مقتطف
..... رحت لبيت عمي بس ضايجه ليش ما اخذوني وياهم
غير عرس ابن خالي واني اريد اروح
كعدت بالهول اتابع مسلسل هندي طلع منتظر ابو كرش من الغرفه
منتظر…تو خطيه والله كسرتي خاطري
جاوبته بعصبيه…مالك شغل اصلا اني ما ردت اروح هناك هوسه واني مااحب التجمع
منتظر… على كيفج يالفنانه تجمع هو منو يلتفتلج
مااتحملت استفزازه درت وجهي وابجي هو حس طفر كعد كدامي
منتظر…على كيفج يمعودة اشاقه والله تردين اني اخذج
ضحكت هو انت عمو ما يخليك تتطلع للشارع مو انوب اربيل
منتظر…اصلا انتو مستصغريني يلا رايح انام وانتي روحي يم اسراء
راح للشارع هزيت راسي عود رايح ينام كمت شفت الساعه ب11 رحت لغرفه اسراء بدون ماادك الباب دخلت شفت اسراء وطيبه بمنضر لا يطاق وبدون ملابس
جسمي ضل يرجف من المنضر ولعبت نفسي هن طفرن لبسن ملابسهن بسرعه واني ركضت للحمام اتقيأ
اريد انسه الموقف كلساع يتكرر ابالي وارجع اتقيأ
اجن وراي وجهن اصفر من الخوف
اسراء…حباب لا تحجين عن الشفتي
باوعت الها ومتقززة منها …فدوة ميلي عني لا تتقربين الي
طيبه…باعي اذا حجيتي نورطج والله
جاوبتها بدون نفس…اصلا ما يشرفني احجي بهيج منضر
ركضت للهول حاطه صايتي وحجابي على المحجر اخذتهن لبستهن
اسراء…شنو وين رايحه
ما حاجيتها صدكت لعبت نفسي منها عمرها 25 وهيج تتصرف
طلعت متجهه للباب وهي ركضت مدري وين
بعدني ما وصلت للساحه انجريت
منتظر…وين بهاليل
اجه بالي هو هم مثلهن ميلت ايده عني وكتله رايحه لبيتنه
منتظر…انتي خبله بنص الليل رايحه لبيت فارغ اكعدي واسكتي
جاوبته واني دموعي سبقتني جسمي يرجف …مااريد ابقه اريد بيتنه
منتظر…اسراء ضوجتنها ليش هيج قبل شويه تمام
اسراء…والله خويه مااعرف اشاقه وياها ويمكن صدكت وزعلت
طيبه…احنه كلنه الها ليش ما رحتي وي اهلج وهي بجت
منتظر…رهفف زغيرة انتي وتبجين على اهلج اسبوع وراجعين
رهف…مختنكه اريد امي
منتظر…تعاي كعدي يمي اني ماانام باليل
