ظلمني القدر والنصيب

البارت الاول

البارت الاول

بقلمي.... ليلى الركابي

ظلمني القدر والنصيب

---------------------------------

لا تنتظر شيئاً بلهفة، فالأقدار كتبت أن يأتيك كل شيء في وقته.

--------------------------------

2015

الساعه 4 العصرا احدى مناطق ديالى

كاعدة بالحديقه اكل كليجه وي الجاي واقره بكتاب تفسير الاحلام البارحه حلمت كأن اخوي سامر ماسك شعري ويفر بي لان امس اني صرت نادرة وكنست غرفته ومسحت ميز المرايه وانكسر العطر مالته جان غالي كلش ويجيبه من بغداد واني خايفه على شعري كلش اهتم بيه ماكو شي ما سويته اله حتى يبقه على طوله

وبينما اني مندمجه بالقراءة والجاي بيدي حسيت ايد على شعري ياربي معقوله حلمي تحقق

رهف...والكعبه وبيت الله هي وكعت ونكسرت

سامر ...شنو النكسرت

رهف...عطرك

سامر...بتعجب كسرتي عطري

رهف ...وابو فاضل ورايته وكعت وحدها

سامر...اي وهسه شسوي عطري اريده

رهف...يكعد بابا واكله يشتري الك عطر بس عوف شعري عليك الحسين

سامر ...كافيج حلف اذا تخسرينه مالي علاقه بيج ولا احاسبج

رهف...رجع دخل لجوة ومسحت دموعي ياربي هاي منين اجت وليمت نزلت

خل نعرفكم

اسمي رهف وعمري 22 سنه مخلصه معهد تمريض وكاعده بالبيت وماعندي غير اخ واحد وهو سامر عمره 25 مخلص ادارة اعمال بس هو فاتح محل اجهزة ومرتاح بي
وبابا وماما الله يحفظهم نفس العمر 53

طبعا ازوجو عن حب بالجامعه وبعده حبهم مثل ما هو وماما تزعل كلش هواي مجرد بابا يصير عصبي تزعل من يمها ومشكله حتى من الاكل تزعل اني هم ازعل هواي بس مو من الاكل بطني شدخلها اترسها وبعدين اكمل زعلي

وبيه طبع الي هو الحلف من الخوف اطلع امام ما موجود واحلف بأسمه وبابا اكثر من مرة من جنت طفله يكتلني حتى ابطل حلف بس ماكو لساني متعود وما اضم سر من احجي ياخذني الحماس واطلع على الترابي اكت الاكو والماكو

عايشين بديالى بمنطقه....... يمنه مول كلش جبير وبي كلشي بين يومين او ثلاثه اروح اله مرات ماما تروح وياي بس ماما كبل تدخل على اليبيع اماعين واني اروح للعشق صبغ الشعر والاضافر اموت عليهن اهم شي عندي ذني كل شهرين صابغه شعري لون ومرات سامر يروح وياي واضم الفلوس العندي واخذ منه يعني اقطه