زين : طيب اتفضلي ارتاحي انتي و مايا ودادة فتحية هتجبلكم عصير تشربوه
سوزان : ماشي بس أنا خايفة
مروان : متخافيش يا طنط احنا هنا ولو عايزة حد فينا يقعد معاكم مفيش مشكلة
مايا : لا خلاص انا بس عايزة أنام
ادم: طيب اتفضلوا يالا
سمر لزين : أنا عايزة أنام مش قادرة
زين : طيب بس أنتي اهدي وهنروح ننام دلوقتي
سمر بهمس له : هتنام معايا
زين : لو مش عايزة انام مش هنام
سمر وهي تتمسك بذراعه : لا تعال نام جمبي أنت أصلا جوزي ومش حرام
زين : ما أنا عارف إنه مش حرام بس انتي بهدلتيني ومش قادر من وقتها
سمر : أنا كنت أعرف منين أنك هترجع تاني
سليم : في اي يا زين
كادت سمر أن تخرج يدها من يد زين ولكن هو تمسك بها زين : لا مفيش يا جدي
سليم : طيب هتعملوا اي دلوقتي
حور : خلينا نقعد شوية مع بعض واحنا متجمعين مش بنتجمع على طول كلنا
سالي : اه خلينا شوية
حور : زيزو تعال شوية عايزاك
زياد : ماشي
آدم :اطلعوا برة في الهواء ثم همس لحور سالي واخداه بالها اوووي خالي بالك
حور بنفس همسه : أنا أصلا مش عارفة أتصرف هشوف بس الأول هو هيقول اي وبعدين نتناقش فيه انا أصلا خايفة لتكون خالتي عايزة تشوفني وأنا مش راضية أروح
زياد : يالا يا حور
ادم : روحي وهنتكلم في الموضوع دا بعدين
حور : حاضر
خرجت حور مع زياد إلى حديقة المنزل جلس وجلست هي جواره
حور : ها يا زيزو عامل ايه
زياد : أنا كويس الحمد لله المهم انتي
حور : أنا بخير يا حبيبي قولي مالك في اي
زياد : سالي واخداه الموضوع عند مش شايفة أني فعلا بحبها ومش عايز غيرها وهي دايما واقفة على كلمة دايما شايفة حاجة غير أنها تعاند معايا وأنها تستفزني وبس
حور : طيب ما هي ممكن تكون غيرانة يا زياد شايفة انك مهتم بحد غيرها
زياد : أنا عمري ما عملت حاجة صدقيني
حور : وأنت ليه مش واخد بالك اننا في حرب يا زياد
زياد : قصدك اي يعني
حور : أنت دايما بتغظها بمين و بتكلم مين وهي واقفة معاك أو قدامك
زياد : قصدك على ميادة صح هما اللي زقنها عليا
حور : بالظبط كدا
زياد : أنا مكنتش أعرف انهم يوصلوا لكدا
حور : هما عايزين يوقعوا اي حد واقف مع آدم وهيأخدكم بالدور واحد واحد
زياد : مين اللي هيكون الأول أكيد أنتي عارفة
حور بحيرة : هما هيحولوا يتخلصوا من كل اتجاه يعني مثلا زين و إياد الأول لأنهم شركاء فكل حاجة وهما الأساس مع آدم وبعدين هيتخلصوا منك أنت وسليم علشان متعملوش حاجة ومش بعيد يبدأو بيك أنت وسليم الأول
زياد : كدا اللعب هيكون صعب يا حور
حور : لازم نأخد الإحتياطات اللازمة يا زياد وأنا خايفة عليكم
زياد : ربنا يستر و يعدي الأيام دي على خير
حور : يارب اللهم امين
زياد : خالتك عايزة تكلمك
حور بحزن : مش هقدر أشوفها صدقني
زياد : طيب خدي كلميها وخلاص
حور : طيب اتصل بيها
****** * *****
سارة : إياد أنا خايفة أووي
إياد : من أي يا حبيبتي بس
سارة : أنت مش شايف اللي بيحصل يعني
إياد : سارة اللعبة لسه في البداية
سارة : يعني اي مش فاهمة
إياد : يعني التقيل جاي وراء كل اللي حصل حاجة واللي جاي حاجة تانية يعني بمعنى اصح هنتصفي واحد وراء التاني
سارة : يعني اي هتموتوا
إياد : مش بالظبط هما هيحاولوا يتخلصوا مننا عايزين آدم لوحده علشان يخلصوا عليه
سارة بدموع : لا أنا مش هستحمل أخسر حد فيكم تاني مش كفاية أن عاشنا طفولتنا بعيد عن بعض وأختي اتعذبت ووشها اتحرق وانقذت بابا وماما مش هقدر أشوف حد فيكم بيتوجع تاني
إياد : سارة لازم تكوني أقوى من كدا وبعدين أنا بستقوي بربنا وبيكي ما احنا اتجوزنا ليه علشان نكون في ظهر بعض ومع بعض على طول واوعي اسمعك بتقولي انك خايفة طول ما أنا معاكي
احتضنته وهي تبكي : أنا مش زي حور اه أنا الكبيرة بس حور شافت عذاب كتير كل دا خلها قوية ومش بتضعف بسهولة وكانت دايما بتخاف عليا وسيباني بعيد عن المشاكل عارف يعني ايه تكون 15 أو 16 سنة وكل دا يحصل معاها
إياد وهو يشدد من احتضانها : بس خلاص بطلي عيط كل حاجة هتكون تمام ان شاء الله اختك مش هتسيب حد فينا واحنا كلنا هنكون مع بعض ان شاء الله بس يارب نفضل مع بعض كلنا
سارة : هو ممكن حد فينا يقف ضد اللي آدم بيعمله
إياد : اه يا سارة ممكن وبعدين الفلوس بتغير اي حد
يالا خلينا ننزل علشان جدي ميتكلمش
سارة : طيب يالا
********
أنت تقرأ
معا سنكمل الطريق (من أجل عائلتي 2)
Misterio / Suspensoهذا سيكون الجزء الثاني لرواية من أجل عائلتي
