رواية المافيا😈
للكاتبة: لولو حبيب❤ الحلقة:4
___________________________
يزن اتكا علي السيارة: كان مكتوب فيها
اني بعياط: خلااااااص يزن اسكت
يزن: مكتوب فيها وداد اليوم
اني صقرت فم يزن بيدي
اني: خلاص اسكت
يزن نحالي يدي: اليوم لازم تهربي
اني: نكملها اني
يزن: كملي
اني: هيا اقرت الرسالة ومعرفتش شني المعني فجاة صارت اعليها رماية والغريب انها قعدت واقفة في مكانها و ولا رصاصة جت فيها كانت مقصودة انه الرماية اتكون في جنبها ايخوفو فيها بس
يزن: صح زعما مني الي حذف الرشادة؟ والي قعد يرمي علي وداد؟
اني: احمد
يزن: شطورة وواحمد هادا وين توا؟
اني: منعرفش ومنبيش نعرف
يزن: اني نعرف
اني: ميهمنيش
يزن: بتنكري انك قاعدة اتحبيه بعد كل يلي داره
اني: قتلك اني انته ماتعرف شي اعليا
يزن: لا نعرف
اني: لا متعرفش لانك اتقول اني انحب احمد وهيا مفيش منها الدوة
يزن: لا قاعدة اتحبيه
اني: مكعمز في قلبي انته بش تعرف انحبه ولا لا
يزن: تقدري اتقولي وزي مايقول اويس نصك التاني
اني شديته من رقبته: امنين تعرف اويس انته
يزن: يامحلا جهاز التنصت
اني اعطيته بوكس علي وجه وهوا عفس علي رجلي
اني: هههه زيد اعفس
زاد يزن واني نتوجع ومنبيش انعيط ونبان ضعيفة قدامه
يزن: انتي بنت مفروض توا اتعيطي وتبكي
اني: اني راجل في زمن معاش فيه رجال
يزن: المعني
اني: المعني انك عيل ومنحسبش فيك راجل
يزن عفس بكل قوته
علاء ضربه بطلقة في رجله
يزن: اااااااااااه
اني تلفتت وبعياط: اعلاش ياعلاء
علاء: تي شوفي رجلك كيف دم يعني بعد هادا تبيني نقعد نتفرج اعليه
اني: بسرعة ركبه في السيارة خلي نرفعوه للمستشفي
يزن: خليني اهني خلي ننزف لين انموت
اني: واعلاش
يزن: هكي معاش نبي انعيش وانتي بعيده اعليا لازم نعترفلك بهلبا حاجات اني ولا في يوم انسيتك وابديت تاجر اعضاء بلعاني بش كل يوم انشوفك امنين اديري اعليا في مداهمة واليوم ضربتك بطلقة بش نقنعك انه اني انسيتك وكرهتك ونقنع روحي انه منحبكش بش مقدرتش قاعد لليوم مانسيتك قاعد لليوم نبيك ونبيك اتكوني جنبي وليا وبس ونغار هلبا من فارس ومحمد وعلاء وعادل لانهم ديما معاك وابديت انغار هلبا من اويس لانك تحضني فيه وتحبيه هلبا انغار حتي من السلاح الي تشدي فيه لانه ديما معاك وفي جيبك انغار من كل شي انحبك ياوداد انحبك
اني: علاء بسرعة قيمه
علاء سنده اعليه وركبه في السيارة وركب هوا يسوق
واني مزقت التيشرت متاعي وصقرت العباية متاعي واخديت التيشرت ربطاته علي مكان الرصاصة
يزن: وداد انتي اتحبيني
اني: علاء اجري
يزن: جاوبيني
اني : لا
يزن: مغيركش الزمان بكل معقولة من قبل سنيتن تكرهيني وحتي توا قاعدة تكرهيني
اني: مقدرتش انحبك
يزن: اعلاش
اني: كل بالسيف الا حبني يابنادم
يزن: رجلك تنزف هلبا
اني: عادي
يزن: اسف علي كل شي
اني: به
علاء درس السيارة وقعد ينادي في الممرضين جو نزلو يزن وهوا يشبحلي
علاء قامني ورجلي تنزف هلبا اني خشيت فيه وخلاص بنبكي حطني علاء علي السرير ودارولي بنج وعاودو خيطولي الجرح ولفولي رجلي بالشاش وممنوع اعليا حتي نتحرك
علاء قامني وركبني فوق
/////
اويس: عادل افتح الباب
عادل: اعلاش
اويس: افتح وتو تعرف
عادل فتح الباب وشبح علاء قاميني واني قاعد ماثر فيا البنج
عادل: خيرها وداد.. وداد
علاء حطني علي السرير نحالي العباية وغطاني
علاء: مافيها شي
فارس : شني صار
محمد: فهمنا ياعلاء ادوي
اويس: علاء يزن وين
علاء شبح الي اويس بصدمة
اويس: يزن وين
فارس: مني يزن
محمد: قصدكم الي انديرو اعليه في مداهمة هداكا
اويس: ايوا هوا نفسه
علاء شد اويس بالقوة من يده
علاء: امنين تعرف يزن وكيف عرفت انته
عادل: صح كيف عرفت توا قتلي افتح الباب كيف عرفت انته
اويس: نصها التاني
فارس: مافيش حاجة اسمها نصها التاني ادوي وقول انته مني ومني بعتك وامنين تعرف هادا كله
محمد: بالشوية علي الولد
اويس: علاء ارخي يدي واني حنقول كل شي
علاء رخاه: ادوي هي
اويس: اني نعرف وداد كويس ومنقدرش انقوللكم امنين نعرف الحاجات هادي كلها الا بعد مايتم اللعب هادا كله
فارس: لعب شنو
اويس: وداد في خطر كبير لو اتحبوها اعطو فيا الثقة وديرو الي انقوللكم اعليه ومعاش اتشكو فيا والله انحب وداد وكان منحبهاش راهو اني توا مش اهني
محمد: خطر شنو
اويس: وداد كانو عندها 2 ولاد و4 بنات في الماضي متاعها بعد ماهيا هربت من حوشهم وابدت حياة جديدة معاكم انتم وبعد مابدت مشهورة هما قررو ايعاودو الحرب اعليها الي كانت في الماضي وهادا هوا الخطر
عادل كعمز: يعني توا هادم مدايرين تحالف وبيديرو حرب اعليها
اويس: البنات بس مدايرين تحالف لانهم حاسدينها ويكرهوها اما 2 الولاد ميعرفوش بعض وكل واحد بروحه والزوز يحبوها ويقنعو في روحهم ميحبوهاش ... زي يزن ياعلاء
علاء: يعني حرب كبيرة
اويس: مش كبيرة علي وداد .. وداد بنت قوية صح من داخل ضعيفة لكن اني متاكد انه هيا الي بتفوز في الحرب هادي
فارس: به تعرفهم انته
اويس: الولاد بس نعرف اما البنات لا
فارس: شني اسمهم الولاد وشني يخدمو
اويس: يزن ويخدم تاجر اعضاء وواحد تاني اسمه احمد يخدم تجارة سلاح والزوز خشو يخدمو هكي بعد ما وداد ابدت تخدم هكي
علاء: اي امنين كان معانا يزن قاللها اسم احمد
اويس: احكيلنا شني صار معاكم غادي
علاء: قبل كل شي في جهاز تنصت اهني
اويس: لقيته من امبكري ولوحته في الشارع
علاء كعمز وابدي يحكيلهم
بعد ما كمل علاء القصة وكلهم قعدو ساكتين
اني: علاء
علاء: وداد فقتي
اني: ساعدني نبي نكعمز
علاء جي ساعدني وكعمزت وقعدت نشبحلهم كلهم
اني: تبو تعرفو مني البنات ومني الولاد وشنهيا الحرب الي كانت في الماضي
اويس: قصدك سمعتينا
اني: اويس امنين تعرف الحاجات هادي وكيف تعرف الماضي متاعي وامنين تعرفني من الاساس
اويس: وداد
اني بعياط: جاووووووب
اويس: انتي في خطر
اني: جاوب
اويس: اني من امته صغير وانتي اتحبيني هلبا وكنتي ديما ترقدي فيا بحداك كنتي اتقولي هادا ولدي انتي حاولي تتذكري تو تفهمي اني مني
اني غمضت عيوني وفتحتهم: اويس انته لازم
وخش الدكتور
اويس: لازم شنو
اني: محمد وصل اويس الي حوشهم
محمد: تبي انرده الي عيلته الي يعذبو ويضربو فيه
اويس: مش حوشنا هداكا
اني: تو انقولك وين يامحمد
الدكتور ركبلي التغذية
الدكتور: انسة وداد صحفيين يبوك اندخلهم ولا لا
اني: اعلاش شني يبو
الدكتور: يبو يعرفو كيف انضربتي برصاصة
اني: اوك دخلهم
فارس: شني دخلهم هادي
اني: خليهم ايخشو ... عادل درت المطلوب مع عبدو ولا لا
عادل: اي ومكعمز عند الشرطة توا
اني: كويس بكل
خشو الصحفيين
عادل: بالشوية متكثروش أسئلة
الصحفي: انسة وداد مني تتوقعي ضربك برصاصة
اني: هادي رصاصة طايشة لااكثر لااقل
الصحفية: بس احني مسمعناش هكي القصة
اني: كيف سمعتوها
الصحفية: انك انتي في حوشك وقناص ضربك
اني: مني قاللكم هكي
الصحفية: واحد من الي يخدمو معاك
اني: لا مش هكي القصة ...اني كنت ماشية في الشارع وفي عركة قدامي فجاة جتني طلقة طايشة وخلاص هادي هيا كلها
الصحفي: به وشني قصة فارس خيره في المستشفي
اني: فارس سمموه وبس
الصحفية: قالو انه انضم واحد جديد لمجموعتك غير الي يخدمو معاك
اني: اه هادا اويس واحد من خوتي
الصحفية: بس كيف ولد صغير تنتهكي في القانون هكي
اني: في أسباب خلاته واحد من خوتي واني مقلتش بيخدم معاي هوا عايش معاي في نفس الحوش بس
الصحفية: انتي اتسمي في تجارة السلاح خدمة
اني: اي
الصحفية: بس هادا ضد القانون
اني: هيا خاربة خاربة وبلادنا من امته فيها قانون
الصحفية: اخر كلمة حابة اتقوليها
اني: الافضل معاش حد يدخل في شغلي او في خوتي او في حياتي لانه بيشوف حاجة مش حتعجبه بكل
وطلعو الصحفيين
اني: نرجعو الي موضوعنا
محمد: وين حوشه
اني: في €€€€€€€€ تاني شارع رابع حوش علي اليمين
محمد: هيا اويس
اويس شاد في السرير ويبكي: لاااااا منبيش لااااا توا انتي قلتي هادا واحد من خوتي منبيش نمشي نبي نقعد معاك😭😭
اني: مش قلت اني في خطر اني نبي الخطر هادا نواجه بروحي برا روح
اويس: لا باللهي اعليك لا منبيش نمشي
اني بعياط: محمد روح بيه
اويس: لااااااااا منبيش
فارس: اوك اويس اقعد لكن اول مانطلعو من المستشفي تروح حوشكم طول
اويس: به
اني: مش تبيه يروح
فارس: حرام الولد يبكي خليه
اني: اوك غذوة بتروح يااويس
اويس: به يصير خير
اني: امك جابت ولا مزال
اويس: جابت بنت وسمتها وداد
اني: اعلاش🤨
اويس: من يوم هربتي وهيا تبكي بعدين امنين جابت قالت بنسميها زيك والبنت تشبهلك هلباااااا حتي في تصرفاتها
اني: مني يندري اعليك اهني
اويس: حد
اني: قصدك هربت من الحوش
اويس: اي
اني: غذوة امنين بترجع حوشكم مفيش مني يدافع اعليك
اويس: عارف اكيد وداد بدافع اعليا
اني: اختك صغيرة شني بدافع اعليك
اويس: ومني قال وداد الصغيرة
اني: بيروح بيك محمد
اويس: مانيش مروح
اني: لا بتروح
اويس: تروحي بيا انتي نروح
محمد: لحظة بس شني يقربلك هادا
اويس: انقول
اني: قول هي
اويس: ولد خوها
فارس: عندك خوت
اني: اي زوز
اويس: ع فكرة بوي قال لو نلقا وداد حنقتلها
اني: عارفة
اويس: به بتروحي بيا صح
اني: لا
اويس: اعلاش
اني: منبيش نرجع للجيهة هديكا بكل
اويس: وداد
اني: تعالي اويس
اويس جي وشديته من وذنه: امنين عرفت بقصتي
اويس: اما قصة
اني: امنين اني هربت الي تركيا وتعرفت علي خوتي
اويس: منك انتي
اني: كيف مني اني
اويس: انتي حكيتها الي احمد
اني: ماحكيتها الي حد اني امنين عرف احمد😡
الولاد كلهم وقفو
اويس: منعرفش لكن احمد الي قالي
اني: وين احمد
اويس: منعرفش
اني: اويس نعرفك امنين تكذب قولي احمد وين
اويس: قالي انه في €€€€€€ وبيحول من غادي مش عارف وين بيحول
اني: يعرف مكاني هوا
اويس: لا مقتلاش
اني: امنين عرفت مكاني
اويس: مني ميعرفش مقر وداد
اني شبحت الي الولاد
عادل: هي ياولاد
فارس: بنمشي معاكم
محمد: كعمز مداير عملية وبيمشي معانا مجنون الولد هادا
عادل: وداد عادي اتقولينا اسم الولد كامل
اويس: احمد €€€€€€
عادل: تم... محمد اقعد معاهم
فارس : اهو اني معاهم
عادل: لالا محمد اقعد
محمد: تمام اتكي علي الصالون
امشو عادل وعلاء واني اتكيت ورقدت
اويس: بنرقد
محمد كعمز: تعالي ارقد علي الصالون
اويس بهمس: فارس نايض
محمد: لالا راقد
اويس: والله الا نايض ويتفرج علي وداد وبالاحري يتأمل فيها
محمد: خيرك تخرط
اويس: نوض شوف كان مش مصدقني واتكا ورقد
محمد ناض وقف علي فارس فارس غمض عيونه طول
محمد: نوض من دون كذب
فارس فتح عيونه: شني تبي
محمد:...................
________________________
اكيد تبو تعرفو شنهوا ماضي وداد تتوقعو بيجي يوم ونعرفوه ؟
شني تتوقعو محمد بيقول الي فارس؟
واخيرا عرفنا مني اويس هادا بس مزال معرفناش امنين يعرف المعلومات والاسرار هادي كلها ؟
قولولي شني تتوقعو في التعليقات
مع السلامة💖
للكاتبة: لولو حبيب❤
أنت تقرأ
رواية المافيا
Mystery / Thrillerرواية فيها غموض هلباااااا وتحكي علي بنت تاجرة سلاح ومعاها 4 خوت شني حيصير معاها واعلاش قررت تحكيلنا قصتها تو نعرفو في الرواية رواية باللهجة الطرابلسية للكاتبة: لولو حبيب
