هشام: مساء الخير.!
كاميليا و مازالت على وضعيتها: مساء النور!
هشام: تسمحي اقعد معاكي شوية.!
كاميليا: اكيد.!
جلس هشام و سيطرت حالة صمت بضع ثوان،، قبل ان يستأنف
"هو حضرتك تبقى شريكة لمستر جورج هنا في الاوتيل.؟!"
كاميليا: تؤؤ ! حبيبته بس.!
(أكملت وهى تقترب في إغراء) وبلاش حضرتك دي،، انا لسا ليدي صغيرة على فكرة !
قالتها بابتسامة لطيفة..
هشام بهيام: ليدي زي القمر.! انا بحسد مستر جورج عليكي.!
كاميليا بلامبالاه: مش اوي كدة.! الريلاشن ما بينا مبقتش زي الأول.!
هشام: ازاي يعني.؟
كاميليا: بقى ممل كدة و عينه فارغة.! عامة سيبك من جورج دلوقتي مش عايزة نكد..
صمتت ثوان قبل ان تكمل: كلمني انت عن نفسك.!
هشام: مممم انا ياستي هشام ثابت،، صاحب شركات A.M.O للاستيراد و التصدير.. اهلي متوفين مقطوع من شجرة بمعنى اصح.! و.. ومش مرتبط.!
كاميليا: اممم انت ساكن في أليكس على كدة.؟!
هشام: تقدري تقولي انا متنقل.! المقر للشركة الرئيسي في الخليج.. اغلب اوقاتي ببقى هناك..!
~~~~
ارتطم مالك بلينا عمدا،، كانت ستسقط رغم يده التي امسكتها..
مالك: انا آسف جدا كنت مستعجل ومخدتش بالي.!!
لم تنظر له لينا..: حيوان.!
مالك: طيب وليه الشتيمة بقى.!!
نظرت له بغضب،، لتتبدل ملامحها للدهشة فورا و تبتسم بحرج معتذرة: سوري.!
مالك: ولا يهمك.!
رحل مالك و زفرت لينا بضيق..
~~~~
كانا رامي و عمر يجلسان بالمنزل ينصتان بقوة للتسجيل أمامهم..
قاسم يجلس أمام هشام..
يطلعوا على أوراق التنازل..
قاسم: كدة يا باشا في أقل من أسبوع و كل ده يبقى ملكك.!
نهض هشام وهو يحضر رزمة أوراق مالية يلقيها امام قاسم: كدة تمام الله ينور يا قاسم.!
لمح قاسم قرب الفراش قلادة لامعة تخص عشيقته،، أحضرها لها في ميلادها السابق.!
قاسم وهو يكور قبضته..: هى لينا جت هنا يا باشا.؟!
هشام: لينا مين.؟ لينا حبيبتك ؟!
قاسم وهو يلوى رقبته: في غيرها.؟!
هشام بابتسامة خبيثة : في كتير.! بس عامة آه جت.! مش لازم تاخد الواجب بتاعها هى كمان.!
