رواية المافيا

الحلقة 1

رواية المافيا😈
للكاتبة: لولو حبيب❤ الحلقة:1
___________________________
اني: ممكن المكان هادا
التاكسي: يابنيتي وين ماشية في اليل
اني: لو سمحت عمو ارفعني ومن دون أسئلة
التاكسي: ربي يهديكم يابنتي
اني: امين يارب
///
فارس صفق قدام وجهي: وين
اني فقت علي روحي: شني فيه
فارس: وين كنتي
اني قمت حاجبي: جبتو البضاعة ولا لا🤨
فارس: اما بضاعة
اني بعياط: البضاعة الي في الميناء شني اما بضاعة هادي
فارس: حاضر تو نمشي نجيبها
اني: 5 دقايق نبيها قدامي
فارس: حاضر اوامر تانية
اني نلبس في سبيدروي: استنا هادي المهمة بتمشي فيها انته بروحك نبي انزيد نتاكد اني اخترت صح
فارس ابتسم: حاضر
اني: يلا
فارس: به ونزل
نزلت وراه
فارس طلع هوا و3 سيارات وراه
اني جبدت كرسي وكعمزت
محمد: كيف صار ياراجل
عادل: اسكت تو تسمعك نهارنا احرف بعدين
اني قمت حاجبي: عادل🤨
عادل: نعم
اني: توا ساعة 10 ساعة 12 نبي الكل اهني والي يجي بعد 12 يعرف شني ايصيريله
عادل: حتي الي اليوم راحة
اني: قلت الكل ومنبيش انعاود كلامي
عادل: حاضر وامشي يكلم فيهم
محمد: وداد ممكن نسالك سؤال
اني شبحتله علي جنب
محمد: ليش خاشة في الطريق هادي انتي؟
اني: هكي
محمد: به مواليد كم انتي؟
عادل: من امته الكلاب يسالو في اسيادهم
اني بعياط: هوا قال وداد مقالش عادل ومن امتي الكلاب يردو في مكان اسيادهم😡
عادل طبس راسه لوطة: اسف
اني: مرة تانية امنين يسالني حد انته تصقر فمك وبس
عادل: حاضر
اني: كمل
محمد: اي مواليد كم انتي ؟
اني شبحتله بنضرات حادة: بنسالك نفس السؤال اعلاش انته خشيت في الطريق هادي
محمد: من الدنيا
اني ساويت وشاحي: خلاص زي ماقلت انته وبعدين انته مواليد 2002 شني شفت منها الدنيا
محمد سرح في النجوم: ياما شفت
اني ابتسمت علي جنب: كله يفوت عادي
محمد: الحمدالله علي كل حال وخلاص
عادل كعمز بحدا محمد
محمد : اليوم الغمازات بانو زعما شني صاير
عادل: حاسدينها علي الابتسامة والله
محمد: مش حسد تي احني نفرحو امنين هيا تبتسم ولا تتضحك لكن غريبة ليها قريب اسبوع وهيا شادتها عيااط وتهزيب بس
عادل: ماهو انتم متعرفوش تخدمو صح
محمد: مشالله انته الي تعرف
اني: ياسر قرمة انته وياه
محمد: كيف سمعتنا
عادل: صقر فمك خلاص
اني: عادل كلمتهم
عادل: اي
اني شبحت الي ساعة: به
قعدت نتفرج علي النجوم لين خشت سيارة فارس ووراه السيارات درسو قدامي ونزلو
اني وقفت وشبحت الي فارس
فارس فتح كوفينو السيارة وفتح الصندوق
اني اخديت بلجيكي وقعدت نشبح فيه
فارس: البضاعة كاملة لكن البيكا مش هلبا
اني لوحت البلجيكي في الصندوق وحطيت يدي علي كتف فارس
اني: كل يوم اتزيد تكبر في عيني وهادي المهمة ونجحت فيها
فارس ابتسم
عادل: نرفعو البضاعة للمخزن
اني: لا البضاعة هادي بتقعد اهني
عادل: هي ياولاد نزلو البضاعة وابدو ينزلو ويحطو فيها في المقر
رجعت كعمزت علي كرسي وجي كعمز جنبي فارس
اني قمت يدي الي فيها الساعة وحطيت صبعي علي الساعة
اني: عااااادل
عادل: حاضر هي
فارس: وداد
اني شبحتله
فارس: في دفعة جديدة قال اعليها علاء
اني: اه
فارس: غذوة بيجو انخليهم شور علاء ولا نعطيهم الي عادل
اني: لا خليهم شورك
فارس: اعلاش شوري
اني قمت حاجبي: من امته انقولو فيها كلمة اعلاش🤨
فارس: قصدي اول مرة
اني: قداش واحد هما
فارس: 10بس
اني: تمام اخر دفعة هادي
عادل: الدفعات كثرو هلبا الفترة هادي
فارس: انشهرنا هلبا
اني: منبيش الشهرة اني نبي الفايدة منبيش الخونة لانه يعرفو الخاين شني مصيره
فارس: حاضر تو انصفيهم اني هادم
اني: 5 شهور هادم قداش واحد من الدفعات
عادل: 1000 شخص بس
اني: مع المجموعة كلها قداش
عادل: 3000 الاف
اني: ساد وهادم هلبا
عادل: زيادة العدد كويسة
فارس: لا مش كويسة نبو عدد اقل احني
عادل: خيرك فارس تخرط نبو عدد اكثر لانه خدمتنا هلبا وماشية
اني: كلام فارس صح
عادل: به تمام
اني: ساعة 11:30
عادل: اهم جو
انفتح الباب وخشو السيارات
عادل: معاهم الدفعات الجديدة راهو
اني: واني قلت الكل
عادل: به
وقفو كلهم قدامي وفارس واقف بحداي
اني: قسمو روحكم مواليد الالفينات بروحهم ومواليد التسعينات بروحهم
قسمو بعض
اني: 2001 بروحهم و2002 بروحهم و2003 بروحهم
قسمو بعضهم كلهم وقعدو 4 ولاد واقفين في النص
اني قرنت حواجبي: انتم مواليد كم
3 ولاد: 2004
اني: وانته
ولد: 2010
اني: شنو مني خدمه معانا هادا
عادل: اني الولد قعد يبكي وقريب يبوس ايديا ورجليا يبي يخدم معانا
اني: اعلاش متجوش اتقولولي
عادل: كنتي مش فاضية الفترة هديكا
اني: تعالى تعالى
جي الولد واني كعمزت علي ركبة ونص قدامه وشديته من كتافه
اني: اعلاش تبي تخدم معاهم
الولد: اني انحب وداد هلبا وشخصيتها تعجب فيا وعندي سبب تاني مستحيل انقوله الا الي وداد
اني: خليك تو بعدين نمشو الي وداد
الولد: به وشد يدي
اني ابتسمت علي جنب
عادل : تاني مرة الغمازات يبانو اليوم
فارس: انته مركز هلبا
اني: مواليد 2004 انتم شني اديرو اهني
3: نخدمو
اني: عادل اقل من 2003 لا الباقي عادي فاهم
عادل: حاضر
اني: مواليد 2001 الكل في المخزن رقم واحد اما 2002 رقم 2 و2003 المخزن الثالث
عادل: والتسعينات
فارس: يبدو من 98
اني:التسعينات كلهم اهني اي و2000 في المخزن الرابع
عادل: والخامس
اني: خلوه فاضي
فارس: اوامر تانية
اني: الي في المخازن منبيش ولا حاجة اتخش ولا تطلع الاكسجين لا الهواء لا الضي لا ولا حاجة الجن الازرق لا وكان طلعت ولا خشت حاجة تعرفو شني يصريلكم
كلهم: حاضر
اني: يلا كل واحد علي خدمته
امشو كلهم
اني: تعالى انته وياه
جو الولاد وكعمزو
اني : شني اسمك انته
الولاد: اماهوا
اني: اووف تفهمو علي الدور 500
اني: الي مواليد 2010
الولد: اويس
اني: اي شنهوا الي بتقوله الي وداد
الولد: قلت بنقوله الي وداد اني مش ليك انتي😒
اني: 😂😂
عادل: ياولاد تتضحك
فارس: غذوة شنو ياولاد
علاء: جمعة
عادل: خلاص غذوة الله يرحمنا
فارس: 😂 كنت بنقولها اني
اني: اي انتم شني اساميكم
الولاد: اسامة ياسين سامر
اني: اعلاش تبو تخدمو مع وداد
اسامة: بالنسبة ليا من الكساد واني نسمع في قصص وبطولات علي وداد ومش مصدق انه فيه بنت هكي قلت نخدم معاها ونشوف بعيوني البطولات
اني: اه واعلاش وداد
اسامة: قتلك لانها بطلة البنت هادي مش طبيعية
اني: ههه وانته
ياسين: فاقد اغلي الناس ليا معنديش ولا حاجة في الدنيا هادي قلت نخدم مع وداد وخلاص
اني: وشنهوا الي فقدته
ياسين: امي
اني: الله يرحمها بس كانت في طريق تانية تقدر تختارها
ياسين : اخترتها لكن هيا مختارتنيش
اني: مفيش حاجة هيا تختارك انته اختار طريقك
ياسين: اني اخترت الطريق هادي عندك مانع انتي؟
اني:ادوي به واعرف روحك مع مني تتكلم
ياسين: به😒
اني: وانته
سامر: نفس اسامة لكن اكثر اني نموت في حاجة اسمها وداد بنت عالمية هادي خير من الف راجل في البلاد هادي
اني: اه نوض روح حوشك انته وياه وياسر من الدوة الفاضية
الولاد: لا
اني: اعلاش
الولاد بعياط : نبو انشوفو وداد
علاء بعياط: الي قدامكم وداد
الولاد: بالحق
اني: اي نوض روح انته وياه
الولاد: لا باللهي اعليك نبو نخدمو معاك
اني: لا انته يااسامة الناس امنين تكسد تقرا قران مش تخش في طريق مش ليها وانته يا ياسين امك الله يرحمها لو امك كانت حية راهو مخلاتكش اتخش طريق زي هادي وانته لو اتحب امك ارجع لحياتك الطبيعية وتقرب من ربي احسن وانته ياسامر خلاص هاك شوفتني نوض روح حوشكم واهو نلقي واحد فيكم في طريق زي هادي ومش ماشي في طريق صح يعرف شني يصريله
الولاد طبسو راسهم: حاضر لكن نبو نعرفو قصة اويس
اني: هي اويس احكي نسمع فيك
اويس: اني عيلتي يضربو فيا ويعذبو فيا قررت نهرب منهم
اني: اكيد امنين بدير الغلط بيضربوك
اويس: من دون سبب كل شي ممنوع اعليا طلعة من الحوش لا نمشي للمدرسة ونروح ويوم نمشي و10 لا لاتلفزيون لاتلفون لاطلعة لا نعرف ناس لانعرف شي
اني: وكيف عرفتني
اويس: خوي يحكي اعليك
اني: والمطلوب مني
اويس: متخلينيش اني نبي انعيش معاك نبي نخدم معاك نخدم اي خدمة المهم منرجعش للحوش هداكا
اني: نوضو بنطلعو مشوار مع بعض
كلهم: به هي
شديت في يد اويس ونضنا ركبنا السيارة
فارس: علي وين
اني: مشوار وجاية
فارس: وداد ساعة 12 كعمزي وريحي روحك
اني: فارس
فارس وخر: به حاضر
طلعت نجري بالسيارة
اني: وين تسكنو انتم
كلهم: ₩₩₩₩₩
اني: احسن حاجة نفس المنطقة
اويس: باللهي اعليك ياوداد
اني: وين حوشكم ياولاد
قعدو يوصفو في مكان حوشهم
درسنا في الشارع الي يسكنو فيه الولاد
اني تلفتت تالي: عندكم تلفونات
كلهم: اي
اني مديت ورقة: هادا رقمي اي حاجة كلموني وزي ماقلتلكم اتخشو طريق مش ليكم تحملو شني بيصريلكم بعدين
اسامة: يعني نقدرو نشبحوك مرة تانية
اني ابتسمت: تعرفو مكاني وين
سامر: عندهم الحق يحكو اعليك وايقولو بطلة
اني: هي انزلو ياولاد
نزلو الولاد وكل واحد امشي لحوشه
اني شبحت الي اويس: وتوا دورك
اويس: وداد
اني: وين حوشك
اويس: مانيش مقايل
اني: وين حوشك
اويس: لا
اني طلعت المسدس سحبته وحطيته قدامي
اويس قعد يوصفلي في مكان حوشه
وصلنا درست السيارة وكان فيه ولد واقف ويدخن
الولد وقف وطقطق علي المرش
اويس خاف
اني: خيرك
اويس: خوي خوي
اني: يضرب فيك هلبا
اويس: اكثر واحد يطفي في الدخان فيا وقام تيشرته
اويس: ها ريتي بطني
اني اخديت المسدس ونزلت
الولد: خيرك درستي سيارتك اهني
اني حطيت المسدس علي السيارة: ريته هادا
الولد: تبيني نقتلك بيه ولا كيف
اني: تعرفه ولا لا
الولد: نعرفه
فتحت الباب وجبدت اويس من يده: وهادا تعرفه ولا لا
الولد ضرب اويس كف: وين كنت يافرخ
اني جبدت منه الدخان وحطيت اويس وراي
الولد: هاتي الي في ايدك
اني طفيت الدخان في يده
الولد عيط طول
اني: ريت هادا نفس الشي الي ادير فيه في اويس
الولد: مني انتي وشني تبي
اني: وداد الي تحكي اعليها
الولد: وداد
اني: اي بالك مش عاجبك
الولد: لالا
اني طلعت تلفون من جيبي : اويس هادا التلفون فيه رقمي ورقم فارس وعادل لو مردتيش اعليك اني كلمهم هما
وشديت اويس من يده واخديت المسدس وخشيت للحوش
ام اويس: هادي مني
خو اويس: هادي وداد
اني: اي وداد واقسم بالله واحد ايجي شور اويس مرة تانية ايشوف شني يصريله وهادا مش تهديد هادا تنبيه والي يبي يبدا يلعب معاي اني واتية للعب
اب اويس: الولد ولدنا وانتي مليكش دخل فيه
اني: امنين تعامله كويس قول ولدي لكن توا معاش اتقولها
ام اويس: وبعدين انتي تعرفيه ربي الي جاية تحلفي وتعيطي اعلينا
اني قربت اعليها: وانتي تعرفيه امنين تتضربي وتعذبي في ولد جايبتيه من بطنك
ام اويس: ولدي وحرة فيه
اني ضربتها كف: معاش اتقولي ولدي
ام اويس:حي ياحقيرة
اني: مش احقر منك
خو اويس: امي خلاص باللهي اعليك
ام اويس: هادا كله ايقولو بطلة وديما مع الحق
اني: والحمدالله واقفة مع الحق اني توا
اب اويس: اطلعي من الحوش خير مانكلم الشرطة
اني: كلمهم وتو انشوفو مني الي يبات في الحبس اليوم
خو اويس: يابوي خيرك هادي وداد راهو
اب اويس: وشني كان وداد خلاص تبدا فوق القانون
اني: هههه يضحك بوك يااويس
اويس: اني زعلان منك معاش تكلميني
اني: اعلاش
اويس: كيف تضربي امي
اني: ريتو الي تضربو فيه وتعذبو فيه شني قال اعليكم
ام اويس: اركب شد دارك وحسابك بعدين انته
اني: اويس برا لم حوايجك ماتخلي شي بكل كله جيبه
اويس شد يدي: يعني بتخليني انعيش معاك
اني: اي نحساب عيلتك عيلة كويسة وتو بكلمتين يفهمو لكن الباين الحمار يقعد طول عمره حمار
اويس فرحان امشي يجري يلم في دبشه
اني كعمزت علي الصالون: كعمزو خيركم واقفين
ام اويس: نوضي اطلعي من حوشي
اني: وكان مطلعتش
اب اويس: انكلمو الشرطة
اني طلعت تلفوني: اي كم رقمها ترا
اب اويس: متخافيش انتي
اني: نخاف من الي خلقني بس
اويس جي وشاد شناطي وراه
اويس: اني واتي
اني: هي حبيبي
اب اويس: وين واخدة ولدنا
اني: معاش تحلمو اتشوفوه
ام اويس: الشرطة تقدر تحبسك توا لانك واخدة ولدنا
اني: خلاص مداما تبو ادخلو فيها الشرطة دخلوهم وتو انشوفو مني الي ينحبس
خديت شناطي اويس وطلعت اني وياه حطيت الشناطي في السيارة وركبت اني وياه وروحنا
وصلنا ونزلنا من السيارة
فارس: ....................
_______________________
طبعا رواية استخدمت فيها اسلوب جديد ان شاءلله يعجبكم الاسلوب واعطوني رايكم فيها
مع السلامة💖
للكاتبة: لولو حبيب❤