ام البنات

البارت الثالث و عشرون

زهرة: ترة هاي مو حالهة شغل شغل والله مليت

ام زهرة: اش ولج لا يسمعوج

زهرة: اي وذا يسمعون فوك ما متحلمة وصاختهم يجيبولين بتهم المخبلة .. صدك انتي بس لا بعدج تردينها ال حسام

ام زهرة: لا طبعا اخذ الابني تاج راسها شنو هاي خبلة مدري مسحورة الله اعلم

زهرة: مم مسحورة

ام زهرة: وشبيج نخطف لونج ولج بس لا ساحرتها

زهرة: ها لالا ماما شنو الله يبعدنا شنو سحر تتوقعين اني اسوي

ام زهرة: اي يمة الله يبعدنة الله يلعن شكو واحد يستخدم سحر هذا ما يخاف من الله اوف يمة قلبي نخمش الله يبعدنة يلة اني اروح العصر اجي

زهرة: الله وياج .. رحت صعدت فوك كعدت على جرباية يمة اني سويت بس لا الله يعاقبني . لا لا اني ما ردت شي  بس ردت رجلي يصير الي شمدريني هاي الخوثا راح تجي اي اي اني ما مسوية شي حرام خل اروح اصلي و اسويلي حرز و اقرا قرءان لالا بس اسوي حرز و هاهية ما اكول بس الله يطيح حضج منى وحض بناتج وياج

---------------------------------------

منى: يمى شلون هسة

ام منى: اي ترة صدعتيني كافي تفترين وراي هذاك ابوج بالغرفة روحي كليلة

منى: يعني ما تجين تتوسطيلي

ام منى: لا ويلة روحي دوختبني

منى: راح اروح البابا بلكت يقبل .. رحت للغرفة دكيت الباب

ابو منى:  ادخل

منى: ها بابا الله بساعدك

ابو منى: هلة بنيتي تعالي

منى: اا بابا هوة

ابو منى: من الاخير يا بنيتي ماكو روحة

منى: ليش

ابو منى: بنيتي ما اريد افتح دفاتر قديمة ادري شكد تعزين ملك بس ما يصير تروحين

منى: بابا عفية لاسوي هيج اخد ماما وياي والله بس اشوفها و ارجع جاي تطلبني بالسانها و هية تعبانة المرض ماخذ حيلها 

ابو منى: يا بنتي شيكولون الناس من يشوفوج فايتة البيتهم

منى: ما يهمني كلام ناس

ابو منى: ولا اني . بس ما اريد احد يجيب طاريج بالشين
.. لزمت ايديها .. منى بابا اني المصلحتج ما اريدج ترحين

منى: مسحت دمعة نزلت من عليني .. هاهية بابا على راحتك .جاي اكوم جر ايدي حضني و يطبطب على ضهري

ابو منى: يا بنتي شسوي براحتي اذا انتي ما مرتاحة اريد ارجع اشوف ضحكتج و شقاج .. ليش بنتي صاير هيج اريدج سباعية هاي الحياة توقعي كلشي منها مو من اول صدمة توكعين اريدج جبل ما يهزة ريح .. ولخاطرج بس والله هية جبيرة بحقج و بحقنا بس ملوكة تستاهل حضري روحج فد ساعة نروح اني وياج و امج ساعة بس ونرجع