ام البنات

البارت الحادي عشر

منى: محمود انتة مستوعب جاي تحجي
محمود: اي اي مستوعب او ملك مصير لغيري
منى: شكاعد تحجي محمد انته وين شايفها حتى تحبها
محمود: منى انتي كلشي متعرفين ولج احبها حتى محاجي وياها حجايه اخاف اباوع عليها اكول لا حرام خلي كلشي بلحلال بلأخير يجي واحد كلب ياخذها مني
منى: اوكف حبيبي هية اصلا رافضة بس لان ابن خالها
امها ما تقبل ترفض
محمود: لتخليني احرك خالها او ابنه

ام منى: ماما محمود ملكيت غير هاي البنيه هيه ما بيها شي اخلاق او ادب بس انته تعرف
منى: قاطعتها ماما لدخلني بالموضوع اني مستعده اورح اخطبها اله
ام منى:ماما مو
منى: لا مو ولا مامو شعندي غير محمود او ملك هنيالي اذا صير حماتي
محمود: اوف ياروحي جنت شايل هم رحت بست راسهة
منى: حبيبي شعندي غيرك

ام منى: يعني شلون نروح نخطبها لو شلون
محمود: اني بعد يومين التحق خلي من ارجع او ترحون
ام منى: انشالله بيها الخير
منى: يله اني اكوم ابدل يله ماما قمر

رحت بدلت او نجطلت كبال المبرده مدري شلون غفيت
حلمت سلام كاعد مكان او دائر مدايرة حيايه ويصيح اسمي كل ما اتقرب اله يصير اكو ضوه ابيض لحد موصلت اله كال منا طلعيني منهن او فزين مخروعه

لكيت نمارق تهز بيه
نمارق: ماما ماما
منى: ها ماما
نمارق: اخذت عشرة بلامتحان اني و صفا
منى: ماما صفا شبيج
صفا:  ماما بعد ما اروح للمدرسه
منى: ليش ماما مدرسه حلوه
صفا: لا ماما بعد ماروح حبابه ابقى يمج او كامت تبجي
منى: كافي حبيبتي منو مضوجج
نمارق ماما منو مضوجها
نمارق: ما ادري ماما
يله كومو تغدو

طلعت لكيت محمود او ماما جاي يتغدون
منى: اكلك محمود متاخذين لدكتور اريد اخذ قمر
محمود: شنو شبيها
منى:ما ادري والله تصخن او بس تزوع اريد اشوف شبيها
محمود: ماشي العصر نروح
منى: نشالله
غديت جهال او نامو نمت وياهم لان راسي صدع
وراه كعدت سويت جاي او كيكه
كعدنه نتعلل وراها بدلت القمر
وطلعنه لدكتوره متأخرنا يمها مجان اكو احد
فحصتها او طتها علاج

بالطريق
منى: بشرفك محمود مجيبلنا موطه والله مشتهيتها
محمود: هسه اذا اشوف ناخذ
قمر: عمو اريد هواي مو قليل
محمود: يمه بعد خالج تردين موطهة هسه اشتريلج المحل كله
طبك محمود يم واحد كمت اباوع عشارع ما اسمع غير قمر صيح ماما باعي هذا بابا

منى: اباع وين اتأشر اشوف سلام او صاعده يمه امه او اليوره زهرة حتى ما انتبهت شوكت اجه محمود
راسأ من شافهم طلع بسرعه
محمود: لضوجين والله مدمر مشوفي شلون صاير مو كلما تشوفي تنزلين دموعج صيري قويه مو انتي الي خسرتي هوا الي خسرج

منى: ابجي على السنين الي كضيتها ويا
محمود: والله اعوضج يا روحي كل احنا وياج انشالله متعوزين احد
منى: انشالله بوجودكم
وصلنا للبيت جهال كيفو ع موطه او همين جبتها رشوا الهم لان ما خذتهم
مر اليوم عادي لحد ما ثاني يوم خابرت ملك

منى؛ الو ها عيني شبعتي نوم
ملك: ولج وين اكو نوم بهذا البيت راح انتحر
منى:شنو شبيج
ملك: يمعوده امي دكول جاهل تركض وراي وافقي وافقي مليت او بابا تعارك وياهة اليوم كلهة هذا اخر تحذير الج
منى: يعني انتي كتيلهم مموافقه
ملك:يمعوده وذنت لحد ما كلت بس
منى: زين اني عدج الج مفاجأة
ملك: شنو كولي
منى: انتضري الصبر مفتاح الفرج
ملك: صارت براسي شيخ يمعوده كولي
منى: عن قريب تعرفين
ملك: لتخليني اجي البيتكم ادكه كولي حبابه
منى: راح اروح محمود يريدني 😂
ملك: ااا شيريد
منى: يريد يخطب
ملك: ششننووو
منى: يله روحي باي
او سديته خل اشلع كلبها😈

ام منى: يمه تعالي شوفي بتج
منى: ها ماما صفا شبيج
صفا:ماما باجر احد ما اريد اداوم
منى: لا ماما باجر سبت ماما شبيج منو وياج
صفا: ماما انام بحضنج
منى: تعالي ماما نامي
ام منى: شنو يمى شبيها
منى: والله يمه ما ادري صايرة تتخبل من مدرسة
ام منى: خاف اكو احد جاي يضوجها
منى: هية غير تحجي بس ساكتة
محمود: شنو شبيهة صفا
ام منى: والله بس تبجي تتخبل من مدرسة
محمود: ليش خالو تعالي منو مضوجج اله انعل والديه
صفا: عمو ما اريد اروح
محمود: ليش مو انتي شطورا او تاخذين كله عشرا ليش مترحين
صفا ما احبهة
جاي نحجي جان تندك الباب
كام محمود مفتحا او رجع كال حضري جهال ابوهم جاي ياخهم
كمت حضرتهم او رواحو
او رجعهم بالليل ميبيتهم يمه

نمارق: ماما عمه شريرة ضربت قمر
منى: منو ضربها
نمارق: عمه زهرة شريرة او بابا ضربها العمه
منى: رأسا خابرت سلام

سلام: الو هلو منى
شلون تخليها تمد ايدها عليهم
اني تصرفت ويهة
اذا تمد ايدها عليهم اطيح حضها
اني طيت حضها شحدها بعد تمد ايدها عليهم
اذا سمعت بعد ضاربتهم تحلم شوفهم اني مامد ايدي عليهم تجي هية تمد ايدها
منى ترا اني ابوهم وكتلج اني تصرفت بعد شكو

باي او سديته بوجهة
رجع دك ٣ مرات مرديت اخير شي دز رساله

🗨سدي بوجهي مو اني اعلمج طيتج مجال اهواي
دزيت
🗨مالك اي حكم عليه عليه حتى تعلمني
🗨الي حكم لاخر يوم بعمرج اني اعرف اتصرف وياج ماشي منى يصير  خير

يتبع .....

تصويت ❤🥺