رواية المافيا😈
للكاتبة: لولو حبيب❤ الحلقة:8
___________________________
اني: محمد وين فارس
محمد: منعرفش
اني بعياط: محمد سالتك جاوب
محمد وقف : منعرفش
اني نلف في الحوازة وانعيط: من امتى انقولو فيها كلمة منعرفش من امتى احني منعرفوش احني نعرفو الجن الازرق وين يبات كيف ماتعرفش توا
عادل خطم جنب محمد: حزها توا هي
محمد: فارس طلع وقالي متقولش وين بنمشي
اني نتكلم بعصبية: وين مشي
محمد: منقدرش انقول اني وعدته
اني ابديت انقز ونعيط: محمد قول محمد قول تكلم احسنلك
علاء شدتني ويعيط: وداد رجلك انتي
اني ابديت نبكي رجلي توجع هلبا : محمد
محمد: امشي الي حوشكم انتي
اني: شني
محمد: اي قال يبي يكلم بوك في حاجة
اني : تكذب صح
محمد: لالا
اني شديت في ايدين علاء : باللهي اعليك توا ارفعني
علاء: خليه تو يروح فارس
اني: علاء باللهي اعليك
علاء: به هي ركبت السيارة وامشينا احني كيف بنطلعو انفتح الباب
اني نزلت من السيارة نجري: فارس فارس
فارس شبحلي وطبس راسه لوطة
اني حضنته طول: موافقة علي قلته موافقة
وشبحت خوي وراء فارس
اني بعدت وشبحت الي فارس: شني درت يافارس
علاء : هادا مني يافارس
محمد وعادل جو يجرو
اوس: واخيرا ريتك يااختي
اني: مش اختك ولا نعرفك
اوس: تعرفي انه الي ينكر اصله كلب اه انسيت انتي من يوم يومك كلبة
اني طلعت مسدسي وسحبته ووجهته اعليه
اوس: بتقتلي خوك ياكلبة
اني: اي اصلا الي زيك حرام ايعيشو علي الدنيا هادي
اوس: هههه شوف الملائكة الي تدوي
اني: عالاقل مش زيك ابليس متبرئ منك
اوس قام الكلاشن ووجه اعليا: انشوفو مني يقتل الاول
علاء ومحمد وعادل وفارس وقفو قدامي
كلهم: لو تبي تقتلها اقتلنا احني قبل
اوس: ههههه شني ياصايعة عايشة بين جيش ولاد و4 يدافعو اعليك شورهم حاجة خاصة هادم
اني ضربت طلقتين فوق: اوس برا روح خير مانفرغه فيك
اويس جي يجري: لا ياوداد مزال نبي عمي اني
اني: اطلع منه الموضوع
اويس: لا باللهي اعليه متقتليشي واديري رقبة تتعاقبي اعليها يوم القيامة
اني: اوس برا روح
اوس: مانيش مروح ووريني شني بديري
اني ضربت جنبه : التانية بتكون فيك برا روح
اوس سحب الكلاشن
عادل عيط: ياولاد
والي في المقر كلهم دارو سلاحهم علي اوس
اوس خاف ونزل سلاحه: اني خوك عيب اعليك يا دودي
اني: 😂😂 خوي وقت المصلحة والخوف
اوس: هي سلم وخيتي اكسري الشر وبدلي ساعة بي فياق
اني: هههههه خواف طول عمرك تقعد مش راجل
اوس : به تعالي نبيك في موضوع
اني: صقرو الباب وخشيت
خشو كلهم وصقرو الباب واوس قعد يخبط يخبط وبعدين ركب سيارته وروح
واحني خشينا كعمزنا في الصالة
اني انلف في الصالة وانعيط: توا تفهمني شني درت
فارس: ماعندي مابنفهمك
اني: لا عندك توا تفهمني كل شي من امتي امشيت لين روحت شني صار
فارس: به تو نحكي
////////
قبل ساعة💢
فارس: محمد اني بنطلع اوعديني ماتقولش الي وداد
محمد: وين ماشي
فارس: بنمشي الي حوش وداد نبي بوها في موضوع اوعديني متقوللهاش
محمد: وعد
فارس: وين قتلك حوشهم بالزبط الي مرة بتوصل اويس ليه
محمد: &&&&&&&&&
فارس: تم ومتنساش راك وعدتني
محمد: تم
ركب فارس في السيارة وامشي
طق طق
فارس: السلام عليكم
وائل: وعليكم السلام
فارس: بوك موجود
وائل: اي تفضل خش
خش فارس هوا وائل وكعمزو في المربوعة
خش اوس: السلام عليكم وسلم وكعمز
اوس: مني هادا
وائل: منعرفش قال يبي بوك
اوس: اكيد صاحب بوك
وائل: الولد صغير يبان نديدك معقولة صاحب بوك
اوس: عادي
وائل: اني انحس بتصير مشكلة مش مستريح
اوس: ارخي الاولى
خش بوي
بوي^ محمد^: السلام عليكم
فارس وقف وسلم اعليه
فارس: كيف حالك عمي
بوي: الحمدالله
خشت وداد تمرد
فارس قامها وباسها: بالحق تشبه الي وداد هلبا
بوي: امنين تعرف وداد انته
فارس : ياعمي اني جايك في موضوع ايخص وداد بنتك
بوي: بنتي
اوس ناض ايعيط: مني انته اكيد واحد من الصياع الي تكلم فيهم ال🤬🤬 هديكا
وائل: تكلم مني انته
بوي بعياط: كعمز انته وياه خلي نفهم الولد شني يبي
وائل جبد اوس وكعمزه واوس يغلي وحتي وائل يغلي
فارس: ياعمي اني نخدم مع وداد اني واحد من خوتها الي تحكي اعليهم هيا اني فارس خوها ويدها اليمين
اوس: شني احني مش عاجبينها بش اديرك خوها
فارس بتلقيح: مش متبرئين منها
اوس: صقر فمك ومليكش دخل
فارس : حتي انته مليكش دخل هيا مني ادير خوها
اوس وقف: تبي لسانك انقصه انته
وائل جبد اوس: كعمز ياراجل
بوي: به ياولدي كمل
فارس: اي واني عارف وداد عندها بو وعندها ام واني منقدرش اندير حاجة امها وبوها مش موافقين اعليها
بوي: مفهمتش علي شنو تحكي
اوس: وين خوتها امها وبوها بس
فارس : قصدي عندها بو لانه حسب ماسمعت مافيش حد يحبها في الحوش هادا الي بوها
اوس: اكيد الحقيرة حكتلك
فارس: وداد محكت شي لكن احني سمعنا من الناس
اوس بعياط: يافرخ انته شني جاي تبي من الاخير
فارس: اني ناوي الحلال وجاي بنخطب وداد من بوها
بوي بهمس: ياولدي ولادي شياطين وانته مفروض قلت الي وداد وكانها وافقت ربي يهنيكم اعلاش جيت اهني بس
فارس: هكي علمتني الاصول وهكي تربيت نخطب البنت من بوها
اوس: نوض روح احني ماعندناش اخت اسمها وداد واحني معندناش خوات ع🤬🤬
بوي: بنتي مش هكي
اوس: لا بنتك هكي كانت علاقة هيا واحمد راهو
بوي وقف ويعيط: حتي انته وخوك مدايرين علاقات ولا بنات الناس مش بنات
اوس وقف ويعيط: احني ولاد مايعيبنا شي
بوي ضرب اوس كف: كلكم سواسية ماهو الي تكلم فيها انته مش بنت وبعدين اختك وتبريتو منها لكن احمد قاعد صاحبكم ويجي ويمشي اعليكم
اوس شد بوه من رقبته: احمد مليشي دخل بنتك الي كلامته
بوي دف اوس: احمد هوا الشيطان وانتم مصدقين الولد ومكذبين اختكم
فارس وقف: خلاص لو علي النبي واني موضوعي تم وهي مع السلامة
اوس دف فارس: دخول الحمام مش زي خروجه
فارس مفهمش اعليه: حول هكي
اوس: توا بترفعني الي وداد
فارس: الا علي جتثي
اوس : ترفعني يعني بترفعني
بوي: ارفعه ياولدي مش حيقدر اديرلها شي اني مطمن اعليها مدامها معاك ومع علاء وعادل ومحمد
اوس: صقر فمك انته واركب دارك معاش تنزل
بوي بعياط: اني بوك الي نربيك
اوس: اكيد بوي زي بنته
وائل: اوس صقر فمك هادا بوك
اوس: هيا قدامي يااستاذ فارس
طلع هوا وفارس ومحمد اغمى اعليه ورفعه وائل للمستفشي وخش في غيبوبة
////////////
فارس: وهادا الي صار
عادل: يعني انته تبي تتجوز وداد
اني: اني موافقة من كلام بوي يعني موافق
عادل شبحلي ومحمد شبح الي عادل وهزله براسه
عادل بيطلع خطم بحدا محمد: كلامك صح صارلي نفس الاول
محمد: ربي يعوضك خير ياخوي
عادل مسح دمعته وطلع
اني ركبت فوق
فارس: وداد
اني وقفت
فارس: بالحق موافقة
اني: اي وركبت طحت علي السرير وابديت نبكي
اني: 😭 حاولت نهرب من الماضي لكن كل ماننساه يرجع اعلاش نكذب علي روحي اني مانسيت شي من الماضي قاعد عايش معاي ايجي اليل وهوا ايجي معاه مستحيل نرقد واني مستريحة نلهي في روحي بالخدمة في اليل بش مايجيش الماضي لكن ايجي ايجي ويذكرني في ناس مش ناس وحوش كسرولي قلبي يذكروني في خوت الي مفروض سند سمعو كلام الناس وكذبوني مخلونيش حتي ندافع علي روحي مقدرتش من الصدمة اعلاش مدافعتش علي روحي في وقتها اعلاش به اعلاش اني كرهتهم اكيد من الي داروه فيا ااااااااااااه يابوي تمنيت انك معاي تمنيت انك جنبي تمنيت يوم الي هربت هربتك معاي لانك حتي انته يما شوفت من ولادك زعما يعاملو فيه كويس ولا قاعدين نفس الاول لكن من كلام فارس قاعدين نفس ماهما يارب خود منهم حقي وحق بوي هما وامي يارب حتي امي معاهم الناس اتقول الام حنان لكن الام طلعت الشيطان الكبير فيهم حرام فيها كلمة ام حسبي الله ونعم الوكيل فيهم
وقعدت نبكي لين رقدت
علاء: لاحول ولاقوة الا بالله
محمد: نبي نعرف شني شافت في الماضي الفضول بيقتلني
فارس: تعرفو بعد الي شفته ولا عندها الحق تهرب
علاء: شنهوا الي شفته
فارس: ولد يشد بوه من رقبته ويعيط وايقوله صقر فمك حتي اني الي كنت نروح سكران وبوي يضرب فيا مقتلاش هكي اني الي كنت نروح ضاربها حشيش مدرتش هكي حتي يوم الي بوي تبرا مني مدرتش هكي
علاء: هادم وحوش زي ماقالت وداد
محمد: شوره من قبل يعاملو في بوها هكي
علاء: الواضح هكي انتع سمعتها توا شني قالت
فارس: هي ننزلو اني انحس في راسي بيتفجر
نزلو كعمزو علي الصالون فارس رقد وعلاء ومحمد يهدرزو
////////////////
عند عادل
مكعمز علي البحر ويبكي ويسمح في دموعه لين خطمت قدامه بنت
عادل يحك في عيونه: لالا نتخايل لالا
البنت كعمزت علي البحر وتبكي
عادل ناض وامشي للبنت
البنت: اااااه وينك ياعادل ارجع وسامحني سامحني ياعادل عارفة ماتسمعش فيا لكن سامحني سامحني وارجعلي قاعدة انحبك وكل شي صار بالغصب اعليا
عادل: عارف بالغصب واني مسامحك
البنت وقفت وتلفت شبحت عادل حضناته وهيا تنقز وتعيط وتبكي وتتضحك كله علي بعضه
عادل حضنها: استحشتك ياشهد
شهد: واني اكثر ياعادل باللهي اعليك سامحني باللهي اعليك
عادل: انحبك ياشهد
شهد حضناته مرة تانية: واني اكثر
عادل: بنجي نخطبك
شهد: اي تعالى تعالى
عادل: بوك اهني
شهد: اي
عادل: وينه خلي نمشيله
شهد: هوني وامشي عادل
نضم اموره مع بوها وخطبها ووافقو ورجعت شهد حبيبته مرة تانية الي حياته بس هادي المرة خطيبته مش حبيبته
////////
نضت اني اذان المغرب امشيت توضيت وصليت العصر والمغرب وبدلت حوايجي لبست فستان اسود وجاكيت بيضاء ووشاح اسود ونزلت
علاء: صحه النوم
اني: سلمك.. كملتو تزين الدار امبكري
علاء : اي
اني: تمام وين فارس
علاء: طلع
اني: وعادل
علاء: روح وخطب شهد حبيبته
اني: بالحق
علاء: والله
اني: روروروروروروري
عادل خش: خيركم اتزغرطو
علاء: هيا زغرطت شني اني زغرطت😒
عادل: اسفين ياعمي الراجل خيرك انتي
اني: الف مبروك تو اتشوف العرس الي نديرهولك ياخوي
عادل حضني: مبروك حتي انتي
اني: الله يبارك فيك
اني: امالا وين محمد
عادل: هههه القي برودة في الجنان رقد
اني: ههههه علاء ولا عادل واحد منكم يمشي ايجيب تورتة من الساحل اني حجزت فيها الحجز باسمي اني
علاء: تو نمشي اني
اني: تمام
خشيت الكوجينة وابديت نطيب
عادل: نعاونك
اني: ياريت قشرلي البطاطا
عادل: تم
كعمز عادل يقشر في البطاطا واني نطيب في الرز
وعلاء امشي جاب التورتة وخش للدار ينظم فيها ويساوي في الطاولة وعادل يساعد فيا
اني: هي كملنا تعالى انوضو محمد
عادل: هي
اني طلعت ثلج من الفريز وعادل عبا طاسة اميه
وطلعنا
اني كعمزا وانحط في الثلج علي ظهر محمد
وعادل يصب في الاميه بالشوي علي محمد
محمد وهوا راقد علي بطنه: معقولة مطر في الصيف
اني حطيت الثلج وعادل صب الاميه كاملة وهربنا
محمد عيط: ياكلب منك ليها
اني: احترم نفسك
محمد اخدي الثلج وناض يجري ورانا شدني اني لانه منقدرش نجري عالخاطر رجلي
محمد اديرلي في الثلج في رقبتي من تحت الوشاح: ها شني رايك في الثلج في الصيف
اني: اااااه حول يابارد
محمد: هههه مانيش محول
اني: وووواك يافااااااارس
فارس درس السيارة وجي
فارس: محمد نغار علي مرتي راهو
محمد: غير تبدا خطيبتك هيا
فارس: حول هكي وجبدني
اني: اه رقبتي تجمدت
محمد: واني ظهري تجمد
عادل: ههههه
محمد: به به تو نحصل اعليك انته
جي واحد يخدم معانا وقف علي عادل
عادل: وداد في ولاد وبنات برا قالة وداد عازمتنا
اني: اه اي اي دخلهم
عادل: تم
فارس: مني هادم
اني: هادم صاحبي وصاحباتي قبل في الشارع كلهم صغار جيرانا
فارس: اه القيت ولد سالته علي حوشكم قالي اكيد انته فارس الي يخدم مع وداد
اني: شني اسمه
فارس: ايمن
اني: اي هادا اكبر واحد في شلة الشارع
فارس: ههههههه
وخشو شلة الشارع
اني: اهلين نورتو
فؤاد: بوجودك
سلمنا
اني: شني ياعادل مفيش ترحيب
عادل: اكيد فيه لكن بعدين
اني: تمام هي تفضلو
ايمن: خلينا اهني بعدين انخشو داخل
اني: متخافش عندنا مولد ويولع المكيف
ايمن: هوا الضي هارب
اني: اي
ايمن: بلاد غبرة
نرجس: ميعرفوش انه الجيهة هادي فيها مقر وداد كيف يهربو اعليك
اني: ماهو يعرفو عندي مولد
نرجس: هههههههه
اني: تفضلو تفضلو
خشو كلهم كعمزو الولاد في الصالة واحني في دار الداخل
مودة: الله اليوم بنسهرو مع وداد بعد سنة كاملة مشبحناش
اني: هههههه واخيرا
مودة: اي حقا امبكري ايمن قال فارس يسأل علي حوشكم
اني: اي
مودة: ان شاء الله خير
اني: امشي يخطب فيا من بوي
مودة: تكذبي
اني: والله
مودة: واخيرا وداد بتتزوج وتنسا الماضي
اني: مزال صغيرة
مودة: مزال عينك ندادك بصغارهم
ياسمين : هدية عيد ميلادك عند فؤاد نمشي نجيبها ونجي
اني: مفهمتش اعلاش اتعبو في روحكم
كلهم: تعبك راحة
اني: هي تعالو معاي للكوجينة
نرجس: عندك كوجينة
اني: شني رايك
نرجس: هههه مش عندك خدمات
اني: شنو مني قالك هكي
نرجس: الناس يحكو ايقولو عندها خدمات وكل شي ايجي لعندها وعندها حرس شخصين وسواق خاص وهادا يوم عيد ميلادها يقلبوها ليبيا كلها
مودة: انقولها كله كذب وهادي الحمارة تصدق
نرجس: الناس اتقول شني دخلي اني
اني: ههههه اول حاجة اني انطيب والمقر كلهم ياكلو من يدي ومرات هما يطيبو وناكل معاهم ومعنديش حراس شخصين عندي الي يخدمو معاي بس ونطلع انسوق بروحي ونمشي وين مانبي بروحي مرات فارس يعاند فيا ويلحقني بس وعيد ميلادي ميعرفوشي امتي حتي فارس وعلاء ومحمد وعادل ميعرفوش
نرجس: تكذبي
اني: انتي تعرفيني نرجس اني شنو
نرجس: اي اي
اني: هي تعالو
اعطينا الي الولاد عصير وابدينا نوتو في القهوة
ياسمين: وهادي الهدية
اني اخديتها: صحيتو ومعاش اتعبو روحكم مرة تانية
ياسمين ابتسمت
اني: مودة بحداك القهوة وركبت حطيت الهدية علي السرير ونزلت
اني استغربت وين اويس من بكري مريتاش ولا سمعت صوته
اخديت القهوة وامشيت للاولاد حطيت القهوة وقمت سفرة العصير
اني: ياولاد شبحتو اويس
محمد: من امتى طلعتي امبكري مهناش
اني خفت اعليه ووجهي تغير
علي ناض وقف: مودة
مودة جت: ها
علي: هاك دخلي السفرة
اخدت مودة مني السفرة وخشت
اني طلعت نجري وسحبت سلاحي ووقفت في نص الحوازرة وعيطت: اووووووووويس
عادل: ياولاد دورو علي اويس بسرعة
المقر كله انقلب وابدو يدورو
اني نعيط: اويس اويس
فارس: خلاص اهدي تو نلقوه
اني: اني اليوم هملته معدلتش اعليه ولا دورته بكل
فارس: خلاص اهدي رجلك
اني دفيته: حول لارجلي لا يدي
وامشيت نجري للمكان الي فيه يزن واحمد القيت الباب مفتوح ونسمع فيهم يضحكو
اني خشيت
اويس: مرة اوس جاينه ولاد ووداد اتعاركت هيا ووائل وابدت اتعيط وتعرفو عياطها
يزن/ واحمد: ههههههه اي
اويس: هيا تعيط ويجيها شبشب من حيث لاتدري 😂😂 هربت تجري الي دارها وصقرتها بالمفتاح عرفت روحها بتاكل طريحة بعدها
يزن/ واحمد: 😂😂😂😂
يزن: ديما بتجي تهدرز اعلينا صح
اويس: اكيد بتتطلعو من اهني تو انقول الي وداد ونعيط اعليها انقولها اطلعكم
اني: اويس
اويس تلفت
اني دموعي نزلو وحضنته طول
اني: وينك خوفتني اعليك
اويس : انتي مش لاهية بيا اليوم لاهية بالاستاذ فارس وال 5 مليون متاعك😒
احمد/ يزن: 5 مليون
اني: اويس
اويس حضني: الله غالب منقدرش نزعلك انحبك يافرختي❤
اني اضايقت من كلمته شوي بس خليت روحي عادية
احمد ابتسم علي جنب
اني: يزن وواحمد نوضو اطلعو معانا
فارس: اعلاش
اني: يزن يعتبر واحد من شلة شارعنا لازم ايكون معانا اليوم ومنبيش انخلي احمد بروحه وياسرهم ليا يومين حابستهم
يزن: قصدك الشلة اهني
اني: اي
يزن دف فارس من الباب وطلع يجري
فارس : اه يافرخ
اني: فارس انته كويس
فارس: اي يافرختي😏
اني: خلاص اسكت اويس بس ايقول فيها متقولهاش
اويس: كذابة ايقول فيها احمد مش اني
اني شبحتله وهوا طلع هرب يجري
اني: هي نوض يااحمد
احمد: لا خليني
اني: قلت نوض
احمد: منبيش
اني مديت يدي وعيطت: قلت نوض اني
احمد شد يدي ووقف
طلعنا مع بعض
هدرزنا وضحكنا وتسهوكنا بعدين خشينا الي دار الي فيها التورتة والطاولة
احمد: ياسلام هادا اعلاش
يزن: علمي علمك
علاء: اليوم محتفلين بي فارس ورجعته لينا من المستشفي
محمد: هوا مفروض نحتفلو حتي بي وداد لكن هيا مقعدتش في المستشفي بكل
كلهم: 😂😂
اني: بارد
محمد: ههههههه
فارس: وبنحتفلو بي حاجة تانية
كلهم: شنهيا
فارس: اليوم خطبت وداد من بوها يعني اليوم نعتبروها فضانية ويوم تاني انديرو التلبيسة
احمد ويزن انصدمو وشبحو الي بعض وشبحولي اني قمت راسي وشبحتلهم
شبحت في عيون يزن حسرة ودموع ميبوش ينزلو وحزن كبير كانه جرح النسين انفتح من جديد
وشبحت في عيون احمد ندم وكانه يذكر في الماضي وشني صار فيه
اني ابتسمت: باذن الله تلبيسة مفيش حد دراها في حياته
كلهم: الف مبروك وربي يتمملكم علي خير
يزن: الف مبروك
احمد: الف مبروك تستاهلو بعض وامشي جيهة فارس
احمد: حافظ اعليها كويس لانها جوهرة ثمينة اني ضيعتها وانته حافظ اعليها
فاري شبحله شبحه اتخليه يموت في مكانه
قصينا التورتة الي كان مكتوب اعليها اسم فارس وصورته وهدرزنا شوي وروحو
خشيت اني والولاد ضمينا الكوجينة
اني: فارس خلي يزن واحمد يباتو في دار في حوشكم
فارس: وخيرها دراهم
اني: فارس
فارس: به
شرين تلفوني
اويس جابه وجي يجري
اني شبحت الاسم توترت ومعرفتش كيف انرد
حسو اعليا الولاد انه توترت
علاء: ردي خيرك
رديت
اني: الو
_________________
اسفة ع التاخير بس تشبحو في الحلقة طويلة وتبي مني وقت بش نكتبها ومنلقاش في وقت بكل
اعطوني رايكم فيها وتفاعلو معاي فيها
ان شاء الله تعجبكم
مع السلامة💖
للكاتبة : لولو حبيب ❤
أنت تقرأ
رواية المافيا
Misterio / Suspensoرواية فيها غموض هلباااااا وتحكي علي بنت تاجرة سلاح ومعاها 4 خوت شني حيصير معاها واعلاش قررت تحكيلنا قصتها تو نعرفو في الرواية رواية باللهجة الطرابلسية للكاتبة: لولو حبيب
