ظلمني القدر والنصيب

البارت 20والاخير من الجزء الاول

#البارت ٢٠
#ظلمني القدر والنصيب
#بقلم ليلى الركابي

.......................

أُعاتِبُكَ لـ أمنَحك فُرصة كي تَتَغَيَّر نحو الأفضل وليس لـ تَرْحَل..! ..

.......................

ليال.... صار عرس ضحى بسرعه شبعت بجي وراها ودعيت الله يوفقها
بس جان الفرق نشاز بينهم هي بيضه وهو اسمر حتى من حط ايده بأيدها هي ضاعت لان اكبر منها..  اني ما مرتاحه بس شسوي هي موافقه  وتكول اعرفه موبيدي

وهنا اجه ماجد لعب لعب ليحيى  شون عايف خواتك وحدهن وتعارك وياه
يحيى عصب وكاله...  اقسم روحي نصين ذيج ما ترضه تجي ولاهن يرضن يرحن وياي

ماجد...  وانت ضال بين النسوان اشك حلكها التحجي هاذا بيت ابوك تكعد بي هو الك المن باقي خواتك باجر عكبه رايحات..

واجت مرت يحيى عاشت ويانه شوفتنه الضيم وبناتها انكس منها كل وحدة السانها شطوله وصرت مالي دخل بالبيت لا اطبخ ولا انضف وهن هم ماالهن دخل..

لان انضف و اتعب يجون الجهال يسونه مزبله من احجي ياكلني وكل وحدة تسوي اكل لجهالها فقط اني و غصون بقبنه ناكل جبن طماطه..

وغصون كعدت عطله الامتحانات السادس صار وقتها بس قرايه اني مثل الخبله اضل افتر اطب منا واطلع منا..

مرت اشهر  ومحمد راسلني كم مرة بس شلونج ويفتح مواضيع عاديه..

دخل يحيى مخبوص واجه وجهه احمر وخايف ماحاجيته راح كبل لغرفته
طلع لابس  اسود هنا كلبي وكف كتله شكوو

يحيى....  ابو خالد بالمستشفى

ليال...  يعني مات

يحيى... وسم بيش مفاولة اكلها بالمستشفى تكلي مات

ليال...  اي غير انت لابس اسود

يحيى....  كلشي يصير خاف يموت افتر بالفاتحه ابنطرون وقميص

ليال....  راح واجه متأخر كال زين طلعوه من المستشفى

خابرتني ريام زعلانه وتعاتب ليش مااجيتي للعرس تعذرت منها واني بكلبي اكول هاذا البطران الضيم حالي ويني وين الاعراس..

طلعت النتائج وغصون جابت معدل 78 وكضتها بواجي
بصراحه حتى اني انصدمت جنت متوقعه اطلع اعلى من هيج
بقيت اصبر بيها واقنعها ان زين وحتى لو تربيه المهم شهادة

ليال... صح اني عايشه بس مااحس بعمري يومي يمر بسرعه ماالحك عليه رغم كاعدة وساكته بس قبل الصلاة بساعتين قبل كل فرض اصلي لابوي ولامي ولحسن ولجنات وختمت القراأن لكل واحد مرة..

جانت ايدي مستمر الوجع بيها واسكت
اتوسلت بيحيى ياخذني للنجف لان صدك مشتاقه اروح ازورهم بس كال معندي فلوس بعد مالحيت..