ام البنات

البارت الثامن والعشرون الاخير

ملك: اليوم سابع مال زهرة .. محمد و محمود التحقو لان يداومون نفس المكان الصبح تبقى يمي بت خالي . بالليل بابا يجي و سلام من خلصت الفاتحة بعد ماراح بقى يم امير مينام الى ابو يمة والي يسأل شلون صار الحادث نكولهم جانت رايحة للسوك وندعمت والفاتحة صارت بس يومين ..

.........................
بيت ابو زهرة

البيت مكتض من الناس هذا الي يسولف وهذا الي صدك حزنان نفوت للمطبخ نلكة نسوان جاي تطبخ و الجهال
وهوستهم نروح للستقبال نلكة ام زهرة جاي تبجي ونسوان يواسنها و بالزاوية كاعدة ام سلام صافنة
وجمان بغير عالم اكثر وحده تأذت بيهم .. خلص هذا اليوم والناس بدت تروح ...

جمان: باوعت على امها الي ما نشفت دموعها .. هه جاي تبجين عليها هسة بعد مامتت .. ليش ها ليش انتو الي خليتوها توصل الهاي المرحلة عمركم ما اهتميتو بينا ما علموتنا صح من الخطأ هذا نتيجت اهمالكم النا انتو مو اهل يعني شي صير لو مهتما بينا علمتينا على الانانية وبس ولازم الي نريد ناخذه حتى لو بلقوا وهاي شوفي ماتت ماتت

ام زهرة كامت تلكم على وجها: كافي كافي

جمان: كامت تعيط بهستيرية :: لا لا مو كافي راحت زهرة راحت وبعد ما ترجع راحت كلة بسببكم شنو ذنبها راحت بعمر صغير و عافت ابنها كمت اعيط وو احس صوتي راح .... جرتني عمتي وهية تقرا على راسي اخذتني للغرفة ونومتني على رجلها ضليت اناشغ بحضنها

كافي يمة موزين البجي على الميت ترة جاي تأذيها

عمة ما جاي اتقبل انو هية ماتت مجاي اكدر

هذا يومها يمة ميصير تعترضين على حكمت ربج
ولا تضغطين على امج ترة مو سهلة على الام تفقد ضناها
وكلنا على هذا درب .. وانتي مؤمنة فا يا يمة اني ما اكلج لا تحزنن على اختج .. بس البجي مراح يفيد بأي شي ولو البجي يرجع الي راحو جا ما نشفت عيونة دقيقة .. اقريلها قرأن اهديلها صلا وزعيلها ثواب وهسة كومي غسلي وجهج وروحي كعدي يم امج بقت بحدها

عمة مجان قصدي احجي هيج بس من حركتي قلبي على زهرة

ادري عمة ادري يلة كومي غسلي جهج و اني برة اي شي تحتاجي صيحيني

هزيت راس الها وطلعت ...كمت غسلت وجهي و توضيت وصليت الها ركعتين .. خلصت صلاة وضليت كاعده على سجادة دمعت عيوني و اني اذكر ايامي وياها مسحت دموعي واخذت القرأن كمت اقرا

..............

تمر الايام وجمان حزنها يزيد على فراق اختها بس مع هذا حاولت اصير قوية وتكمل حياتها رجعت للدوام ومارست عملها .. اما طيور الحب محمود و ملك بعدهم جاي يحاربون على مود حبهم .. و منى الي جاي تحاول بكل قوتها انو متقصر بحق جهالها .. و سلام الي جاي يدفع ثمن خطأة وتسرعة وتخليه عن منى وامير الشي الحلو الي انتجه هذا الخطأ

لهنا اكون ختمت الجزء الاول من الرواية ...

اسفة على تأخير الي صار بل قصة وكتلكم انو اكو شي راح يصير بل قصة راح يغير نهايتها وبعد صراع وية ابطال القصة والي مجاي يثبتون على رأيي راح اضطر اسوي الرواية جزأين اعتذر مرة ثانية من تأخير واتمنة تفهموني و متتهجمون لان هذا شي مو بيدي بيد الابطال الي جاي ينقلولي الرواية ادري شلعت قلبوكم بس السبب من الابطال انشالله من ارتب الاحداث ما اطيكم مدة لان ما اعرف شكد ... احبكممم

الى القاء في الجزء الثاني ♥️