حدآد آو للعشـگ مـآعود .
و آريد آنسـآگ ونسـهہ آلبينگ آو بيني ،
وشـگ دفتر غرآمـگ خآطـر آنهہ آنسـآگ،
ودير آلوجهہ عنگ مـن تلآگيني ...

كعدت الصبح على صوت بجي باوعت لكيت سلام نايم عفته وكمت القمر الي صوتها صار اعلى اي سميتها قمر الي تختلف عن خواتها بيضا او سمينه عكس خواتها نمارق او صفا حنطاويات او ضعيفات اول مأجن  كمت رضعتها او رحت صليت باوعت الساعه ب الخمسه ونص بعد وكت على روحت نمارق الي هيه اكبر خواتها عمرها سبع سنين او صفا خمس سنين ما سجلناها روضه لان كلش تستغرب لهذا كمت اعلمها بلبيت فزيت على صوت سلام
سلام: منى منى صار ساعه احجي وياج وين صفنتي
منى: ها لا ماكو شي .. رايد شي
سلام :ساعه بيش
منى: ب خمسه ونص كوم صلي مادام كعدت
سلام: اي هو اصلا كايم اصلي روحي حضري ملابسي او سوي ريوك
منى: ليش وين رايح بعد وكت على دوامك
سلام: ها لا مو الطريق يصير ازدحام اطلع من وكت احسن
منى: مو من عوايدك تطلع هيج وكت
سلام: اهوو اشكد تلغي كومي بسرعه راح يفوت الوكت
منى: كمت بس لا صير عصبي

نزلت جوه لكيت عمي جاي يصلي
صباح الخير عمو
الحجي: صباح الخير بنتي اشو نازله هيج وكت بنتي ليش
منى: والله جاي اسوي ريوك  ال سلام
حجي: شعجب رايح هيج وكت صارله شهر يطلع هيج وكت او يرجع تالي الليل شنو قصته
منى:ما ادري عمي من احجي وياه يصير عصبي
حجي: الله كريم اني احجي وياه اشوف شنو وضعه
منى: اني رايحه اسوي ريوك تتريك عمو
حجي: لا ما مشتهي هسه خلي يكعدون الكل او اتريك وياهم
منى: ماشي عمي بكيفك

رحت للمطبخ سويت ريوك كعدت افكر سلام من جبت قمر لحد الان صار خمس تشهر عمر قمر وماحجه وياي اي شي اكيد وراه شي اوف منك سلام
كملت ريوك حطيته ع ميز
باوعت لكيتها صايره ب ٦ رحت كعدت نمارق
ماما نمارق كومي حبيبتي
نمارق: ماما عوفيني اريد انام نعسانه
منى: ولج ماما كومي لا شلعين كلبي يله راح تتأخرين يله حبيبتي يله ماما احجي و اجر الغطه منها وهيه مجلبه بي
يعني هاي الاسطوانه يوميه يله كومي
نمارق: اشمعنه بس اني ليش متكعتين صفا
منى: اوف جاب صفا هسه غير انتي اكبر منها وشطوره او مدرسات يحبوج يله ماما لا شلعين كلبي
نمارق: يعني كل يومي كل يومي اكعد الصبح ليش ما يسون الدوام ساعه ب ١٢ تحجي اوهيه كايمه رايحه للحمام
منى: نمارق مو ارجع الكاج نايمه ترا متعرفين شسوي من طلعين من الحمام بدلي او اني شويه او اجيج

طلعت من غرفت نمارق او صفا الي بلطابق الفوق جان بي ٣ غرف او حمام غرفتي او غرفه جهال او غرفه محمد حماي مو دائما موجود لان عسكري  رحت الغرقتي جاي اشوف سلام اذا كمل حتى يتريك فتت للغرفه سمعته يكول
اي اي مضل شي او كلهم
ها لا معليج اني اكعد او افهمهم
اندار جان يشوفني كام يذب الوان
استغريت
منى: سلام  ويامن جاي تحجي
سلام: ها هذا ولد صاحبي
منى: اي او صاحبك ادكله معليج
سلام: خربطت ميصير اخربط لو حرام او تعالي من الصبح تحقيق شكو وين رايح و من وكت او هسه ويامن احجي
منى: سلام انته من الصبح مدري شبيك بس احجي كلمه اصير عصبي
سلام: اهوو خل اطلع حتى زقنبوت ما اريد
خله او طلع
منى: ضليت صافنه هذا شبي متأكده ويه بنيه جاي يحجي ياربي شسوي
ماما ماما وين رحتي تعالي لبسيني صدريه ماما ماما
منى: ها ماما حبيبتي جيت
رحت لبست نمارق او خلصتها نرلنا جوه اني وياه
لكيته صدك رايح حتى مكايس الاكل وكلت نمارق اشويه او اجه الخط مالتها
رحت صعدت فوك قفلت الباب او كعدت ابجي بس لا الي ابالي صحيح معقوله ازوج لالا مستحيل
ليش مستحيل هوه كال اذا عمتي بس تلح عليه اريد ولد كافي بس بنات بنات مليت منج او من بناتج
اوف يا ربي بقيت بلغرفه ما ادري شكد بس ابجي ع حضي اندكت الباب
رحت فتحتها شفت صفا واكفه هسه كاعد من النوم
صفا: ماما اريد انام يمج اخاف ابقى ابحدي ب الغرفه تعالي ماما خل انام اني وياج
صفا: ماما ليش جاي تبجين
منى: مجاي ابجي حبيبتي طب بيهن صابون يله نامي
بس حطيت راسي نمت

وراها فزيت لكيت ساعه ب عشره كعدت صفا
يله ماما كومي كافي نوم
اي ماما كايمه
صفا اهدء وحده اكلها نامي تنام كعدي تكعد تسمع الكلام عكس نمارق وكحه و لسان او  قمر حبيبتي بس تبجي بس لا تطلع على نمارق
نزلت شايله قمر و صفا كدامي تكمز ع درج
اي واخيرا شرفتي نايمه للضهاري
اي هايه عمتي الي ما تفوت فرصه حتى بس تحجي عليه
هله ب قموره  حبيبت عمتها تعالي خلي اتريك بيج
هه هاي جانت ملك اخت سلام عمرها ٢١
منى: ولج ملك لا تعضيها لا تبجي بعد شيسكتها
ملك: اني عمتها او الي الحق اكلها
منى: اتريكتو
ملك: قبل اشويه شلنا الصينيه
منى: لعد خلي اروح اسوي غذا بين ميستوي اصير ب ١٢
ملك: منمن عوفي تنضيف عليه
منى: ماشي

او مشى اليوم عادي كأي يوم ما يخلى اليوم من بسامير عمتي الي هيه  اني بس اجيب بنات اوف يل بنات اشو شحلاتهن
صار العصر جان يطب سلام انصدمت جاي من وكت
سلام: سلام عليكم
منى و ملك: وعليكم السلام
ملك: خويه شو جاي من وكت يمه لا تباع هيج سكتت
سلام: امي وين ابوي موجود
منى: عمه بلغرفه اوعمي طلع
سلام: همم ماشي رايح الها

يتبع.....