#البارت السابع
#ظلمني القدر والنصيب
#بقلم ليلى الركابي
.....................
مقتدى… رهف اني ما فارغ وكل يومي اخلصه ركض ماالحك عالوقت وسولف احبك ما تحبني ما عايشها ومن خطبتج امي بدون اذن مني واستحينه نتراجع بعدين كلت احاول اعيش وياها ما بيها شي وحاولت بس مااكدرت اشارك حياتي وخصوصياتي وياج و وحتى ماا.......
رهف كمت ودمعه بطرف عيني … لا تحجيلي مقتل.. واشكرك اعتبر هاي اهانه؟
مقتدى… هسه انتي شنو الفهمتي مو بعدني احجي
رهف… سحبني رجعت كعدت يمه وكال.. عوفيج من الراح المهم الحاضر واحبج
باوعتله وكتله كول بالعباس طبك حواحبه وكال … هو انتي هم مال لحضات رومانسيه دخجلي كول هم احبك رحتي جبتي العباس سلام الله عليه
مرات ايام مصافين بيها بس شويه اكشن وي عمتي بصراحه الغلط مني لان اراددها بس لساني شيكضه مااتحمل احد يصيح عليه وهي بيها طبع ما تشكي مني بالعكس تحمد بيه وتسويني ماكو مني اثنين مرات اصدك نفسي واعيش الدور وي عمتي الحنونه
وصرت دوم اكنك عالطبخ مرات تصيب ومرات تخيب والعالم مضطرة تاكل ما يحجون
بس مااعرف مقتدى ما مرتاحه اله احس اكو شي دايما البس برموده او دشداشه قصيرة وانام يمه ما يوم كال او لاحظ على لبسي يحجي وياي عادي مرات احسه اخوي سامر
مرة اجه ولكاني ضايجه سألني شبيج اني ما صدكت اطلع ضيم كلبي كتله … صارلي ب 6 اشهر من ازوجتك ما يوم طلعنه لو اخذتني لمكان نتونس هو هاذا الزواج لو باقيه يم امي احسن
مقتدى… اعصابج اعصابج تدللين تردين نطلع ما عدي شي نطلع وين ما تردين
رهف … عليك الله صدك
مقتدى… والله يلا بدلي
رهف… بس احنه طلعاتنه باليل خليها لباجر الصبح
مقتدى… لا هسه نروح نتعشه باجر دوام بالمستشفى وهسه ماافتح العيادة لخاطر هالعيون
رهف… اذا هيج دقايق وتلكاني مشتوله يمك
لبست بنطرون ازرك ابو الحجل جان وكته وتوه داخل وقميص كريمي وسترة سودة طويله نسقت شال وحذاء اسود حطيت مكياج خفيف
مقتدى لبس بنطرون كريمي وقميص نيلي لبس ساعته وكال يلا رحت كلت لعمتي طالعين
