الفصل ال25 من رواية احبتت مصارعه .!
بعد فترة من وصول الجميع للمشفى..
كاميليا: خير يا دكتور مالها.؟
الدكتور باستامة سمجية غبية: غيبوبة سكر.. وأنا أحب ابشرك ان غيبوبة السكر دي تطوراتها خطيرة جدا بتعمل إتلاف لخلايا المخ و طبعا حضرتك عارفة ان المخ ده العامل الأساسي في استمرار الحياة، يعني لو اتدمر كلنا هنقرا على الفاتحة على روح الحجة.!
في ذلك الوقت زاد معدل بكاء ليلى و ملك..
أكمل الدكتور بأسف..: بس للاسف..! غيبوبة السكر بتاعة الحجة خفيفة جدا مفيش فيها اي أضرار نسبة الشفاء 98% و في خلال ثلاث اربع ايام بالكثير و تخرجلكو بالسلامة.!
تنهدت كاميليا براحة.. و توقفا ملك وليلى عن البكاء، و ارتسمت ابتسامة امل على شفتيهما..
و تنهد مالك أيضا الواقف معهم..
كاميليا و أعينها تطق شرار، ضربت كتف الطبيب بقوة..: طب انا كنت عايزة استفسر على حاجة على جنب بس.!
مالك وهو يمسك الطبيب بخفة من ياقة البلطو الطبي الخاص به..: لا عنك انت.! انا هقوم بالواجب.!
كاميليا: ومالو.! خير ماعملت.!
سحب مالك الطبيب خلفه..
الدكتور: والله مالوش لزوم رشوة و الذي منه ده واجبي اني اطمن عيلة المريضة يعني يا استاذ.!
مالك: اه طبعا اومال.! انا هكفأك على طريقتي..
ثم انهال مالك على الطبيب بالصفعات المتتالية و ضربه ضربا مبرحا..
الطبيب وقد تحولت ابتسامته السخيفة لنظرات زائغة خائفة..: ليه يا استاذ كدة يا استاذ.! بقى دي جزاتي..!!
مالك: انت لسا شفت حاجة.!!
.
.
مالك:دكتور سمج عايز الضرب.!
كاميليا: وفرت عليا مجهود والله.!
مالك بفخر: كابتن بقى وكدة.!
كاميليا: اتنفخ علينا بقى، انت عارف ان انا كنت مدربة مصارعة نسائية اصلا.؟!
مالك: سمعت حاجة شبه كدة قبل كدة.. بس "كنت".؟
كاميليا: كنت.. قبل ما كان يتقبض عليا ولا حاجة.!
مالك: يتقبض عليكي.؟!
ابتسمت كاميليا و هى تتذكر ذكرى ثاني يوم تدريب لها..!!
~~~~
"كاميليا"
اصريت وقتها اني يا انا يا هما في التدريب ده.. لازم اخليهم يبقو اكثر رزانة من كدة..
ثاني مرة روحت التدريب.. شفت مجموعة البنات الفرافير بتوع المرة الأولى.. "ندى ،نانسي ،ريم".. منستش طبعا الوحش الي عرضه مترين الي شفتها المرة الي فاتت..
و شوية بنات تانيين بس مكنش فيهم حاجة ملفتة..
بدأت مع واحدة من البنات دي بكذا حركة دفاعية، وازاي تقفل على المهاجم الي قدمها..
دقيقة ورا دقيقة و الكل بدأ ينسجم و يدافع وانا بدأت اخش في المود أكثر..
أما شلة الفرافير كانوا مش بيعملو اي حاجة غير أنهم يندهشو تقريبا.. مع كل حركة او رد فعل من بنت الاقيهم كلهم حطوا اديهم على وشهم بصدمة "اووووووه مش معقول..!!
"Genius- (عبقري) انت حينايس"
"واو يا جماعة she is amazing.! (مدهشة).."
قربت منهم بحسن نية يا جماعة..😂 وانا بسألهم..
كاميليا: طيب أنتم هتفضلوا واقفين كدة كتير طيب.؟
استغليت انسماج الجميع مع بعض في التدريب و كل ثنائي منهم مدافع و مهاجم و بيتدربو مع بعض..
قولت اتفرغ انا للبنات دي..
- اآه انت كنت نانسي صح.؟!!
نانسي بلهفة: yes.!
كاميليا: طيب، دلوقتي هنبدا بالدفاع عن النفس.. مبدئيا بس حد بيتمرن كاراتيه او اي رياضة ثانية.؟
نانسي:yes, اتمرنا كل حاجة بس سيبنا التمارين كلها..
كاميليا: ليه سبتوها.؟
نانسي وهى تضع كفها على كتفي وعنقي..: مكنش في كابتن genius شبهك كدة.!
كاميليا حاولت اخد التصرف بحسن نية رغم الشكوك المزروعة جوايا.. ورديت بابتسامة وانا ببعد عنها: ميرسي.!
كاميليا: هنبدا بحاجة خفيفة.. أنت البسي ده (القفاذان، البتاعاات الي بتتلبس في ايد الملاكمين يا جماعة مش عارفة اسمها ايه بالعمي الصراحة..😂💔)
