ام البنات

البارت الخامس والعشرون

منى: واكفة جاي اصب جاي و امي و مرت عمي كاعدات بالمطبخ يسولفون و اني اسمع

ام منى: هيج يهون عليكم فراكنا صارلكم شكد مجايين

محاسن (مرت عم منى): والله حبيبة حقكم علينا .. بس والله والولد دوام و ابو يسار هم .. هل تفرغنة و اجيناكم احنة هم  مشتاقيلكم

ام منى: تشتاقلكم العافية

محاسن: يمة منى وين وليداتج

منى: عمة يم ابوهم

محاسن: ها شوكت يجون والله مشتاقتلهم

منى: باجر يجون او اليوم

محاسن: انشالله خير ..انتي شخبارج

منى: الحمدلله عمة

محاسن: دومج حبيبتي .. جا يمة ما فكرتي تتزوجين بعدج صغيرة والفات مات

منى: يا عمة يازواج .. بطلت هوة اني على الزواج الاول متندمة تردين ازوج مرة ثانية .. اعيش البناتي وبس

محاسن: يا يمة بعدج صغيرة و الف واحد الي يتمناج

منى: عمة لا الف ولا مية خليني هيج راسي بارد .. جاي احجي وياها دكو الباب طلع محمود فتحها الجهال طبو يركضون

نمارق ماما ماما احنة جينا

منى: هلة بيكم ماما .. اجت قمر جيتت عليا شلتها ابوس بيها

نمارق : ماما باعي بابا شجابلي من نجف  .. جانت شايلة لعابة من هاي جبيرة

منى: الله حلوة

نمارق: جاب القمر و صفا نفسها بس لون يختلف

منى: اي ماما بلعافية يلة سلمو علة عمة .. راحو سلمو عليها .. يلة روحو بدلو حتى تاكلون

نمارق: لا ماما اكلنا هناك

منى: من رخصتج عمة اروح اشوف جهال

محاسن : على راحتج حبيبتي

منى: رحت بدلت القمر و صفا و نمارق هنا بدلن .. يبدلن ويدردم مدري على شنو .. ولجن ماما كافي صطرتني

نمارق: راحت شبكت امها و باستها .. ماما بيبي ليش ماكو بيت بابا

منى: ها ما ادري

نمارق: خاف لان تعاركو ذيج المرة

منى: ولج لا تعاركو ولا شي انتي معليج بهل سوالف .. ويلة  روحي لعبو وية جهال

نمارق: يا جهال عمو جايين ( ما اعرف اذا ذاكرة قبل انو يسار عندة جهال او لا المهم يسار عندة  ولد مصطفى عمرة ١٥ سنة و بنية نور عمرها ١٠ سنين )

منى: اي جايين .. اوكفي قبل لا طلعين جيبي تليفوني خل اخابر عمتكم

نمارق: اي ماما خطية عمة تعبانة و مريضة هاج خابريها