كل منا ينتظر ربيع كل عام ليعلم من سيسقط من شجرة حياته من لم يكن يستحق الثقة. من علمه درساً جديداً من كان بجانبه. والأولى من استحق البقاء
#أسماء_عادل_عبدالحميد
سالي : متأكدة يا ماري إن المكان دا مش خطر عليكي هتبقى كويسة يعني
ماري : متقلقيش بسهر في الأماكن دي عادي وبعدين مايكل هيكون معايا متقلقيش
ريناد : مش لازم نعرف هتكوني بخير ولا لأ لأنه لو في نسبة خطر عليكي مستحيل تروحي هناك
مايكل : متقلقوش هكون معاها وبعدين دي مراتي
سالي: مقولناش حاجة يا مايكل بس نضمن سلامتكم الأول وبعدين ربنا يحلها
مايكل : متخافيش كل حاجة هتكون تمام و بعدين دي خدمة لآدم دا هو اللي خلانا نتجوز بعد معاناة
ماري : هخليهولك يقر بكل حاجة
ريناد : مجهزة الخطة يعني
ماري : هي آه جاهزة بس ممكن يحصل حاجة هناك أضطر أغيرها و استخدم خطة بديلة
ريناد : لو حسيتي بخطر منه ابعدي أو اهربي أهم حاجة سلامتك انتى فاهمة
ماري : ماشي يا خوافة
سالي : خلاص ماشي هنمشي إحنا و لو احتاجتي حاجة تكلميني فوراً
ماري : حاضر اي أوامر تانية يا باشا
سالي : لا مش عايزة غير سلامتكم بس مع السلامة
مايكل و ماري : مع السلامة
ذهبوا إلى قسم الشرطة ليقابلوهم بينما جلس كلا من ماري و مايكل في مكانهم
مايكل : لو خايفة أجيب واحدة تانية تعمل دا
ماري : لا مش خايفة أنا بس بفكر في الشخص اللي يأذي ناس بالطيبة دي
مايكل : مكانتهم في المجتمع و ثرواتهم مطمع للكل حتى لو كانوا ملائكة
ماري : طيب ليه يعمل كدا ما يشتغل و يتعب علشان يجيب فلوس
مايكل : أحياناً اللقمة السهلة بتبقى أريح من إنك تنزلي تجيبي المقادير وتقفي تعمليها وتستني لما تجهز هما بقا لاقينها جاهزة ف عايزين يخدوها كدا من غيد تعب ولا مشقة حتى لو بتاع غيرهم
ماري : ربنا يبعد عننا الناس دي
مايكل : اللهم امين يارب
ماري :طيب قوم يلا خلينا نجهز معدش كتير
مايكل : حاضر يلا بينا
ماري : تفتكر سليم هيديلهم معلومات زيادة تفدنا
مايكل : أعتقد المعلومات اللي معاكي تفيدك و أكتر و خصوصا موضوع العداوة اللي بينهم و بين بعض دي
ماري : آه و الله عندك حق
مايكل : عايزة تحطي خطة ولا هتسبيها لظروفها
ماري: والله ما عارفة كل اللي أعرفه اني لازم اقرره
النهاردة آخر ميعاد
مايكل : طيب سبيها لظروفها خلينا مركزين بس هنخليه يلتفت ليكي إزاي
ماري : لا دي سهلة متقلقش استنى هو إحنا هنخطفه ولا هنقرره إزاي
مايكل : أكيد لو لمحك هيطلب منك تكملوا السهرة في شقته روحي معاه وهكون معاكي أو لما تدخله الهيه في اي حاجة لحد ما تفتحيلي و أدخل اي رايك
ماري : خلاص ماشي تمام وقتها أبقى استدرجه في الكلام و أسجل اللي هيتقال
مايكل : ايوا كدا دماغك شغالة
ماري بمزاح : مش بتنام يا سطا في اي
مايكل بضحك : طيب يلا خلينا نمشي
ماري : يلا
*****
سالي : هما اللي هيستهدفوا عاصم
زياد : انتي واثقة فيهم يعني
ريناد : ايوا يا زياد وبعدين آدم ساعدهم قبل كدا في مواضيع كتيرة
سليم : طيب دلوقتي هتعملوا اي. أي الخطة اللي أنتوا ماشين عليها
سالي : مفيش خطة تقريبا هي سايباها تمشي زي ما تمشي
سليم : اي الغباء دا بس يا سالي أنتي إزاي تسبيهم كدا افرض حد كشفهم و مسكوهم و قتها هنعمل اي بقا كدا
ريناد : مفيش حاجة وحشة هتحصل إن شاء الله
زياد : اتفائل خير يا سليم
سالي : طيب هو ليه عايز يأذيكم
سليم : لأننا أكفاء منه في الشغل ودايما بنطلع مأموريات مع بعض حكاية غيرة من الآخر
ريناد : هو أذاكم قبل كدا ولا دي أقول مرة
زياد : لا مش أول مرة هو حاول قبل كدا يأذي سليم بس حور لحقت الموضوع وكان ملف قضية مهمة
سالي : طيب مبلغتوش عنه ليه
سليم : ببساطة لأنه مكنش في أدلة تدينه ولا تثبت أنه كان ليه دخل في الموضوع.
ريناد : طيب ما هو أكيد هو كدا بيشتغل ما حد لأنه من كلامك أكيد أجبن من إنه يورط نفسه في قضية سلاح أكيد حد سانده
زياد : والله مش بعيد يكون اللي سانده دا الزعيم و هي فرصة يخلص مننا
سليم : ممكن برضو كل الإحتمالات واردة
زياد : هتبدءو الخطة امتى
سالي : المفروض آدم عايز كل حاجة تخلص النهاردة بالكتير قولي هو معندوش نقاط ضعف نستغلها
سليم : لا منعرفش عنه حاجة غير أنه بيشرب و شمال يعني من الآخر
زياد : تقدروا تستغلوا عدوته لينا هتفدكم جداً
سالي : نقطة حلوة ماشي هقول لماري تركز زيادة عليها
سليم : بس يعترف و ننهي كل حاجة
زياد : مش بالسهولة دي و بعدين لسه قدمنا وقت كبير على ما الحقيقة تتكشف مش الكل عارف القصة.
ريناد : إحنا لازم نمشي بقا علشان نكلم ماري ونشوف هتعمل اي سلملي على زين وهو عامل اي و الشباب
سليم : كويس الحمد لله كلنا تمام. يوصل ان شاء الله
سالي : خلي بالكم من نفسكم لا إله إلا الله
سليم و زياد : محمد رسول الله.
خرجوا من هناك اجتمعوا هم الأربعة
مايكل : ها سليم قالكم حاجة تفيدنا نقاط ضعفه و كدا
ريناد : بص هو مقالناش نقاط ضعف والحاجات دي زياد قال استغلوا عدوته ليهم
مايكل : طب كويس كدا هيسهل علينا الأمر أننا نعلب على حتة العداوة دي بس
سالي : ليه
مايكل : ماري تحاول تجرجره في الكلام عنهم
ماري بتساؤل : إزاي بقا
مايكل : بما أنك هتسأليه بيشتغل اي أكيد وقتها هيرد عليك بأنه ظابط نمسك إحنا هنا ونألف قصة بس تكون محبوكة و تدخل عليه لأنه شكله مش سهل خالص
سالي بقلق : لا افرض كشفهم و عملها حاجة
مايكل بهدوء : ممكن تهدي و بعدين هيكشفها ازاي هو يعرفها. حتى لو افترضنا أنه كشفها أن هكون معاها و هننقذ الموقف احنا الإتنين
سالي : لا يا مايكل شوف حل تاني
ماري : اسكتي أنتي يا خوافة و بعدين دا الحل الوحيد اللي قدمنا علشان نكشفه
ريناد : ربنا يستر و تعدي على خير و نخلص بقا من الموضوع دا
مايكل : هيخلص إن شاء الله بس ندعي إنه يشوفها و هو اللي يدعيها لبيته مش العكس علشان نعرف نلعب
ريناد : و فيها أي لو هي اللي قالتله
مايكل : لا و بعدين هو ظابط ممكن يشك فيها مع أنه زبالة بس دماغه شغالة هتبقى أحسن لو جات منه هو هيديها الأمان و بكدا هعرف أدخل معاها الشقة
سالي : و أنت هتدخل الشقة إزاي
مايكل : لازم هي تتصرف و تهويه في أي حته على ما تفتحلي الباب و أدخل و أكون وسطهم علشان لو حصل حاجة أقدر أنقذ الموقف
ماري : خلاص ماشي فهمت أنت عايز اي صحيح يعترف و هو سكران و لا و هو فايق
مايكل : لا الأفضل يكون فايق علشان مندخلش بعد كدا في سين و جيم و مين اللي عمل كدا و الواحد مش ناقص وجع دماغ
ماري : خلاص ماشي كدا تمام عرفت هعمل اي
سالي : خلاص ماشي و لما تخلصي قولي لآدم و طمنيني بردو
ماري : خلاص متقلقيش
أنت تقرأ
معا سنكمل الطريق (من أجل عائلتي 2)
Mistero / Thrillerهذا سيكون الجزء الثاني لرواية من أجل عائلتي
