رواية المافيا

الحلقة 10

رواية المافيا😈
للكاتبة: لولو حبيب❤ الحلقة:10
___________________________
الصبح🌅
فارس فتح عيونه القي وداد فوقه وتتضحك
فارس: بسم الله تي شني جابك اهني
وداد تضحك
فارس تلفت علي جنب القاني راقدة وشعري علي كتفه
فارس نحا شعري وكعمز قعد يتفرج اعليا وعلي شعري اول مرة ايشوف شعري
فارس: وانتي شني اديري اهني😁
وداد قاعدة تضحك
فارس قعد يدغدغ فيها وهيا تتضحك
اني فتحت عيوني نشبح في فارس يدغدغ في وداد ويضحكو الزوز
اني لبست طرحة الصلاة: صباح الخير
فارس: صباح النور امتي جيتي اهني
اني: ممكن ساعة 3
فارس: جبتي معاك وداد
اني: اي
فارس: اعلاش رقدتي بحداي😏
اني: شني اتلز فينا معاش بنجو نرقدو بحداك وقفت واخديت وداد
فارس: ياريت ديما واني انقول رقدت واني مرتاح
اني: نوض اليوم نبي انبيع البضاعة الي في المخازن كلها
فارس: اعلاش
اني: في اجتماع توا ضروري
فارس: به خليلي دودي يافرختي ❤
اني تلفتت للباب: بعد الاجتماع تعالى خودها
فارس: به يافرختي
اني: هي بسرعة
طلعت وقفت في الممر
اني بعياط: هيااااااااااا نوضوووووو عندنا اجتماع ضروري
كلهم ناضو الا محمد
اني: ووواك منه الفرخ هادا
اويس جي يجري: وداد
اني: هاك اويس شدها شوي ولا انقولك لالا خلاص
اويس باسها وشد في يد علاء
اويس: هيا علاء
اني: علي وين انته وياه اليوم عندنا اجتماع
علاء: بعد الاجتماع يااويس
اويس: به بنمشي ندوش جيبلي حوايجي من حوش دودي
علاء: به
امشي اويس يجري وخش الي دار علاء
علاء جي باس وداد
علاء: بالحق تشبهلك هلبا
اني: اي هلبا
علاء: ربي يحفظكم الزوز
اني: و يحفظك لينا يارب
خشيت الي دار محمد وحطيت وداد علي محمد
اني: محمد هيا نوض
وداد تضحك وتعض في محمد في خده
محمد: اععع هادا شنو الي يتلصق
اني: 😂😂😂 محمد نوض
محمد فتح عيونه وشبح وداد
محمد: يااااااااااامي هادي شني هادي مني
اني: هي نوض وقت علي الخدمة
محمد: اما خدمة
اني: تؤ نوض هيا
محمد شد وداد: مني البنت هادي
اني: اخت اويس
محمد: هادي وداد الي تشبهلك
اني: اي
محمد: سبحان الله يخلق من الشبه اربعين
اني: هيا نوض يامحمد وبسرعة اسمع مش تلبس سروال عسكري ولا امزق البس لبسة محترمة لانك بتمشي الي مكان محترم
محمد: وين عندي ماشي
اني: محمد بسرعة
اخديت وداد وطلعت
امشيت للحوش طلعت حوايج الي اويس واعطتيهم الي علاء وبدلت الي وداد لبستها فستان احمر ودرتلها شعرها نافورات ( تسريحة الصغار شعرهم قصير )
ولبست اني فستان احمر ووشاح اسود ونزلت اني وياها
فارس: وداد
اني تلفتت: نعم
فارس: مش انتي وداد التانية
اني ابديت انوتي في الفطور
فارس: وداد انحبك ديما تعالى ارقدي جنبي
اني تلفتله 🤨
فارس شبحلي: مش عليك علي وداد
اني: فارس اطلع انته وياها برا وهوني هدرزو برا
فارس ضحك وقام وداد وطلعو
علاء خش: شني قصة الخدمة الي قال اعليها محمد
اني: في شركة بتمشي يخدم فيها هوا وعادل
علاء: اعلاش
اني: تو تعرف غير تعالى ساعدني هيا
علاء: به
وابدي يساعد فيا درنا الفطور وطلعنا للولاد برا يفطرو واحني فطرنا في الجنان
اني نوكل في وداد في زبادي( يوغرت)
محمد: خدمة شنو ياوداد
اني: بتبدا تخدم انته وعادل في شركة
عادل: والسبب
اني: لازم يبدا مالكم حلال بش امنين انسيبو الخدمة هادي منقعدوش هكي لاحوش لافلوس اخدمو من توا بالحلال بش امنين نبطلو الخدمة هادي نلقو وين انحطو رأسنا
عادل: صح وانخلوهم بروحهم الفلوس
اني: اي وفي الشهر بتاخدو 1000 لانه الشركة خدمتها كويسة
محمد: مليح بكل
اني: وعلاء بتخدم في شركة تانية
علاء: امتي
اني: مزال ملقيتش شركة
فارس: انتي مفيش خدمة
اني: اعلاش
فارس: جي الوقت الي بنردو فيه حقك يوم دخلتينا للمستشفي بفلوسك
اني: فارس صقر فمك😡
عادل: حمار للنم الولد هادا
محمد: 😂😂
اني: مليون مرة دويت فيه الموضوع اهوا فلوسي فلوسكم انتم خوتي وانته يافارس حبيبي وراجلي
فارس فرح بالكلمة
فارس: معاش اتعيطي اعليا اني الراجل مش انتي😡
اويس: خلاص خيركم
اني: استغفر الله كلامك يعصب فيا معاش اتقول هكي زيني زيكم بنخدم
علاء: شني بتخدمي
اني: مش عارفة نبي نكمل قرايتي ولازم نخدم معاش عرفت شي
علاء: معناها زي ماقال فارس متخدميش انتي
اويس: نبي نخدم
اني شبحتله علي جنب هوا خاف وشد في علاء
اني: انته بتروح الي حوشكم
اويس: بوي بيضربني
اني: مايضربكش
فارس: واني شني بنخدم
اني: انته مفروض تخدم في عيادة لكن في موضوع صايرلك انحلوه قبل
فارس: موضوع شنو
اني: بعد ماتكمل فطور
وداد ابدت تبكي
اني قمتها: خيرك حبيبتي خلاص خلاص اسسس
وداد تبكي وبس
اني وقفت بيها وقعدت انلف ونحاول نسكتها
اويس جي يجري: دودي امنين اختي تبكي امي تعطيها حليب
اني: برا بسرعة اركب جييبلي الشيشة متاعها
اويس: به وركب
اني اقعدت انلف بيها ونحاول نسكتها
الولاد: الحمدالله
علاء: هيا محمد وعادل برو خدمتكم
اني: استنو انتم خوتي ولازم تعرفو بالموضوع ولازم اتحلوه معاي
عادل: شني في
اني: فارس فاتحين فيك محضر
فارس: شنو
اني: اي بنت والحيوان اوس
اويس مدلي الشيشة: عمو مش حيوان
اني: عمي يعميه قالي عمو
فارس: وشني مداير اني
اني: هاكم شدو وداد نمشي انديرلها الشيشة
علاء شدها
فارس: تعالي كملي
اني: اندير الشيشة ونجي
امشيت اندير في الشيشة ومشيت كعمزت
علاء: هاك
اخديت وداد واعطيتها شيشتها
فارس: به كملي
اني: البنت قالت انك مغتصبها واوس شاهد معاها
فارس: شنو وداد انتي مصدقة الكلام هادا
اني: منعرفش
فارس: وداد اني انحبك ومستحيل اندير هكي
اني: شني دخل حبك ليا في النص
فارس: وداد متهبلنيش اني مستحيل اندير هكي وتمت
اني ابديت نبكي: كان ثتبت اعليك التهمة خلاص بتنحبس واني نعرفه الحيوان اوس ايدير المستحيل بش ثتبت اعليك التهمة 😭
فارس: وداد كيف هكي
اني: مش عارفة المهم لازم تمشي للمركز وثتبت براءتك😭
فارس: كيف
اني: منعرفش كيف انته خليك واثق من نفسك وانته تعرف روحك مادرت شي 😭
فارس قرب يمسحلي في دموعي
فارس: به خلاص معاش تبكي خلاص وحضني
اني: خايفة تنحبس يافارس
فارس: متخافيش مستحيل انخليك اني
عادل: هيا محمد نمشو
محمد: كيف انخلو وداد في الحالة هادي
عادل: متخافش اني عاطي الثقة في فارس ووداد لو قعدنا اهني حتزيد حالتها هيا نمشو
محمد: به تمام
عادل: احني هانا ماشيين
علاء: مربوحة ياولاد
اني: اسمعو الشركة اسمها &&&&&& في &&&&&&
عادل: تم
وطلعو
فارس: خلاص اتحسي في روحك كويسة
اني: اي
اويس: هي نمشو علاء
علاء: هي
اني: وين
علاء: عندنا مشوار
اني: تمام رد بالك اعليه ومتعطلوش
علاء: تم
فارس قام السفرة دخلها للكوجينة واني قمت وداد وخشيت
اني: فارس تمشي توا
فارس: لالا لين يجي واحد من الاولاد يقعد معاك
اني: لا بنمشي معاك
فارس: لا
اني: قلت بنمشي معاك ومدتيله وداد وامشيت نغسل في الماعين
فارس: به وداد وين بتخليها
اني: نرفعها معاي
فارس: شنو
اني: شني شنو هادي بنرفعها
فارس: ارفعيها الي امها
اني: لالا
فارس: خليها عند الاولاد اهني
اني: اسمع هادي عمتها وداد وانته تعرف وداد اعدائها هلبا يعني في خطر اعليها بنرفعها معاي وخلاص
فارس: به انحطوها عند الولاد في الشركة ونمشو
اني: لا الولاد بيخدمو ولا بيلهو بيها
فارس: به تمام وناض
اني: فارس
فارس: ها
اني: زعلت
فارس: وداد اني قاعد متحمل اسلوبك الي مش حلو معاي مرات انحس انك اتحبيني ومرات لا اتقول انتي الراجل تعيطي واتكشخي اعليا
اني: فارس انحبك
فارس: الكلام ساهل
اني: وربي انحبك به واسفة اسلوبي تو انغيره اوك
فارس ابتسم: تمام
اني حذفتله بوسة في الهواء فارس ضحك ووداد باساته في خده
اني: 😂😂
فارس: غارت من عمتها
اني: 😂😂
//////////
عند علاء واويس
علاء: شني رايك في المكان
اويس: تي يهبل
علاء: هي ننزلو
اويس: هي
نزلو ونزل علاء البيكا وامشي حط شيشة اميه كبيرة قدام اويس لكن بعيدة ورجع
علاء: شوفت الشيشة هديكا مانبي فيها شي
اويس: كيف نضرب
علاء اخدي البيكا واقعد ايوري فيه
//////////
اني درت سفرة فطور وامشيت فتحت الباب علي احمد ويزن
اني: صباح الخير
الاولاد: صباح النور
اني: هي تفضلو الفطور
احمد: وداد امتي بترخينا
اني: اتفاهمتو ولا مزال
احمد: قتلك مانيش خادم معاك
اني: وقتلك مناخدش في رايك
يزن: وداد اي متفاهمين وامورنا تمام شني تبي من الاخير
اني: مرات اليوم ومرات غذوة نرخيكم وتبدو تخدمو معاي
يزن: تكلم فيك نرجس
اني: لا مودة تكلم فيا
يزن: اساليها علي نرجس
اني: خيرها
يزن: اساليها وبس
اني: تمام
احمد: به نخدم معاك لكن بشرط
اني: تخدم غص بن عنك
احمد: به اسمعي الشرط
اني: شنهوا
احمد: ترجعي لحوشكم
اني: عشم ابليس في الجنة وطلعت
يزن: وووواك
احمد: حاول معاها حتي انته
يزن: ان شاء الله
طلعت لقيت فارس يلعب في وداد
اني: هي فارس برا بدل حوايجك
فارس: بري بدلي انتي قبل
اني: تمام
امشيت لبست سروال جلد اسود وبلوزة طويلة شوي سوداء وجاكيت جلد قصيرة سوداء ووشاح اسود وسبيدرو اسود ونزلت
اني: هي فارس
فارس : هاك وداد
شديت وداد وهوا امشي لبس سروال ابيض وتيشرت ابيض وسبيدرو ابيض
اني: خيرك لابس ابيض
فارس: نبيض ايامي مش زيك لابسة اسود تسودي فيها
اني: هههه دمك خفيف
فارس: صقع اعليك
اني: اركب اركب
فارس: رافعة سلاحك معاك؟
اني: اي اعلاش
فارس: نحيه راك ماشية لمركز شرطة
اني: عادي
فارس: متنسيش روحك انتي مطلوبة عندهم وماشية برجليك
اني: فوته موضوعي واركب هيا
فارس: به
ركب ايسوق واني مكعمزة جنبه وشاده وداد وقفنا في سيمافرو ووداد قعدت تناشب في ولد صغير جنبنا في السيارة
بو الولد بصوت عالي: ربي يصون ربي يحفظهالك مشالله اعليها
فارس: 😂😂 ويحفظلك ولدك
اني: خيرك تتضحك
فارس: يحسابها بنتي وانتي مرتي
اني: يحاسبها بنتك مقالش مرتك
فارس: وشني صاحبتي بتركب معاي ومع بنتي
اني: انقعتني
فارس:😂😂
وصلنا
فارس: هي انزلي
هوا فتح الباب واني شديت يدي
اني: فارس مدرتهاش صح🥺
فارس شد يدي بالقوة: والله مادرتها وحنطلع منها
اني: مش حتنحبس صح
فارس: لا حنقعد معاك
وباس راسي
نزلنا وخشينا للمركز
شرطي: اليوم المركز منور عندنا وداد جاية برجليها
اني: الها في عمرك ياوخيي وخشيت الي مكتب ضرار
اني: السلام عليكم ودرت التحية
ضرار: وعليكم السلام ودار التحية
ضرار: نورتنا يافارس
فارس: النور نورك
ضرار: تفضلو كعمزو
وفتح المحضر وقعدو يتكلمو واني مش معاهم نفكر في مليون حاجة ونحس في روحي مضايقة
/////////
علاء: اويس تعلمت كويس
اويس: خلي انزيد الشيشة هادي
علاء: لالا خلاص
اويس: باللهي
علاء: به وحطله الشيشة وهوا كيف ماشي جيهته
اويس:
//////////
ضرار صفق قدام وجهي : وداد
اني: نعم
ضرار: كملنا
اني: شني صار
ضرار: احم
فارس: ثبتت اعليا التهمة
اني وقفت: شنو
فارس& ضرار: 😂😂😂😂
اني: خزي تخلعو فيا
وطلعت
فارس دار التحية: بارك الله فيك
ضرار: ولو هادا واجبي
طلع فارس وراي وروحنا
اني: فارس خش انته اني نبي نتمشى شوي
فارس: نمشي معاك
اني: لالا بنمشي اني وداد وبس
فارس: تمام
اقعدت نتمشى واني مضايقة فجاة نسمع في صوت رصاص والدم في كل مكان
/////////
علاء: به وحطله الشيشة وهوا كيف ماشي جيهته
اويس ابدي يرمي
علاء بعياط: اووووويس وابدي يجري
واويس فقد السيطرة والبيكا ابدت تتضرب يمين يسار علاء وقف وراء شجرة ويعيط
علاء: اويس اذكر كيف علمتك
اويس: مش قارد انسيطر
علاء ايعيط: شدهااااا كويس
تم الرصاص اويس لوح البيكا وامشي يجري الي علاء
علاء كعمز تحت الشجرة واويس حضنه وابدي يبكي
علاء يمسحله في دموعه: الرجالة ميبكوش
اويس: نحساب روحي قتلتك
علاء: ماصارلي شي
اويس: هي نروحو معاش نبي نتعلم
علاء: هي
اخدو البيكا وركبو وروحو
/////////
اقعدت نتمشى واني مضايقة فجاة نسمع في صوت رصاص والدم في كل مكان
وائل: اختي
اني بعياط: سامحتك ياوائل😭😭
وائل طاح قدامي واني طحت جنبه ونبكي ونعيط😭
اني: يااااااااااخوي نوض اسعاف اتصلو بالاسعاف😭😭
الناس اتصلو بالاسعاف واني حاطه وداد جنبي وقايمه خوي علي رجليا ونعيط
اني: وووووووه اعليا ياوخيي سامحتك غير نوض وووووووه اعليااااا😭😭
فارس جي يجري قام وداد وكعمز جنبي ايشد فيا
اني: وووووووووه ياخوي نوض الي بنتك وولدك ومرتك ياخووووووي ووووووه نوض ياوخيي سامحتك ياوخيي سامحتك😭😭
جت اسعاف رفعوه وركبت معاهم
وصلو طول دخلوه العمليات
اني مكعمزه ونبكي 😭
فارس خش هوا وعلاء واويس ووداد
اويس جي حضني وابدي يبكي😭
اني نبكي: وخيي قدام عيوني طاح وخيي شديته بيدي بعد سنة وخيي شديته بالدم مش بالحضن وخيي بيمشي ويخليني
اويس: بوي بينوض ولا
اني: ان شاء الله
اويس ابدي ايعيط: اعلاش هربت اني مرات بوي مش راضي اعليا اعلاش هربت 😭
علاء ايشد في اويس واويس ايعيط ويبكي😭
وداد تعيط وفارس يسكت فيها واني نبكي
الدكتور طلع
اني وقفت طول
الدكتور: محتاجين قلب ضروري
اني: قلب
الدكتور: الطلقة قريبة هلبا علي القلب ولازم نبو قلب تاني
اني: اني نعطيه قلبي اني
فارس& علاء: لاااااا
اني: نعطيه قلبي توا تاخدوه
الدكتور: متاكدة
اني: اي متاكدة
الدكتور: انزلي لوطة وقوليلهم
اني: تمام
نزلت لوطة وقلتلهم ودارولي التحاليل ونظمو الامور كلها وخشيت الي غرفة العمليات واني في الغرفة اخديت ورقة وبيرو وكتبت وصيتي
^ اسفة علي كل شي درته اسفة يابوي علي كل دمعة نزلت بسببي سامحني يابوي علي كل شي سامحيني ياسجود سامحني يااويس سامحيني ياامي عارفاتك تكرهيني لكن في النهاية امي سامحيني لو انتي مش راضية اعليا مش حنخش الجنة اني عارفة حياتي كلها غلط لكن الله غفور رحيم ياريت يسامحوني الناس كلها بالذات الي ماتو ولادهم بالسلاح الي نبيع فيه وياريت يسامحني يزن علي كل الي درته سامحني يافارس مقدرتش انحقق حلمك وانكون مرتك وام صغارك سامحني ياعادل كنت نبي انديرلك عرس وخطوبة مادارهم حد من قبل سامحني يامحمد كنت خوي الصغير واحلي اخ سامحني ياعلاء الي كنت انشوف فيك في حن بوي وحب بوي ليا سامحوني كلكم وحتي لو اني متت خوتي هما بيكملو المشوار والهدف الي نبيه والهدف بوي وضرار يعرفوه سامحني يابوي مطلعتش دكتورة وقمتلك راسك سامحني ياحلمي لانه مقدرتش انحققك سامحني ياربي علي كل ذنب عشت حياة كلها مغامرات وكلها ضرب وحرب ورعب وخوف ودم ونهايتي كانت بتبرع قلبي الي خوي الحمدالله جت نهايتي هكي انموت اني ويعيش خوي ياوائل ياخوي سامحتك سامحني انته بس سامحيني يابلادي مقدرتش انحقق الهدف .. اوس واحمد مش عارفة شني بنقول اعليكم انتم اكثر اتنين اغطلتو فيا مش عارفة بنقوللكم سامحوني ولا اني سامحتكم مش عارفة شني بنقول حاجة وحدة بنقولها حسبي الله ونعم الوكيل فيكم ويسامحكم ربي
نبي قصتي الناس كلها تعرفها نبيهم يعرفو وداد نبيهم يعرفو البنت الي حياتها كلها ذنوب وياخدو منها العبرة وميدروش زي
هادي لحظة الوداع منبيش حد يبكي اعليا وافرحو بسلامة خوي وائل واني مش مسامحه الي دار هكي وضرب خوي وائل
سلام انحبكم كلكم الا اوس واحمد ... وداد💔^
وضربولي المخدر واني دموعي مطر
الممرض: متبيش اتموتي
اني: لا اني نستاهل الموت اني بنموا واني فرحانة لانه بنعطي قلبي خوي
الممرض: الله غفور رحيم ويارب اتخشي الجنة 😔
اني: امين يارب
واغمي اعليا
__________________
اسفة الحلقة قصيرة بس تعرفو الضي ايجي ساعتين بس وباقي اليوم هارب هادا الي قدرت نكتبه وطبعا توا نقرا منقدرش نكتب هلبا
اعطوني رايكم في الحلقة وشني تتوقعو ايصير نبي تعليقات هلبا وتفاعل هلبا
مع السلامة 💖
للكاتبة: لولو حبيب❤