رواية المافيا

الحلقة 14

رواية المافيا😈
للكاتبة: لولو حبيب❤ الحلقة:14 قبل الاخيرة
___________________________
بدلت حوايجي وتوضيت وصليت وخشيت جنب وداد ورقدت
الصبح🌅
فارس يطقطق علي الباب
اني نضت القيت وداد مهناش نضت نجري اندور اعليها لقيتها واقفة علي الصالون وتشبح من الروشن وتخبط علي المرش وفارس واقف برا ويهدرز اعليها ويضحك
اني حطيت يدي علي قلبي وامشيت شديتها حضنتها
اني: كيف نزلتي من الدروج
وداد تتضحك وابدت تبوس فيا
اني بستها ووقفت لقيت فارس متكي علي المرش ويشبحلي
اني درتله بيدي باي
فارس بعتلي بوسه في الهواء
اني: والله ماتتحشم به وامشيت ركبت فوق توضيت وصليت وبدلت حوايجي
لبست سروال اسود جلد وبلوزة بيضاء وجاكيت جلد ٠سوداء ووشاح اسود وسبيدرو ابيض
ولبست وداد سروال اسود وتيشرت ابيض وسبيدرو ابيض وشعرها خليته مفتوح وقمتها ونزلت لوطة فتحت الباب وطلعت محلاه الجو هلبا محلاها الدنيا
فارس: صباح الخير فرختي وباسني علي راسي
اني: صباح الورد ياصايع
فارس: مع حبي بس
اني: تحشم وهيا عندنا مهمة ويوم طويل زي امس
فارس دار التحية: امرك سيدتي
اني: هههههه
علاء حي يجري: صباح الخير وداد طلع التحليل
اني: ارفعه الي وائل اني مصدقه انها امي
علاء: لا مش امك هادي جاسوسة
اني شبحتله بصدمة
علاء: نبصر نبصر امك امك 😂😂
اني اعطيته بوكس علي كتفه: خزي اعليك خلعتني
علاء: بنمشي الي وائل اني بتمشي انتي
اني: هاك ارفع وداد
علاء: مش ماشية انتي؟
اني اقعدت نفكر شوي : استني اي بنمشي
فارس: به احني جعانين
اني شبحت الشباب يديرو في فطور
اني: برا افطر معاهم
فارس: واك تعودنا علي فطورك النم
علاء: قول تعودت علي الدلع وامشي ركب السيارة
فارس: به به تو انرويك يافرخ انته
اني : عيب اكبر منك
فارس: وانتي اصغر مني
اني: بارد وخشيت اخديت تلفوني وسلاحي وطلعت ركبت مع علاء وامشيت اني وياه ووداد
فارس ومحمد وعادل امشو كعمزو مع الشباب فطرو وامشو محمد وعادل للخدمة وفارس ابدي ينظم في الشباب ويوتو في روحهم بش نطلعو
وصلنا للحوش نزلنا
اني طقطقت
اويس: جيت هي
فتح اويس وحضني: دودي
اني: صباح الخير اويس
اويس: صباح الورد
اني خشيت لقيت امي ووائل مكعمزين يفطرو في الجنان
اني : صباح الخير وائل وكعمزت ابديت نفطر
امي: واني
اني شبحت الي علاء: من امته انقول في صباح الخير الي الجاسوسات اني
وائل وقف: عرفتك مش امي
اني شبحتله: كأنك صبرت راك حجيت
وائل: شني قصدك
علاء مدله الاوراقي
وائل امشي باس راسها ويدها: سامحيني ياامي
امي: مسامحتك ياولدي وحضناته
اني ناكل : فكونا من الدراما
وائل: صقري فمك انتي
اني شبحت الي علاء: خيرك واقف اتقول عمود ضي
علاء: شني تبيني اندير مثلا
اني: كعمز افطر
علاء: صحتين
اني: والله لما تكعمز تفطر
وكعمزنا فطرنا كلنا
وبعدين نضنا
اني: سامحيني سجو بتغسلي الماعين بروحك
سجود: عادي مدوريش
اني: هي علاء
اويس: نبي نمشي معاكم
اني: كعمز وريح روحك
امشيت بست يد امي
اني: ادعيلنا يانبع الحنان
امي: ربي ينصركم علي من يعاديكم ومربوحة يابنتي وردو بالكم علي روحكم
اني: ربي يحفظك لينا ودرتلهم باي وطلعت اني وعلاء
امشينا للمقر القتيهم كلهم واتيين
اني وقفت في النص: اليوم دور تجار السلام ومنبيش اي غلط ياشباب ونبي قناصين اهم حاجة ومنبيش ولا شخص متصاوب ولالا شخص ميت نبيكم زي توا كلكم قدامي موجودين واليوم مش كلكم بتمشو معاي بنمشو مجموعات حتصير هجمات علي الكل في وقت واحد ونبيهم ايتمو في وقت واحد نبدو مع بعض ونتمو مع بعض منبيش ولا غلطة وباذن الله منصورين وربي يحفظكم يااحلي جيش في الدنيا
فارس: كلام حلو علي الصبح الجيش واني لا
اني شبحتله علي جنب: مفهموم
كلهم دارو التحية: امرك سيدتي
امنين ايديرو التحية هادا احلي منظر في الدنيا عندي محلاهم كيف متحدين مع بعض وخبطة الرجل متاعهم اتقول زلازل خبطة رجل واحد ^ ياريته ليبيا متحدة زي الخبطة هادي^
اني: المجموعة واحد بتمشي مع فارس
فارس: هي ياولاد وركبو السيارة وطلعو
اني: المجموعة التانية مع علاء
امشو ركبو السيارات و طلعو وراء فارس
اني: المجموعة الثالثة مع احمد
احمد: لا اني معاك
اني: احمد فهمتكم الخطة امس
احمد: ووواك به
ركبو السيارات و طلعو
اني: والمجموعة الرابعة مع يزن
امشو ركبو
اني: والباقي معاي
اسامة: احم احم
اني: خيرك انته
اسامة: حتي احني معاهم
اني: بالك متبوش
سامر ابدي ينقز ويعيط
سامر: احسن حاجة خشيي
ركبنا السيارات وطلعنا كل واحد فينا اتجه الي تاجر سلاح
اني وصلت وقفت بعيدة شوي علي المقر واخديت المنظار
اني: القناصين
القناصين كلهم وقفو قدامي
اني ابديت نوري فيهم في امكانهم
اني درست سيارتي بالعرض: انته بتركب علي السيارة وبتضرب من اهني
ياسين: اعلاش ماتبعتيش صاروخ من اهني وتريحي راسك
اني: لو بعتت صاروخ وغادي في ذخيرة حيصير انفجار كبير ومرات فيه حتي ناس وتبدا حياتهم في خطر
ياسين: كلامك صح
اني: وبالك غلط🤨
ياسين: هي اوامر تانية
سامر: هيا النم اني متحمس
اني: الصبر كويس انته وياه
اني حطيت يدي في وذني: شني ياولاد
فارس& علاء& احمد& يزن: واتيين
اني: توكلو علي ربي
الولاد: الله اكبر ياشباب
خليت القناصين في امكانهم وركبنا سياراتنا وامشينا للمقر درسنا السيارات المصفحة ووقفنا وراهم وابدينا نرمو اعليهم
هجمنا في نفس الوقت كلنا
سامر: وداد
اني تلفتت
سامر: ذخيرة بيكا
اني نحيت البيكا متاعتي وحذفتهاله
سامر: منورة احمولي ظهري
احني: تم
طلع وقف قدامها وابدي فيهم بالبيكا
اني: والله راجل هادا
ياسين وقف بحدا سامر: نمشي معاك للموت ياصاحبي
اسامة يجري: بتمشو وتخلوني معقولة
وقفو ال3 ويرمو بي بيكا
اني طلعت تلفوني وصورتهم فيديو
المدخل متع المقر ابدي فاضي ونقدرو انخشو
خشينا ومفيش حد وفجأة نشبحو في ولاد ايطيحو من فوق المقر
سامر: القناصين دارو فايدة
اني: اي هما الاهم توا
حطيت يدي في وذني: شني مني
القناص: توكلو علي ربي
اني: تي منور هلبا
خشينا المقر القينا الرئيس شاد زوز قنابل في يده
الرئيس: نموت ولا تقتلني بنت
اسامة: البنت هادي ارجل منك ياخواف
الرئيس: واضح كانه ارجل مني راهو جت بروحه
اني: به اتخليها عركة بين ولد وبنت بس
الرئيس: بتتضحكي اعليا
اني نحيت سلاحي: اني ديما عند كلمتي
الرئيس ابتسم وحط القنابل
اني اشرت بيدي كلهم فهمو اعليا ووخرو التالي
الرئيس قرب اعطيته تيرو برجلي
الرئيس حط يده علي بطنه وبعدين جي بيعطيني بوكس اني طبست لوطة واعطيته بوكس في بطنه
الرئيس طاح لوطة طول
اني ساويت وشاحي وتلفتت بنطلع
اسامة: قتلك ارجل منك بضربتين جاباتك طايح طول😂😂
اني حطيت يدي في وذني: شني ياولاد
الولاد: تم
اني: تي والله الا منورين جاكم ضرار ولا مزال
فارس: كلمته واهو جاي
اني: ميه ميه
قامو الرئيس وطلعنا قعدنا مكعمزين برا لين جي ضرار وجماعته رفعو الرئيس وصقرو المكان كويس
ضرار دار التحية: غذوة نهاية تجار الاعضاء صح
اني درت التحية: وبعدها تجار البشر والي يخلو في الناس تحرق
ضرار: تمام وطلعو
احني ركبنا سياراتنا وطلعنا وصلنا للمقر
محمد راقيتله ويضرب بالسلاح فوق
عادل يشبحلي ويحرك في رجله بعصبيه
اني: خيرهم هادم
اسامة: علمي علمك كنت معاك اني
اني: به نعرف ولا لازم من التفاهة
سامر: تافه للنم
اني: تي شني انته وياه قاعدين اهني
ياسين: وين بنمشو ان شاء الله🙂🙂
اني: بارد للنم
امشيت الي محمد وجبدت السلاح
اني: مش للصغار هادا
محمد: حتي انتي صغيرة🙂
اني: من دون استفزاز خيرك شني جايك تتضرب في الهواء
محمد عيط في وجهي: كيف تمشي وتخلينا
اني ماشية لحوشي ونتكلم: انته لازم تخدم وانته تعرف اعلاش
محمد: به كيف اعلاش احني مش من الفريق ولا كيف
اني: انتم خوتي ولازم تخدمو وتمت يامحمد
عادل بعياط: متمتش مفروض نمشو حتي احني
اني بعياط: صقر فمك انته وياه من يوم يومنا الي نقوله يتنفذ شني الي تغير توا
عادل: الي تغير انك تتطلعي في مهمات من غيرنا الي تغير انك معاش معبريتينه بكل ديما تبينا في الخدمة وبس
اني: لو مش عاجبتكم الخدمة عادي انغيرو
محمد: وداد احني نبو رجلنا علي رجلك زي قبل
اني: ياخوتي لو انتم متخدموش بعد مانسيبو الخدمة الحرفة هادي وين بنكسنو وامنين بنصرفو ولا بنقعدو نشحتو من الناس
محمد: كل واحد يرجع حوشه بعد مانسيبو الخدمة هادي
اني بعياط: وين بترجع وين لهدرجة تبي تتخلى اعلينا بسرعة محمد كانه تبي تتخلى اعلينا وتنسانا من توا هوني الباب وتفضل
محمد شبحلي بعصبية وركب السيارة وطلع بيها بعد ماحرق العجلات
عادل: معاش عرفت مني الصح ومني الغلط
اني: بالك تبي ترجع حتي انته
عادل: اني مستحيل نرجع الي ناس باعوني وتخلو اعليا من اول غلطة
اني ابتسمت: يعني بتقعد معاي
عادل: مستيحل نقعد مع ناس مش معبرتني وتبيني يزي الحمار نخدم ليل نهار بش هيا تعيش علي حسابي
اني اقعدت مصدومة من الكلام
وركب السيارة وطلع
اني طلعت سلاحي وابديت نرمي فوق ونبكي خلاص كله جي مع بعضه مفيش حتي فرصة ناخد فيها نفس شوية
خشو فارس وعلاء ويزن واحمد
علاء: خيره عادل طالع راقيتله حتي درتله كلاكس مردش اعليا
فارس: خيرك تتضربي في الهواء وتبكي تي شني صار فهمونا
اسامة: محمد وعادل معاش يبو يخدمو معانا وسيبونا
علاء بصدمه: كيف
ياسين: زي ماسمعت
فارس: فهمونا كيف
اسامة حكالهم
علاء: كيف تهوني اعليهم هكي
اني: الله غالب هادا شني قاللهم دماغهم
وخشيت حوشي نحيت حوايجي واتكيت علي السرير واني نبكي اقعدت نبكي هلبا لين رقدت
//////////
علاء امشي للبحر وكعمز يفكر
////////
فارس شرين الي محمد
محمد: تفضل مني معاي
فارس: شني مني معاك بعقلك انته ولا من غير عقل
محمد: من غير عقل واني خلاص بنمسحكم من حياتي معاش تتصل بيا
فارس: جنيت رسمي والله جنيت الله
محمد صقر اعليه
فارس: لالا هادم مسحورين
اسامة: حتي انته مسحور زيهم تتكلم بروحك
فارس: نوض والله ماوقتك
اسامة: معنديش وقت اني
فارس حذفه برشادة: نوض اقلب وجهك من جنبي نوض وجه الفقر اهوا
ناض اسامة وهوا يضحك امشي كعمز جنب الولاد وقعدو يشربو في شاهي وياكلو في كعك ويقرمو في خلق ربي^ اتقول عزايز ههههه^
اني نضت مع اذان الظهر توضيت وصليت ونزلت لوطة درت مكرونة علي السريع وصبيتها في سفر
اني طلعت برا
اني بعياط: اسامة ياسين سامر يزن احمد فارس علاء محمد عادل
بعدين اذكرت انه محمد وعادل طلعو من الحوش ومعاش يبو يرجعو نزلت دمعتي ومسحتها لما شبحت الولاد جايين جيهتي💔
فارس: خيرك وداد
اني: تعالو ارفعو السفر للولاد بش يتغذو
فارس: هي ياولاد
وابدو يطلعو في السفر
اني مديت اخر سفرة الي يزن
اني: وانتم تعالو اتغذو معاي
يزن: تم
وامشي وصل وجو كلهم القوني حاطه الفرشة في الجنان والسفرة والكواشيك وحاطلتهم جبنة
فارس: ياحليلي قلبي الصغير لايتحمل☺️☺️
اني: اسمع دير الجبنة جيهتك اني منحبهاش
اسامة: ياسلام حطلي يافرس حط
فارس: شنو
اسامة: قتلك حطلي
فارس: الي بعدها
اسامة: اه يافرس
فارس: يرفسك ان شاء الله اسمي ف ا ر س فارس فهمت
اسامة: لسا ياافندي عازوك تفهمني مرة تانية
فارس: اقسم بالله نرفسك يافرخ
اسامة: اه يعني معترف انك فرس 😂😂
اني: خلاص انته وياه
فارس: طارت النية الهم الاحرف
اني: فارس كول مدايرتها عالخاطرك عارفاتك اتحبها
علاء: يعني انوضو انروحو احني
فارس: ☺️☺️😘
اني: لالا كلكم خوتي وكلكم درتها عالخاطرك
فارس: امتي بنتجوزو
علاء: مش وقته توا
اني: مزال 7سنين تانيات
فارس بعياط: شنو
اني: خيرك
فارس: شني 7 سنين هادي
علاء: غير ديرو خطوبة قبل
فارس: بعد مانكملو غذوة بنديرو خطوبة وبعدها توتي روحك عندك 3 شهور بس ونتجوزو قاتلي7 سنين بتجيبلي الجلطة
احمد بصوت واطي: ياريت تنجلط واتموت واني ناخد وداد
اني: احم احمد
احمد: نعم
اني: تقدر ترجع لحوشكم لانه مهمتك تمت حتي انته يايزن
احمد همسلي بصوت واطي: عارف اعلاش قلتي هكي عارف مهمتمنا مزال متمتش لكن انتي تحسابيني قاعد زي قبل اني تغيرت
علاء& فارس: 🤨🤨🤨
اني نشبح الي فارس وعلاء وناكل: الثعلب طول عمره يقعد مكار
احمد ابتسم: لكن في اوقات يتصلح ويتوب
اني: ههه في القصص بس
يزن: خلاص انته وياها شني بتقعدو تحكو غير علي الثعلب
اني شبحتله بجنب: تبي نحكو علي العصافير عادي
يزن توتر : لالا الثعلب احسن
كلهم: 😂😂 شني قصة العصافير هادي
اني: هيا كولو بسرعة
طقطق الباب
حارس:سيدتي الصحافة برا
اني: ووواك وزعهم
حارس: حاضر اوامر تانية
اني: لا المهم منبيش ايخشولي بكل
الحارس دار التحية وامشي شرين تلفوني
اني: ايوا
مودة: اهلين دودي
اني: شنجو مودي شني امورك
مودة: ماشية شني امورك انتي
اني: الحمدالله
مودة: اممم اتصلت نبي انخبرك اول وحدة
اني: ان شاء الله خير
مودة: اني حامل
اني وقفت: روروروروري الف مبروك
مودة: الله يبارك فيك
اني: مودي وين علي مغيب
مودة: اهو عندي
اني: اعطيهولي ترا
مودة: هاك علي
علي: ايوا دودي
اني: شنجو اعليوا
فارس: 🤨
علي: تمام شنجوك انتي
اني: ماشية اسمع
علي: نعم
اني: نبيك تنظملي أمور الخطوبة متاعي كلها وبعدين نتحاسبو علي الفلوس
علي: امتي خطبتك
اني: بعد يومين
علي: تم اعتبري كل شي تم
اني: ميه ميه منور ياغالي
علي: بوجودك يا غالية
اني: هي سلام
علي: سلام وصقرت
علاء: خيرك اتزغرطي
اني: يزن مودة حامل
يزن وقف: يعني بنبدا خال
اني: واني خالة
علاء: هلبا اعليك عمة وخالة
اني: وانته شني واجعك
علاء ياكل ويشبح لوطة: نبي نتزوج
اني شبحتله: شنو وبعدين فقت علي الكلمة الي قالها وابديت نضحك
كلهم: 😂😂😂
علاء: خيركم قلت حاجة اضحك اني
اني: تدوي رسمي انته
علاء: لالا نص رسمي
اني: اوك شني رايك عرسي وعرسك مع بعض اي وعرس عادل ونجوزو محمد مرة وحدة بش مايقعدش عزابي بروحه
علاء شبحلي لقي عيوني مدمعات
اني ابتمست وخشيت للحوش
فارس يهمس: علاء لازم يرجعو عادل ومحمد شوف وداد كل كلامها اعليهم دبر حل باللهي اعليك
علاء: ايصير خير يافارس
اني طلعت شاده الجاكيت متاعي في يدي وتلفوني ومفتاح سيارتي
فارس وقف: وين ماشية
اني: لحوشنا وبعدها عندي مشوار مرات انروح بعد المغرب
فارس: تم
ركبت سيارتي وطلعت امشيت الي حوش محمد
طقطقت علي الباب فتحتلي اخته
اخت محمد: اهلين وداد شني الجو
اني: تمام شنجوك انتي
اخت محمد: تمام تفضلي خشي
اني: محمد قاعد
اخت محمد: اي في داره فوق خشي
اني خشيت وقفت قدام الباب نحيت سبيدروي وخشيت
ام محمد: اهلين بنتي كيف حالك
اني سلمت اعليها: الحمدالله كيف حالك انتي
ام محمد: الحمدالله تفضلي كعمزي بنتي
اني: عمتو نبي محمد ع السريع عندي ماندير والله
ام محمد: اركبيله فوق ميبيش ينزل الفرخ هادا ولاياكل ولا يشرب
اني: تمام وركبت نجري طقطقت علي الباب
محمد: خلوني في حالي
اني فتحت الباب وخشيت
محمد وقف وامشي للبكلونة ولع دخان ويدخن: شني تبي
اني: نبيك ترجع معاي
محمد: خلاص اطلعو من حياتي
اني: وكان مطلعناش
محمد لف ومداير اعليا السلاح: نطلعكم بالسيف
اني: هههه محمد تعرف مني قدامك ولا
محمد: نعرف وداد
اني: لا غالط قدامك اختك الي مجبتهاش امك قدامك اختك من الايام قدامك اختك الي حباتك من وسط قلبها قدامك اختك الي وقفت معاك في اوقاتك الصاعبة اختك الي ضحت عالخاطرك بدم قلبها وقعدت تخدم ليل نهار بش انته تتعالج وترجع الي بلادك ترجع الي ليبيا
اختك الي انته توا قايم اعليها السلاح كانك راجل اقتل اختك وريحها من الحياة مدامك انته وخوك التاني بعاد اعليها هيا ماعندها شني ادير بالدنيا مش محتاجة اتعيش مدامه انتم مش معاها
محمد لوح السلاح علي السرير: بري روحي يا اختي
اني: مش مروحه الا ورجلي علي رجلك
محمد: وداد روحي باللهي اعليك
اني: فهمني خيرك ياخوي فهمني
محمد: صعب تفهميني
اني: طول عمري نفهم فيك شني معنى توا
محمد: توا وضعي حرج هلبا
اني قربت جيهته: محمد شني فيه خوفتني
محمد قرن حواجبه: بري روحي وخليك وداد الي نعرفها
اني زدت قربت: محمد
محمد عيط: وداد اطلعي من حياتي
اني قربت وضربته كف: بالك ايفيقك علي روحك شوي
وامشيت جيهة الباب: قبل مانمشي عادل وين
محمد بعياط: منعرفش واطلعيييييي
طلعت سلمت علي امه واخته وامشيت حوشنا
اني: السلام عليكم
كلهم: وعليكم السلام سلمت اعليهم كلهم وكعمزت
اني: امالا وين اويس
وائل: جي علاء طلع هوا وياه
اني: وين مشو
امي: قال مكان سري بس
اني: وين امشو هادم واخديت تلفوني وشرينتلهم
اني: ها علاء ونسمع في صوت رصاص جنبه
اني بعياط: علاء هادا شنو وين انته
علاء: تي متخافيش هادا اويس يضرب بالسلاح
اني بإستغراب: اويس
علاء: اي خيرك
اني: فهمت خلاص قريب اتروحو؟
علاء: اي قريب
اني: تم نستنا فيك
علاء: به هي باي
صقرت قعدت نستنا في علاء جي وروحت اني وياه
__________________________
ثاني يوم 🌅
نضت الصبح توضيت وصليت بدلت حوايجي لبست سروال عسكري وتيشرت اسود وجاكيت عسكرية طويلة شوي ووشاح اسود وكدار اسود طلعت برا
اني: صباح الخير
الحراس: صباح النور
اني: شني مني نحصلو فطور
حارس: تحصلي
اني: تم انوض الولاد وانجي
الحراس: تمام
امشيت الي حوش الولاد فتحت بالمفتاح وركبت خشيت علي علاء نجبد في المخدة والشرشاف منه
اني: تي نوض ياهمي الاحرف
علاء: واااك نضت نضت
اني: ايوا هي نستنا فيك لوطة
علاء: به ياهمي
امشيت الي فارس نحيت الكدار متاعي وابديت انقز علي السرير
اني: فارس فارس فارس
فارس حط المخدة فوق راسه: ياماما زلزال
اني: نوض قالي زلزال نوض يافرخ
فارس: صبح يافتاح
اني: عبد الكريم مش فتاح نوووووووض
فارس: نضت نضت وهوا جي بيوقف وجبدني من رجلي جيت طايحة علي السرير ووشاحي طار
فارس: معاش تحرمينا من شوفت الحرير الي عندك وامشي للحمام
اني: اتفو صايع والله ماتتحشم خزي
لبست وشاحي والكدار وطلعت وقفت قدام دار محمد وعادل تنهدت ونزلت نزلو الولاد فطرنا ووتينا روحنا وطلعنا وكنا متجهين الي تجار الاعضاء وقفنا بعاد شوي علي مقرهم وكان بيصير زي امس كل واحد اتجه الي تاجر وبيصير هجوم في نفس الوقت
اني: بنخشو بخطة
فارس& علاء& يزن&احمد: حتي احني زيك
اني: اي اسمعو الخطة كويس
كلهم: به
اني: اسامة وسامر وياسين وفاتح
فاتح: امرك سيدتي
اني: تو اني بندير روحي دايخة وانتم اتقولو احني نبو ننضمولكم وجبنا معانا هدية ليكم
كلهم: به
اني: انخشو داخل ويبدو القناصين يقتلو الي برا وبعدين باقي الحراس تهجمو اعليهم داخل واحني من داخل انضمولكم الجو لكن بندخلو بلجيكي بس واكيد بيفتشونه يعني احني بنخشو ويجي واحد يحذفلنا السلاح من وراء السور به
كلهم: به
اني: وديما انقول القناصين اهم حاجة مفهوم
كلهم دارو التحية: حاضر سيدتي
اني: ياولاد حتي انتم ديرو نفس الشي وردو بالكم علي روحكم
الولاد: تمام
فارس: ردي بالك فرختي
احمد اضايق من الكلمة: هي ياولاد
اني: 1 2 3 انطلقو
وابدينا في المهمة
اسامة: اهلين ياقدر
الولد دار السلاح اعليهم: شني جايين تبو اهني
اسامة: غير بالشوية احني نبو ننضمولكم وجينا معانا هدية للرئيس
سامر: الباين ميبوش الهدية هي نرجعو هي
الولد: مش هادي وداد
ياسين: ايوا اعليك نور
الولد فتشهم: خش انته وياه خش
فتحلهم الباب وخشو
جي واحد حذفلنا السلاحات
اسامة: وداد اهو سلاحك عندي
خشينا وقفنا قدام الرئيس وفاتح واسامة قايميني
الرئيس: اي هادي بنبيعو الأعضاء متاعها دبل
اسامة: اعلاش
الرئيس : راهي وداد وانتم قبلتكم من توا معاي راكم جبتولي وحدة ماعمري حلمت بيها حتي في الحلم
اني ابتمست : ماتندريش شني داستلك البنت هادي
وابدت الرماية والولاد دارو علي الرئيس السلاح اني وقفت واخديت سلاحي
اني مبتمسه علي جنب : الله غالب مقدرتش تحلم بيا لكن جيتك كابوس في الواقع
اسامة: غمزاتها يدوخو
لين خشو اعلينا الحراس متاعي طلعنا بالرئيس وجي ضرار خداه ودار التحية وطلع
طلعنا روحنا للمقر متاعنا واحني فرحانين وبي هكي ايكونو تمو /تجار الاعضاء/
_______________________
اسفة علي التاخير بس تعرفو قراية والله والتفاعل ضعيف هلبا
ان شاء الله عجبتكم اعطوني رايكم في التعليقات
مع السلامة 💖
الكاتبة: لولو حبيب ❤