ظلمني القدر والنصيب

البارت الخامس عشر

#البارت الخامس عشر
#ظلمني القدر والنصيب
#بقلم ليلى الركابي

...........................

قَسَت عَلَيّ الأَيام کْثًيَرآ .......
وٌلَکْنِ آريَدٍ آنِ آعٌرفُ لَمًآذِآً تٌأخِذِ مًنِيَ .......
آشُخِآصّ آرى   فُيَهّمً نِفُسِيَ......
کْلَ مًسِآء شُتٌآء آخِرجّ لَيَلَآ وٌآتٌکْلَمً مًعٌ مًنِ فُيَ آلَسِمًآء......
أمًَطِّريَِّ يَِّآ َّسِمًَأّء ؛ وٌَِ إَّسِقُِيَِّ قُِبًِرآ .. أوٌَِجِّعٌٌنِِيَِّ فُِّرأّقُِهِّ......
لَقُدٍ سِئمًتٌ آلَبًکْآء کْ کْلَ لَيَلَهّ .. أهّلَکْنِيَ وٌجّعٌيَ ...
وٌرحًَلَ عٌنِـِي آمًيَ آبًيَ آخِيَ آخِتٌيَ َ...
مًنِْ عٌآهّدٍوٌنِـِيَ بًـِ آلَبًقُـَآء لَآخِر نِفُسِ ...
رحًمً آلَلَهّ مًيَتٌآ ذِکْرآهّ تٌبًکْيَنِيَ..

ليال.....

بقلمي

.......................

ليال... وره ما راح يحيى يومين واجه اسوك وسألنه شمحتاجين وراح
واني استقبل النسوان التجي تعزي بيهن اليصبرن بيه ويكللي اهتمي بخواتج وبيهن الي يخوفني ويسألن شلون راح تعيشين...  شلون راح اعيش لو جنت بس اني ماجنت اهتم اكطع الاكل والشرب واخلص من عمري..  بس اخواتي هن من يبجن يجن يحضنني وبليل يحاوطني وينامن صرت اني ام واب الهن او الامان لان ما بقه احد..

وهنا تندمت اكثر من تركت دراستي يعني لو مكمله هسه اني كليه واكدر اتقوه بيها..
بس حطيت املي بغصون لان كلش شاطرة كلت اتعب وياها وعليها

كل خميس نسوي ثواب لابوي جانت تجي كم وحدة من جيرانه بيهن سبع نسوان وملايه تقره انطيها خمسه ماتحجي بس ولا وحدة من خالاتي اجت.. بوقت الشدة تعرف الوياك والعليك

خوالي شهر كامل ما اجو وحتى عمي ابو خالد اليشوف خوتهم قبل عباله ينجلط ويموت بس العكس اجه اول ثلاث ايام وبعد ماسأل.. عالم مصلحه..

بيوم الاربعين اجت صابرين ولمعيه ومرت حيدر والام وريام ومرت سعدون بس طبخن دجاجتين النه والزلم لا صديق ابوي جاب ذبيحه ويحيى ذبيحه سوه الاربعين

زيارة الاربعين كلها راحت بس ماادري منو الي راح ومنو ما راح بس السيارة متروسه كعدت بالاخير وكضيتها بجي ما مصدكه اهلي كلهم بالنجف..

وصلنه للنجف تيهو الكبر وداخو كتلهم  اذا يم امي واخواني اندلهم..
رحنه وشفتهم اربعه واحد بصف الثاني حسدت اختي جنات لان ماتت وماشافت ضيم ولوعة الفراك..صرت اصرخ كل ضني يسمعون صوتي ويطلعون وصلت حدها مااستوعب ليش ما يرجعون اني اريدهم بقينه بالساعتين هناك ورادو يرحون اني لميت اخواتي لحضني وكتلهم مانروح احنه مكانه هنا يم اهلنه

يحيى شال هجران وسحب غصون يجر بيها وخالتي اخذت شجون واني شكد توسلو بي ما قبلت بقت وحدة من خالاتي يمي وهم راحو يزورون الامام علي..