السلام عليكم
ظلمني القدر والنصيب
بقلم ليلى الركابي
البارت الاول
ليال ،،، بعد ما راحو وجيرانه هم بقو بس اهل مرت حسن نجلاء جانت مرتبكة وحتى ما حضرت العقد كضتها بالمطبخ
اخدت امها واختها وراحت لغرفتها
اني نضفت الصاله ورحت يم غصون تتصفح بالفيس بسرعة خرجت منه وجهه انكلب الوان
صفنت بيها كتلها ليش
غصون،،، مابي شي حلو اصلا اني اريد امسحه اسوي تلكرام بي قنوات حلوة صديقتي كالت يفيد
عفتها وحضرت فراش الي انام سأل بتردد
راح تنامين ؟
ليال،،، اي ليش
غصون ،،،لا بس اكول من وكت وبأعتبار اليوم خطوبتج ما تراسلين محمد
ليال،،، لا واذا يريد هو يراسل مو اني
غصون ،،، شجون كالت حماي ماقبل اجي
ليال،،، ختولي وبعد لا تجي
غصون،،، انتي مقتنعه بمحمد شو احس ما متوالمين انتي وياه
استغربت وكتلها ،،،ليش شبينه
غصون،،، يعني حالتهم الماديه تعبانه
ليال،،، ع ساس عايشه هنا ملكة دسكتي لا تخليني احجي
ايام عاديه مرت وكم مرة اجتني ريام نروح اني وياها نتسوك اشياء بسيطه ونحاول ماننسه شي ام محمد بس تروح ويانه ماتعلق
وانطتني موبايل كالت محمد يكول حساباتها القديمة تتركها
فتحته بي كل البرامج شنو الفرق وهو مسوي حساب لكلهن سويت مثل ما كال وذاك موبايلي جان دائما عد ابن حسن يلعب بي وانطيته اله فرح وباسني
كم مرة راسلني يدز شلونج اجاوب ثاني يوم يلا يرد ومخلصينها وشونك وزين
وره اسبوعين من الخطوبة حددنه العرس يعني فترة الخطوبة كلها اقل من 3 اسابيع
جنت احجي وي غصون ودز شونج رديت زينة
كال باجر نعقد تحضري امرلج الصبح جاوبته وراح طلع اخر ضهور
لفيت راسي ونمت بعد تفكير بحياتي المستقبلية
كعدت الصبح على يحيى ينده بيه كمت سبحت ولبست صاية سودة وشال اسود بقيت كاعدة انتضرهم ويحيى واكف برا
اشرلي يلا اخذت موبايلي وطلعت جان ماجد يسوق ومحمد كاعد بالصدر وامه وره سلمت كعدت يمها ويحيى كعد بصفي
جان محمد كاشخ لابسة بنطرون ازرك وقميص ابيض وسترة نيلي اول مرة اشوفه بهيج زي
وصلنه المحكمة نزلت امشي وي يحيى هو اجه سحب ايدي وصرت بصفه خجلت كلش لان يحيى بقه صافن علينه كمل طريقه وي ماجد ويتناقشون
ام محمد راحت للمحل تشتري بسكت ومتأكدة هي تركتنه وحدنه
بقينه واكفين منتضريها واني صخنت احس رجليه يرجفن رغم ما حجه ولا كلمة بس يمكن لان اول مرة
