#البارت التاسع عشر
#ظلمني القدر والنصيب
#بقلم ليلى الركابي
...............................
أبّكتنا كَثيّراً هذه الحياة ، فَنحنُ لَم نَجدُ فُيها سوى الحزن ..
..............................
رهف....امي عصبت وضربتني على راسي وهي تصيح ما تستحين وانتي تفشلين مو صوجج صوجنه انطيناج مجال
عفتها واني الدنيا طالعه من عيني دورت جهازي وبسرعه طلعت رقم منتظر واتصلت بي بدون تفكير كل همي احجي العندي
رد كال الوو
اني هديت بي وكتله.. بأي حق تصرف من كيفك اني كتلك ماريد مو
منتظر... على كيفج شكو
رهف...شكايل لعمتي
منتظر.... اجتكم توها صار اسبوع يبس ريكي
رهف.... انت تفهم عليه لو احاجيك بغير اسلوب اكول مااريدك
منتظر.... بالاول عدلي اسلوبج وعيب تحجين هيج مو طفل كدامج واني ما موت نفسي عليج
رهف.... خوش تسحب امك وكلامك وتتراجع وتكول لابوي بطلت
منتظر.... والله اني كلت لعمي كلمه وعيب اتراجع بيها انتي احجي اذا ما تردين
رهف... تضحك عليه؟
منتظر..... لا وروح ابوي شضحك عليج بس الرفض مو مني حتى اتراجع انتي الماتردين ومااتوقع عمي يجبرج
بس اريد سبب ليش هيج رافضه
رهف.... راح اكولها بدون خجل لان يمكن بهاي تبتعد
منتظر احسك جاهل يعني اني استحي ازواج واحد ازغر مني بأربع سنين
منتظر.... اني جاهل؟؟
براحتج بس اريد انطيج نصيحه تعلمي اداب الكلام لان العمر مو مهم شوفي عمرج وشوفي كلامج.. تعلمي تفهمين شعور المقابل لان اكو كلمات تجرح
وبصراحه من وره كلامج حتى نفس ماضلت الي بيج
سده بوجهي حسيت اتصرفت غلط وميصير هيح احجي وياه لان هو مو غريب ابن عمي وعشت وياه سنين
مرت ايام ماوصلت لبيتهم وحتى عمتي ماتجي النه
اجه ابوي كال باجر نروح لبيت كوثر عرس ابنها وعازمتنه امي ضلت تحجي وتكله شنسوي رايحين طريق بعيد وكراوي
كالها بعصبيه.. نروح بسيارة مرتضى ماكو كراوي
ثاني يوم كعدنه من الصبح حضرنه ملابس بالجنطه لان ابوي كال راح نبقه يومين
كملنه وبقينه ننتضر مرتضى يجي سمعنه صوت السيارة طلعنه جان مرتضى يسوق ومنتظر كاعد بصفه حسيت تفشلت
صعدت بدون مااسلم كعدو ابوي وسامر وامي كدامنه واني واسراء وعمتي وره..
طريق طويل كلش من ديالى للناصريه نزلنه تغدينه بمطعم بس مو مطعم نار الاسعار تصلب بس بعد مجبورين
