رواية المافيا

الحلقة 11

رواية المافيا😈
للكاتبة: لولو حبيب❤ الحلقة:11
___________________________
وضربولي المخدر واني دموعي مطر
الممرض: متبيش اتموتي
اني: لا اني نستاهل الموت اني بنموت واني فرحانة لانه بنعطي قلبي خوي
الممرض: الله غفور رحيم ويارب اتخشي الجنة 😔
اني: امين يارب
واغمي اعليا
اني تحت التخدير وشريط حياتي كله يمر قدامي كل شي درته
/////
اوس: اوقفي هكي
اني نبكي: حرام اعليك ياوخيي😭
اوس: تي بنجربه اني بس
وائل: اوس اختك عمرها 5 سنين شنهوا الي بتجربها فيها
اوس: حول هكي شوي
وائل: شني ادير ياولد
اني نبكي ومغمضة عيوني لين سمعت صوت رصاصة طلعت
اني بعياط: باااااااابا والدم ابدي يصب من كتفي
وائل: قتلك متجربش في اختك
اوس حط سلاحه في خصره: عادي ومشي بدون اهتمام
وائل جي اسعفني
////
مكعمزة في الدار نقرا في قران وخش اوس
اوس: ياع🤬🤬🤬 تكلمي في احمد
اني: شني اتقول ياوخيي
اوس: اي اي شني انقول وطاح فيا ضرب وسب وخش وائل وابدي يضرب فيا معاه وخشت امي اتسب فيا زيهم وتضرب معاهم وبوي مهناش وطلعو وخلوني طايحة مااغمى اعليا والدم في كل مكان نضت القيت روحي في العناية وبوي يشبح فيا من المرش وجسمي كله جروح وكسور اقعدت اسبوع في العناية وشهرين في الحوش مش قادرة نتحرك وامي مكعمزة واني الي نضم ونطيب وكان منضمش امي تضربني بعدين امنين سجود عرفت رفعتني لحوشها ووائل معاش خش حوشه بكل لانه اني فيه وهيا تمشي اتضم واطيب
//////
اوس: ياحيوانة انتي نوضي😡
اني فتحت عيوني: هممم خيرك
اوس: نوضي ديرلي عشاء الاولاد جايين عندي
اني شبحت الساعة: عشاء شنو ساعة 3 في اليل
اوس: نوضي هيا اقسم بالله كان مديريش عشاء مليح نقتلك اليوم وساعة 4 نبي العشاء محطوط في المربوعة😡وطلع
اني: وووواك يارزيني فيك يااوس.. شني انقول اني هادا خوي مش حنلقا سند غيره بعد بوي... شني هادا سند تي هوا يكرهني...حتي لو يكرهك في النهاية خوك وانتي اتحبيه نوضي هيا طيبي خير ماتاكلي طريحة اليوم ونضت درت مكرونة صالصة واني ندعي وانقول سمسام وبعدين نذكر انه هوا سندي نقعد انقول استغفر الله لا ياربي احفظهولي
خلاني زي المهبولة نخرط بروحي
//////
اعلاش اني تفكرت الحاجات السيئة بس متع خوي خلي انشوف الحاجات الحلوة الي دارهالي
///
اني نبكي: اوس اوس😭
اوس: خيرك
اني: الولد هاداكا قالي ياحيوانة
اوس امشي يجري اعطي الولد بوكس لين طيحله سنونه
اني انقز: اي خوي بطل بطل اوس بطل
اوس: مرة تانية الي ايقولك حاجة اضربيه
اني: حاضر وامشيت
/////
شني عنده تاني حاجات حلوة حاجة وحدة بس زعما موقف واحد يمسح المواقف السيئة كلها مرات احمد مش حنسامحه لانه طلع اعليا كلام خلاه خوتي هكي هما من قبل يازين مابهاك وزادو بعد ماسمعو الكلام
نسامح اوس ولا منسامحاش مش شوية الي داره فيا يسامحهم ربي
//////
اني اعلاش هربت من حوشنا شني استفدت مرات توا خوي يموت بدل مانهرب مفروض اقعدت وتحملت المهم انكون جنب عيلتي حتي ميبونيش الي يبوني 2ولا 3 المهم نقعد ونعيش معاهم لحظة بالحظة لانه ربي اعطانا عائلات بش انعيشو معاهم مش بش نهربو اني ارتبكت هلبا اخطاء وعرفت اخطائي بعد فوات الأوان يارب سامحني
////////
فتحت عيوني نشبح في اوس راقد في سرير جنبي
اني نحيت الاكسجين : بسم الله متت ولا قاعدة حية اني
الممرض: ربي كتبلك عمر جديد
اني شبحت الي اوس
الممرض غطا وجه اوس : عظم الله اجركم
اني قعدت نشبح الي اوس والممرض بس
كعمزت نحيت التغذية واني دموعي مطر نحيت الغطاء علي اوس قعدت نتفرج علي ملامحه ليا سنة مشبحتاش ويوم الي شبحته تعاركت اني وياه كنت قبل بدرقة^ يعني من غير مايعرف^ امنين يرقد نمشي نشوف في ملامحها منبيش ننساهم وخلاص انهرت ومعاش قدرت نتحمل حضنته ونعيط
اني: يااااااااااااوس نوض ياوخييييي سامحني ياوخييييي نوووووووض نووووووض خلاص مسامحاتك ياوخيي نوووووووض اعلاش ضيعت شبابك ياوخيي اعلاش ووووووووووووووووووووووووه اعليا ياناس سندي مات ظهري اتكسر صح مادرتش فيا خير لكن انحبك وربي انحبك ياخوي نوض حتي لو بتعذبني صبح ليل حتي لو بتقلتني عادي غير نوض وارجع بس نوووووووووض وووووووووووه اعليااااااااااا ووووووووه
الممرض يجبد فيا وغطوه وطلعوه للثلاجة
اني نبكي ونعيط
اني: خلووووه مزال محكيتلهاش مزال مقتلهاش شني صار معاي مزال متأسفتش منه خلوووووه نبي خوي نبي خوي اني حمارة ليا سنة مقلتش نبي خوي توا امنين مات نبيه معاش عارفة نفرح لانه خوي التاني قعد حي ولا نبكي علي خوي الي مات في عز شبابه وووووووووووه اعليااااااااا ووووووووه
الممرض سندني اعليه وطلعنا من حجرة العمليات ركبني فوق واني قالبة المستشفي عياط وبكاء وبس
سجود جت تجري: وداد كيف حية انتي
اني: اوس ماااااااااات اوس
بوي ابدي يبكي وطاح لوطة سجود تندب وتعيط اويس يبكي ويعيط والولاد يبكو واحمد يبكي ويزن يبكي وشلة الشارع يبكو والبنات ايعيطو معاي
اني طحت لوطة ونعيط
امي مكعمزة وتبتسم
اني: ااااااااه ياخوي ااااااااه
امي وقفت: هي سلام اني معاش نعرفكم
اني نضت وقفت ونشبحلها ب شر: شني تقصدي
امي: اني مش امكم خلاص انتي بتتزوجي ووائل بين حياة وموت واوس مات وبوك بيموت اعلاش قاعدة اني اصلا اني من قبل نكرهكم
اني : شني اتقولي انتي
امي: اي لو مش مصدقة اسالي بوك
اني تلفتت الي بوي
بوي هز راسه بي اي وقالي : هدفك يابنتي هدفك وطاح
اني امشيت الي بوي نجري ونعيط
اني: يابوي متخلنيش يابوي وووووووه يادكتور ووووووووووووووووه ياناس
جو الدكاتره قاموه وامشو
اني ابديت انلف زي المهبولة ونعيط ونبكي: وائل وائل وين وائل خوي وين
فارس ايشد فيا: وداد هدي
اني بعياط: نبي وااااااائل
الدكتور جي : وائل قاعد في الملاحظة واموره حاليا تمام كانه غذوة اموره تمام نطلعوه الي غرفة عادية
اني كعمزت لوطة ونبكي صوتي هرب خلاص سجود حضنت بنتها وولدها وتبكي بشهقة وبس صوتها هرب حتي هيا
جي الدكتور الي قام بوي وجهه مخطوف
اني شبحت الي الدكتور
الدكتور: عظم الله اجركم الحاج جاته جلطة
اني عيطت عيطة ممكن ليبيا كلها سمعتني: اااااااااااااااااااااااااااااااااااااااااااااااااااااااااااااه
الاولاد كعمزو جنبي ويهدو فيا
سجود: ووووووووه يابوي ووووووووووه اعليا وووووووووووواك ياناس زوز مع بعض وراجلي بين حياة وموت وووووووووووه وووووووووه
اني اغمي اعليا في اللحظة هديكا تمنيت روحي اني الي متت
خشيت في غيبوبة وشريط حياتي قاعد قدامي
//////
بابا: اعلاش ياوداد
اني: اسفة يابابا اسفة
بابا: اعلاش درتي هكي بس
اني: هوا ضحك اعليا وقالي نخطبك ونحبك منندريش انه بيشوه سمعتي وايقول اعليا كلام هكي ايخلي خوتي يكرهوني اكثر ماهما يكرهوني😭😭
بابا: به واني يابنتي اني
اني طحت لوطة وابديت نبكي: سامحني يابوي سامحني مفيش حد يحبني في العيلة هادي الا انته سامحني يابوي هما خلي يزعلو وايقولو الي يبي يقولو حتي لو بيقتلوني مدخليش فيهم اهم شي انته يابوي يابوي سامحني خليك راضي اعليا ووعد معاش نعاود غلطتي يابوي ووعد
بابا جي قامني وحضني وقعد يبكي معاي: والله حاس بيك يابنتي حاس خلاص سامحتك خلاص اسسسس معاش تبكي
اني حضنته بالقوة: وعد معاش انزل راسك بكل
بابا باس علي راسي
///////////
اني نازلة نجري: بابا بابا روروررورروري
اوس: خيرك امك تزغرطي بري اركبي فوق
اني: بنمشي انشوف بوي
اوس: قلت اركبي الي دارك ياع🤬🤬🤬
اني دفيته وكنت متاكدة انه بناكل طريحة بعدين امشيت نجري الي بوي وحضنته واني نبكي
بابا: بنيتي الحلوة استحشتك
اني: ااااه يابوي ياما صار فيا في بعدك
بابا: تحملي يابنتي وربي مايسنى حد
اني حضنته اكثر
اوس بعياط: وداااااااد😡
اني تلفتله وطاح فيا ضرب ويسب وبوي حضني وهوا ابدي يحصل في الضرب واني نبكي ونعيط
/////////
بابا: وداد بنتي
اني طلعت من الكوجينة: نعم بابا
بابا: شوفي شني جبتلك واعطاني شكلاطة كندر
اني: بابا صحيت وحضنته
بابا: كوليها بسرعة
جت امي اخدتها مني
امي: بري ياع🤬🤬🤬 الشكلاطة ليا اني
اني: بس ماما
امي: بري انتي مفروض لاتاكلي لاتشربي اتموتي بالجوع غير عالخاطر بوك بس مخلينك تاكلي
بابا جي باسني علي راسي واني دموعي في عيوني وامشيت اني وياه للكوجينة
//////////
كان هوا السند ليا في العيلة المجنونة الي اني فيها الله يرحمه 💔
//////////
فتحت عيوني القيت الولاد كلهم مكعمزين ووائل راقد في سرير جنبي وسجود مكعمزه واويس راقد جنبي
اني: وائل
وائل شبحلي وابتسم
اني: ياخوي سامحتك
وائل: انحبك يااختي واسف
اني: معاش اتقول اسف ياخوي
وائل: وين اوس وبوي وامي ومني تبرعلي بقلبه واعلاش انتي اهني
اني شبحت الي سجود والكل هزو راسهم بي لا
اني نبكي: كنت اني بنتبرع بقلبي ليك😭
وائل: شنو
اني: اي
وائل: به شني صار
اني: منعرفش مني تبرعلك
وائل: به وين امي وبوي خيرهم مجوش
اني: جو وروحو
اويس ناض وهوا يبكي
اويس: جدي اوس جدي اوس😭
اني: اسسس حبيبي اني معاك خلاص😭
وائل: في حاجة داسينها اعليا ولا
سجود: اي وانهارت بكاء😭😭
وائل: شني فيه
اني: وائل هما 3 صدمات وانته الله اعلم حالك به ولا لا بعد مانطمنو اعليك تو انقولك
وائل: قولي توا
اني: امك مش امنا بالحق
وائل: كيف
اني: قالت اني مرت بوكم وسالت بوي قال اي
وائل قعد مصدوم ويشبحلي بس
اني: نكمل ولا نسكت
وائل هز راسه اي
اني: بابا مات وهيا سبب موته واني حناخد حق بوي ثالث ومثلث😭
وائل ابدي يبكي
اني: نكمل
وائل هز راسه
اني: احمد ربي انك عايش بقلب خوك
وائل ابدي يبكي هلبا واني نبكي معاه
وائل عيط: اووووووووووووس بووووووووووي
اني نبكي وبس
قعدنا نبكو لين وائل رقد
اني: امتي بيدفنوهم😭
محمد: غذوة
اني اتكيت وقعدت نبكي ونشبح الي وائل لين رقدت
تاني يوم🌅
فتحت عيوني لقيت فارس راقد جنبي
اني بصوتي الهارب: فارس
فارس فتح عيونه: صباح الخير وباسني علي راسي
اني: ماتو صح
فارس: اي الله يرحمهم ومن اليوم اني بوك وامك واختك وخوك
محمد: واحني شني قعدلنا
فارس: شني ليك دخل في الموضوع انته
محمد: والله مش حتي اني خوها
اني نضت كعمزت : خلاص انته وياه محمد وعادل برو للخدمة متاعكم
عادل: شنو
اني: شني شنو
عادل: اما خدمة
اني: سمعتو بوي شني قال قبل مايموت قال هدفك معناها نوضو اخدمو بش اني انحقق هدفي
عادل: بس
علاء: سمعتها شني قالت نوضو هيا
ناضو طلعو وفارس طلع
اني شبحت الي علاء واشرتله تعالى
علاء جاني اني حضنته: تقعد بوي زي قبل ولا
علاء: حنقعد بوك ونخاف اعليك زي بوك وانحبك زي بوك ونحطك في عيوني زي بوك ونحافظ اعليك زي بوك ونحميك زي بوك
اني ابديت نبكي
علاء: خلاص ياسر من البكي وشدي حيلك وتوا لازم تروحي الي حوشكم
اني هزيت براسي لا
علاء: لا مفيش لا لازم تروحي
اني قعدت نبكي وبس
علاء وقفني لبسني عبايتي وساويت وشاحي ولبست كندرتي وطلعت واني مستندة علي علاء
وائل طالع ومستند علي سجود وفارس شاد اويس ووداد
اني شبحت الي وائل ودموعي زي المطر
وائل: اني معاك يااختي ومعاش نبيك تبكي بكل وردي بالك اتعيطي ولا تندبي حرام اعليك تعذبي فيهم
اني هزيت راسي : به
روحنا وصلنا غادي
شلة الشارع كلهم: عظم الله اجركم
اني هزيت راسي وخشيت خشيت للحوش الي كبرت فيه الي هربت منه الي ليا سنة محطيتيش فيه رجلي خشيت وركبت فتحت داري القيتها دار خزين ومكتوب علي الباب دار الع🤬🤬🤬🤬
اني: الله ايسامحك يااوس ياخوي
وائل: وداد
اني تلفله وصقرت الدار
وائل: شني بنقولو للناس؟
اني بصوت هارب: انقولو الحق
سجود: كيف شنو بنقولو ياحشمتنا
اني: مفيش ياحشمتنا اني كنت هاربة من الحوش وائل انضرب برصاصة عالخاطري ويبي قلب ضروري اوس وتبرع بقلبه لانه هوا الي ضربه برصاصة والي كانت عايشة معانا مرت بونا وبوي مات جاته جلطة ماتحملش موت ولده كانه يحساب صغاره كلهم بيموتو وتمت
وائل: كيف هوا الي ضربني برصاصة
اني: اي كان يبي يقتلني امشي جت فيك
وائل: تكذبي صح
اني ابديت نبكي: ياريت نكذب😭 قاعدة مش مصدقة انه خوي كان يبي يقتلني وجت الضربة في خوي الكبير وهوا تبرعله بقلبه
وائل ابدي يبكي: كيف هكي كيف خوي بيقتل اختي ياناس خوتي هبلو ياناس نار راكبه فيا قلب خوي عندي قلب خوي ياناس😭😭
اني شبحت الي سجود ونزلت لوطة
سجود: وائل قلبك رد بالك خلاص قدر الله مشاء فعل
وائل شبح الي سجود وهوا يبكي حضنها وابدي بيكي هلبا
وائل: اول مرة انكون ضعيف هكي 3 صدمات مع بعض هلبا اعليا
سجود: خليك قوي شوف وداد كيف
وائل: وداد تبان قوية بس لكن هيا ضعيفة هلبا
اويس: بابا جابو جدي وعمي
وائل نزل يجري
الناس لوطة تبكي وناس متشمتين وناس مصدومين كيف اني اهني وناس قلبهم واجعهم اعلينا وناس فرحانة
اني مكعمزة لوطة وتابوت بوي واوس جنبي وانعيط ونبكي😭😭
اني: وين خليتوني وين امشيتو وين يابوي خشيت لحوشك وانته ميت خشيت لحوشك ومفيش مني استقبلني خشيت لحوشنا بعد سنة ومافيه الا وائل ااااااه ياناس نار راكبة فيا نااار ااااااه ياناااااااس
وائل كعمز جنبي وحضني
واني نعيط
اني: يابووووووووووووووي ياااااااااااااااااوس
وائل: خلاص اس يااختي
اني: اااااه نار صحه ليك انته عشت معاهم اني سنة بعيدة اعليهم ويوم نرجع ايموتو اعلااااااش يااوس مفروض خليتني متت طول عمري نتمني انموت الاولي بش مانحسش بالنار اعلااااااااش يااااوس
وائل يبكي : باللهي اعليك خلاص باللهي اعليك معاش تبكي ولا تعيكي باللهي اعليك
اني نخبط علي الارض: ااااااااه ياربي اااااه ياربي صبرني
وائل: ودعيهم ياوداد
اني بست اوس علي خده وراسه
اني: ربي يسامحك ياخوي وربي انحبك حتي امنين كنت معاكم وتتضرب فيا انحبك حتي يوم ضربتني برصاصة والله انحبك 😭
وامشيت الي بوي ووائل امشي يودع في اوس ويبكي هلبا
وائل: قلبك هادا حنحافض اعليه غير قولي كيف بنقول الي حبيبتك بس سجود تبكي وبس
اني : يابوي وعد حنحقق هدفي وهدفك ووعد مش حنسيب الخدمة هادي لين انحقق الهدف الي خشيت عالخاطره وعد يابوي نبدا دكتورة كان ربي اعطاني عمر
وعد يابوي حننتقم من مرتك وعد مش حنخليها ترتاح يوم في حياتها هيا سبب موتك واني حنكون سبب موتها مش حنقبل اعزاك لين ناخد حقك يابوي وعد يابوي حننتقم وحنحقق هدفك وهدفي وحنبدا دكتورة وعد يابوي وبسته علي راسه وخده 😭
وائل ودع بوي هوا وسجود وجو قاموهم الرجالة
اهني معاش قدرت انسيطر علي روحي وطلعت نجري وراهم ومودة وياسمين ونرجس ايشدو فيا
اني: ووووووه ياوخيي بدل ماتطلع من الحوش عريس طلعت في تابوت وووووووه يابوي وين امشيت مقتليش من امي اعلاش يابوي كذبت اعلينا يابووووووووي اوووووس متخلونيش ارفعوني معاكم
فارس: وداد اهدي وداد
اني: ووووووووه اعليا خلوهم ياناس امعايا خلوهم ولا ارفعوني معاهم
فارس: ياعلاء تعالى
علاء: خليها اتعيط
فارس ابدي يبكي: مش قادر انشوفها هكي وجعني بوها هلبا
علاء: خليك قوي وقويها هيا
اني: باباااااااااااااااااا اوووووووووووس
واغمي اعليا
مودة: حي اعليا ياوخيتي نوضي بسرعة جيبي اميه ولاصنة( رائحة)
امشت نرجس تجري
نرجس: هاك هاك
مودة اتبخ في الصنة
اني فتحت عيوني
مودة: الحمدالله
اني شديت في يدها بالقوة وبصوت واطي: نبيهم نبي سندي معاي
مودة حضنتني وتبكي: ياوخيتي قضاء وقدر هادا الي كتبه ربي
بعد مادفنوهم جي وائل كعمز برا وطلعت اني وسجود
اني طلعت من جيبي ورقة اعطيتها الي وائل وكعمزا جنبه
وائل فتحها
اوس: عارف اكيد تقرو في الورقة واني ميت اني منبيش حد ايعيط ولا يبكي اعليا يكفي الذنوب الي بنتحاسب اعليها منبيش اتعذبوني اكثر اختي بالله سامحيني يااختي اني صدقت احمد لانه هوا يعطي فيا في الحشيش هادا اعلاش صدقته لو اني قتله تكذب ولزيته من الحوش راهو معاش جابلي حشيش ياوخيتي سامحني راني نادم هلبا وان شاء الله بوي يسامحني عارف روحي مكاني في النار سوا سامحتوني ولا لا لانه عاصي الوالدين وكل حاجة غلط درتها مدرتش خير بكل ربي يغفرلي وخلاص واني تبرعت بي قلبي الي وائل لانه اني الي ضربته برصاصة كنت نبي نقتل وداد لكن هوا جي قدامي وجت فيه الرصاصة وامنين سمعت بانه وداد بتبرعلك وعرفت انه عندها هدف وعرفت انه بوي حيموت وراها طول اتبرعت اني لانه اني السبب واني في اللحظة هديكا ندمت علي كل شي سامحوني سامحوني وبنقوولكم السبب في هادا كله والسبب في الكره هادا كله امي ديما اتقولي بوك ايحب وداد اكثر منك انته ووائل اتقولي بوك مداير الفرق بيناتكم اتعبيلنا في راسنا علي وداد وبوي سامحوني باللهي اعليكم وادعولي بس اني محتاج الدعاء
سلام..... اوس
اني شبحت الي وائل
وائل: الله يرحمك ياوخيي الله يرحمك😭
اني نضت وقفت
وائل: وين بتمشي
اني لبست شبشبي وطلعت جيهة الرجالة
وائل: وين ماشية هادي
سجود: خليها براحتها اكيد بتمشي للبحر
وائل: يارب صبرنا
اني شرينت الي فارس وصقرت
جي فارس القاني واقفة في الباب
فارس: خيرك وداد فيك حاجة
اني اشرت علي السيارة ومديت يدي
فارس: تبي مفتاح السيارة
اني هزيت راسي بي اي
فارس:خيرك اتكلمي
اني حطيت يدي في جيبه اخديت المفتاح وامشيت للسيارة
علاء: خيرها
فارس: معاش تبي تتكلم
علاء: شنو معاش تبي تتكلم
فارس: مش عارف
علاء: تخايل معاش تتكلم بكل كيف بتحقق هدفها
فارس: تفاءل خير الزح وامشي
اني ركبت السيارة وامشيت الي ضرار
خشيت وكعمزت
ضرار: عظم الله اجركم
اني اخديت روقة وبيرو وكتبلته: شكر الله سعيك.. نبيك في موضوع
ضرار: خيرك متتكلميش
اني كتبتله: مش قادرة نتكلم
ضرار: كيف
اني كتبتله: عيطت عيطة امبكري في الجنازة من بعدها معاش قدرت نتكلم
ضرار: تمشي اتعايني
اني كتبتله: تي فوت ام المعاينة توا والهى معاي بس
ضرار: شني فيه
اني: المهمة كيف بنقدر انديرها واني منقدرش نتكلم كيف بنعطي الخطط كيف بنشرحلهم ترا قولي كيف
ضرار: اكتبي علي الورقة زي توا
اني: تتسهوك انته
ضرار: توا فوتيه موضوع المهمة لين انتي اتحسي روحك كويسة وايتم العزي بعدين تو انفكرو فيه
اني: لا بوي قبل مايموت قالي هدفك يعني لازم انحقق هدف بوي وهدفي بش هوا يرتاح في قبره واني نرتاح في الدنيا
ضرار: الهدف صعب اني عارف مايصعب اعليك شي لكن الموضوع يبي سنوات وكل مايتمو يرجعو وحدين تانين
اني: وكان نقعد عمري كله نجري علي الهدف هادا نحققه انحققه وخلي يطلعو جدد انديرلهم نفس القدم ونحقق هدفي
ضرار: يعجبني الاصرار متاعك واني معاك ياوداد لكن ارتاحي هكي لمدة شهرين
اني: ضرار معاش نبي انعاود كلامي
ضرار: به توا في الشهرين هادم نلقو حل بش ترجعي تتكلمي وبعدين انكملو المهمة
اني هزيت راسي بي به ونضت درتله باي وطلعت ركبت السيارة وروحت
خشيت للحوش
اني: .................
_______________________
اسفة الحلقة كلها حزينة
قولولي شني تتوقعو حيصير وداد شني بدير شنهوا الهدف متاعها وشني حيصير فيهم كلهم اكتبولي في التعليقات
وتفاعلو بش انزل بسرعة لانه التفاعل ضعيف هلبا صوتوا علي الحلقة وعلقو واعطوني رايكم
مع السلامة 💖
للكاتبة: لولو حبيب❤