#البارت السادس
#ظلمني القدر والنصيب
#بقلم ....ليلى الركابي
---------------------------------
بهيدة يا شوگ العُمر ما بينه غربة..
هبه 💔
----------------------------------
هبه … كمت سويت التريده وكعدت بالمطبخ رفعت ردن دشداشتي شفت ايدي زركه عبالك بلايس مو ايد
اغسل ملابس وهم يتعاركون مدري عليمن مصيبه هاي العائله كاضيها قال وقلت وطك وطيح خلصت وشطفتهن سميت عليهن ورحت اشرهن ملابسي كلها تبللت وثوبي صار يسحل
خلصت والتفتت اروح شفت خالد كاعد اباب الديوانيه يباوعلي ضجت من نضراته ودخلت جوه بسرعه بدلت ملابسي
طلعت شفت ام محمد تباوعلي بنضرات خذلان انكسار مااعرف بس هموم وحزن رحت يمها وكالت تعاي نطلع غراضي من غرفتي
رديت ليش وين راح ترحين
ام محمد… للغرفة الكاعدة انتي بيها بس راح اكعد بالمطبخ وانتي تكعدين بغرفتي
هبه… عود ليش غير غرفتج
ام محمد… عمي طردني يريد الغرفه الج واله
هبه… شنو بكيفه غير غرفتج وبيها غراضج وذكرياتج هي ملكج شنو تنطينها
ام خالد… لا تجاوزين ولج يلا نويرة كومي لشغلج وشكالج عمج سوي
ام محمد… ترا الغرفه قديمه صارلها 18 سنه يكدر يشتري جديدة
هبه… كلش انقهرت خطيه غرفتها الخشاب هاذا الشايب يريد ياخذها هي مالت عرسها وبيها ذكريات
واكفه واشوفها بدت اطلع ملابسهم هي وبتها وتبجي من حركت كلبي عليها دعيت الله ياخذ هالشايب شنو ذنبها لان ارمله محد الها
جان اكو كنتور بالمطبخ قديم حاطت ملابسها وغراضها بي باوعت لريام تضحك ياربي هاي البنيه ماالها مثيل ماخذة الدنيا ضحك
صاحت العجوز تعاي اطبخي
باوعت الساعه ب 9 الصبح بعد وكت للغدة
بس اسوي حتى اخلص من حجيها طلعت عدس سلكته لان هم ما شاءالله شكثرهم ما يكفي المسواك بيوم واحد ويخلص
كلبي يم اهلي وين صفه بيهم الدهر مشتاقتلهم صارلي 15 يوم ما ضكت طعم الراحه اطبخ وافكر ما حسيت غير شي يتحرك بضهري التفتت شفت خالد يضحك لعبت نفسي منه ومن نضراته
