"နိုး...နင်သိပြီးပြီလား..နင့်ဒယ်ဒီကိုမနေ့ညကဆေးရုံတင်လိုက်ရတယ်ဟ..ငါ့အိမ်ကလူကြီးတွေတောင်လိုက်ပို့ကူကြသေးတယ်."
"ဟင်...ဘာရောဂါတဲ့လဲ.."
"အန်ကယ့်မှာကနှလုံးရောဂါရှိတယ်လေ..အခုလည်းညကနှလုံးဖောက်တယ်ထင်ပါရဲ့ဟာ..နင့်ဒယ်ဒီလည်းသူ့သားကြောင့်နဲ့စိတ်ဒုက္ခတွေရောက်နေတာမှမျိုးစုံပါပဲ.."
အရှေ့ကစကားကြောင့်စိတ်မကောင်းဖြစ်မိပေမယ့် အနောက်ကကပ်ပါလာသောစကားကြောင့် နည်းတောင်နည်းသေးတယ်ဟုပင် ပြောချင်သွား၏။
"ဟိုကောင်ကဘာတွေလုပ်နေပြန်ပြီလဲ.."
"စစ်ကဆေးစွဲနေတယ်လို့ကြားတယ်ဟ...ပြီးတော့..နင်သိတဲ့အတိုင်း ဒေါ်မြသက်လျာကလည်းအမွေတွေကိုသူ့သားနာမည်နဲ့လွှဲပေးဖို့အတင်းအကြပ်တောင်းဆိုနေပုံပဲ..လူပင်ပန်းစိတ်ပင်ပန်းနဲ့ဆိုတော့..နင့်ဒယ်ဒီမလဲပဲနေတော့မလား.."
မြတ်နိုးတစ်ယောက် မျက်မှောင်တစ်ချက်ထောင့်ချိုးလိုက်၏။ ထို့နောက် လက်သီးလေးကိုလည်း ကျစ်ကျစ်ပါအောင်ဆုပ်ထားလိုက်မိသည်။
"တောက်....မိုက်ရိုင်းလိုက်ကြတာ..ဒယ်ဒီ့အရိပ်မှာနေပြီး အခုလောက်ဒုက္ခပေးစရာလားဟာ.."
"စိတ်ကိုထိန်းပါဟာ..ဒီကိစ္စတွေကိုနင့်အဖေကိုယ်တိုင်ကကျေကျေနပ်နပ်လက်ခံထားတာလေ..နင်ဘာမှဝင်လုပ်လို့မရဘူး.."
ခန့်ရဲ့ဒီစကားတစ်ခွန်းကြောင့်မြတ်နိုးတစ်ယောက် ဆုပ်ထားသောလက်သီးကိုပြန်ဖြေချလိုက်ရလေသည်။
ဟုတ်တာပေါ့...ငါကသမီးအရင်းတစ်ယောက်ဖြစ်တယ်ဆိုတာကလွဲပြီး..ဒယ်ဒီနဲ့ပက်သက်တာတွေကို..ဘယ်တုန်းကဝင်ပါခွင့်ရဖူးလို့လဲ...ဟူး...။
🖤🖤🖤🖤🖤🖤🖤🖤
"ဒယ်ဒီ..."
ဆေးရုံအထူးခန်းတံခါးကို တွန်းဖွင့်ကာဝင်လာသောမြတ်နိုး..။ သို့သော် မြတ်နိုးရဲ့ခေါ်သံကိုဦးနေမင်းအိမ်ကတော့မကြားနိုင်ချေ..။
"ခင်ဗျားဒီကိုဘာလာလုပ်တာလဲမြတ်နိုးအိမ်.."
ခုတင်ဘေးကခုံတွင် ငယ်နဲ့အတူထိုင်နေသော စစ်မှူးအိမ်ကထအော်လိုက်၏။
YOU ARE READING
VILLAIN[Season1](Completed)
Teen Fiction[Zawgyi] မင္းမခ်စ္လည္း ျဖစ္ပါတယ္ငယ္ မင္းမုန္းလည္း ကိုယ္ျပံဳးပါမယ္ငယ္ ေအာ္ ငယ္ရယ္... ဗီလိန္ေတြမွာငိုခြင့္႐ွိလို႔လား... [Unicode] မင်းမချစ်လည်း ဖြစ်ပါတယ်ငယ် မင်းမုန်းလည်း ကိုယ်ပြုံးပါမယ်ငယ် အော် ငယ်ရယ်... ဗီလိန်တွေမှာငိုခွင့်ရှိလို့လား...