- ZawGyi -
"ဘယ်သွားမလဲညီလေး ..."
"အကိုကျွန်တော့်(---) မြို့နယ်၊ မြရိပ်ညိုလမ်းသွားမယ်"
"၃၀၀၀ ပဲပေး..."
စွမ်းပြည့်တက္ကစီတစ်စီးငှားလိုက်ကာ ဈေးတည့်၍ ကားပေါ်တက်လိုက်သည်။ ထို့နောက် သူသွားလိုသည့်နေရာသို့ ကားစီးကာသွားလေသည်။ ကိုယ်ပိုင်ကားရှိသော်ငြားလည်း၊ ကိုယ်ပိုင်ကားဖြင့်သွားလျှင် လူမိနိုင်သည်။ ထို့ကြောင့်သိုသိုသိပ်သိပ်သွားလိုသည့်အတွက် တက္ကစီတစ်စီးငှားကာ ထွက်လာခဲ့ခြင်းဖြစ်သည်။
သွားလိုသည့်နေရာသို့ရောက်တော့ တက္ကစီသမားကိုပိုက်ဆံပေးလိုက်ပြီး ကားပေါ်မှဆင်းလာခဲ့သည်။ ပတ်ဝန်းကျင်အနေအထားကိုအကဲခတ်ကြည့်လိုက်တော့ အိမ်ရာမဟုတ်သည့်အတွက် လူအများတော့သွားလာနေသည်။ သူရောက်သွားသည့်အချိန်က ညနေ၆နာရီခွဲဆိုတော့ကား လူတော့ရှင်းစပြုနေသည်။ ဈေးတွေပါတွေလည်း အနီးအနားတွင်မရှိ။ ထူးခြားသည်က ထိုနေရာတွင်ပန်းချီပစ္စည်းတစ်ချို့သူလာဝယ်ဖူးသည်။ ထို့ကြောင့်ပတ်ဝန်းကျင်နှင့်အနေမစိမ်း၊ ရင်းနှီးနေခြင်းဖြစ်သည်။
မြရိပ်ညိုလမ်းသည်တစ်ဖက်ပိတ်လမ်းတစ်ခုဖြစ်သည်။ လမ်းထိပ်မှတိုက်နှစ်တိုက်အကျော်တွင် စွမ်းပြည့်ဝယ်နေကျစာရေးကိရိယာနှင့် ပန်းချီပစ္စည်းဆိုင်ရှိသည်။ ထိုဆိုင်နှင့်လမ်းအကွာအဝေးသေချာကြည့်လိုက်ပြီးမှ လမ်းထဲသို့ဝင်လာခဲ့သည်။ အကြောင်းကတစ်ခုခုဖြစ်လျှင် ဘာကြောင့်ဒီကိုရောက်နေတယ်ဆိုတာကို ခုခံပြောဆိုလို့ရမည်ဖြစ်သည်။ စစဝင်ချင်းတိုက်နံပါတ်သည် ၄၂၉ ဖြစ်သည်။ သူရှာရမည့်တိုက်နံပါတ်ကား ၄၃၉ ဖြစ်လေသည်။
တိုက်နံပါတ်များမှာ Zig Zag ပုံစံပေးထားသဖြင့် စိုးအထဲထိမသွားလိုက်ရ ၅တိုက်လောက်ဖြတ်ကျော်ပြီးသည့်အခါ သွားလိုသည့်နေရာသို့ရောက်လေပြီ။ ထိုတိုက်ရှေ့တွင် သစ်ပင်ကြီးတစ်ပင်ရှိနေပြီး ထိုသစ်ပင်အောက်တွင် ကြံရည်သည်ကိုတွေ့လိုက်ရသည်။ စွမ်းပြည့်ထိုကြံရည်သည်ထဲမှ ကြံရည်တစ်ခွက်ဝယ်သောက်လိုက်ကာ ထိုတိုက်ခန်းကိုအကဲခတ်လေသည်။ တိုက်ကနှစ်ခြမ်းလှေကားဖြင့် ခြမ်းထားသည်။ B1 နှင့် B2 ဟူ၍ စာပို့သမားပြောသွားသည့် လိပ်စာအတိုင်းသာဆို B2 ပထမဖြစ်သည်။ ပထမထပ်သို့ ကြံရည်သောက်ကာမော့ကြည့်လိုက်တော့ မီးလင်းနေသည်။
YOU ARE READING
Break the Silence (Completed)
Mystery / Thriller~ This is a work of fiction. AltTitle - Whist! "The Hideous Truth, Concealed far too long The time is now. We all need to . . . " Rating: Teens, ages 13+ ( ZG + Uni )
