One Shot

ခလုတ်တိုက်မိသော ကမ္ဘာနှစ်ခု

""ခပ်ဖွဲဖွဲကျနေတဲ့မိုးစက်မှုန်ကလေးတွေက ကောင်းကင်နိုင်ငံကသက်ဆင်းလာတဲ့ ဘဲလေးကချေသည်တွေနဲ့တူလိုက်တာ....."""

အထက်ပါစာကြောင်းအား sketch book ပေါ်က ဆွဲလက်စပုံတစ်ပုံဘေး ကျွန်တော် ချရေးမိလိုက်သည်။

မိုးက အုံ့သည်ဆိုရုံသာ၊ လျှပ်စီးမလက်သလို တဂျိန်းဂျိန်းနဲ့ ညာသံလဲပေးမနေ။

မိုးတွင်းတစ်တွင်းလုံးရွာသည့်မိုးများထဲတော့ ဒီလို ခပ်ဖွဲဖွဲသာ ညှင်ညှင်သာသာရွာသည့်မိုးကိုကျွန်တော် အနှစ်သက်ဆုံးဟု ဆိုရမည်။

ကျွန်တော်ဆိုမှ...
ကျွန်တော်က ရန်ကုန်အရှေ့ပိုင်းတက္ကသိုလ်မှာ အင်္ဂလိပ်စာဘာသာရပ်ကို အထူးပြုယူထားတဲ့ ဒုတိယနှစ် ကျောင်းသားတစ်ဦးပေါ့။
စာရေး၊ စာဖတ် ဝါသနာပါသူတစ်ဦးလဲဖြစ်တယ်။ အများအားဖြင့်ဖတ်ဖြစ်တာကတော့ ကဗျာတွေ အက်ဆေးတွေ... အက်ဆေးဆိုမှ မနေ့ညက 'ဝါရှင်တန်မှအလွမ်းစာများ' ဆိုတဲ့ စာအုပ်ကို လက်ကမချနိုင်အောင်ဖြစ်မိလို့ တော်တော်ကြီး ညနက်မှ အိပ်ဖြစ်ခဲ့ရသေးတယ်။

နောက်ထပ် ဝါသနာတစ်ခုက ပုံဆွဲတာ၊ ဟိုတလောလေးကမှ basic pencil drawing sketch သင်တန်းပြီးထားတော့ မြင်မြင်သမျှ sketch ခြစ်နေရတာလဲ အလုပ်တစ်ခု။

အခုလဲ ဝါသနာတူတွေစုထားတဲ့ pen club ကနေ ပြန်လာတုန်း ဒီကော်ဖီဆိုင်လေးထဲမှာ မိုးဝင်ခိုတာ၊ လူကလဲရှင်း မိုးကလဲအေးဆိုတော့ ရာသီဥတုက ကိုယ့်ဘက်မှာပေါ့၊ ဒါနဲ့ပဲ sketch book လေးထုတ်ပြီး ကော်ဖီခွက်ပုံလေး ခြစ်နေလိုက်တာ အချိန်တစ်ခုတောင် ကြာသွားတယ်၊

စာအုပ်ကိုပိတ်ကာ အိတ်ထဲပြန်ထည့်မည်အလုပ် စာအုပ်ရှေ့မျက်နှာစာမှာ အလွယ်မှတ်ထားခဲ့တဲ့ ဖုန်းနံပါတ်တွေကို သတိကရမိသွားပြန်တယ်၊ လွယ်လွယ်ကူကူပဲ ငါးခုမြောက်နံပါတ်ကိုခဲနဲ့ အမှတ်အသားပြုလိုက်တယ်၊ ပြီးတော့ sticky note စာရွက်တစ်ခုဖြုတ်ပြီး " Thanks! Have a nice day! " ဟုရေးကာ ကော်ဖီခွက်လေးနဲ့ ဖိထားခဲ့လိုက်သည်၊
ထို့နောက် အိမ်ပြန်မည့်လမ်းဆီသို့........

<<< <<<<>>>>>>>><<<<<<<Pen club က ရလာခဲ့တဲ့ ဖုန်းနံပါတ်ဆယ်ခုမှ ကျွန်တော် ရွေးခြစ်ထားတဲ့ ငါးခုမြောက်သောနံပါတ်ဆီ ဖုန်းခေါ်လိုက်သည်