رواية المافيا

الحلقة 7

رواية المافيا😈
للكاتبة: لولو حبيب❤ الحلقة:7
___________________________
صقرت وفتحت الباب وخشيت
يزن يعيط : اووووف يدي
احمد: صقر فمك الزفت مقدرتش نرقد من عياطك الزح
يزن: اسكت باللهي اعليك عندك برود عالمي
احمد: وداد ماتقدر ادير شي متخافش
يزن: الباين انك متعرفش وداد وداد تقدر تدفنا واحني حيين
اني: فكرة مليحة
يزن: لا ردي بالك اتصدقي
اني: عجبتني الفكرة بنزيد نفكر فيها
احمد: وداد شني عندك بديري بينا اهني ورانا خدمة راهو
اني: متخافش خدمتك مش هاربة
احمد: وداد ارخينا الزح
اني: مزال بتطولو اهني
يزن: شني بديري بينا
اني: ياتاجر الاعضاء انته اني مصدومة تاجر اعضاء ويخاف من الدم
يزن: ومني قالك اني نقطع في الناس
اني: عرفاتك خواف وطول عمرك تقعد خواف
خش واحد يخدم معاي
يزن: وداد اني منخافش
اني: افتحله ايديه
الولد امشي وفك يزن
اني اعطيته موس: وريني ترا
يزن شبحلي
اني مديت يدي: نبيك تقطعها
يزن: مستحيل
اني: خواف
يزن: منخافش
اني: خواف وجبان
احمد: هبلتي انتي رد بالك اديرها انته
اني: انته صقر فمك مليكش دخل وانته هيا ديرها ياجبان
يزن من الغل ضرب الولد الي جنبي فتحله يده لين العظم ابدي يبان
اني طلعت المسدس طول وبنفرغه في يزن
علاء جبد مني المسدس : هبلتي انتي
اني ابديت نضرب في يزن بوكسات وتيروات
اني: قتلك جبان اني قتلك قطعلي يدي اني مش الولد
علاء: وداد خلاص
اني: علاء اطلع
علاء: شني
اني وقفت وعيطت: علاااااء اطلع😡
احمد خاف امنين عيطت
اني: اسعف الولد بسرعة
علاء شد الولد وطلع يجري هوا وياه
اني فتحت ايدين احمد وصقرت الباب
يزن: وداد خيرك
اني: نبيها حرب توا بينا احني ال 3 وتعرفو قانون الغابة الحرب هادي تمشي بي قانون الغابة البقاء للاقوى
محمد يخبط علي الباب: وداد وداد
اني: محمد برا من اهني
محمد طلع تلفونه وشرين الي عادل
اني: هي واحد اثنين ثلاثة
احمد ابدي يضرب فيا واني نضرب فيه يزن واقف ويتفرج بس
محمد: ايوا ياعادل
عادل: خيرك
محمد: علاء رفع الولد للمستشفي ووداد مصقرة علي روحها هيا واحمد ويزن ويتعاركو
عادل: خيره الولد وشني احمد هادي
محمد: يزن ضرب الولد بموس في يده رفعه علاء ووداد امس امنين طلعت جابت احمد وجت
عادل: به هاني جاي
محمد: متقولش الي فارس
عادل: به تمام
صقر محمد وقعد يحاول يكسر الباب
///////////
عادل: الصبر يارب
فارس: خيرك عادل
عادل: هي نوضو بنروحو
اويس: وداد مش جاية
عادل: احني بنمشولها
اويس: وداد فيها حاجة
عادل: لالا
اويس: قلبي مش مطمن
عادل خاف: لالا مافيها شي هيا بسرعة
ركبو السيارة وطلعو
/////////
بعد نص ساعة من الضرب اني واحمد💢
اني بعياط: نوض ياجبان نوض
احمد اعطاني بوكس علي عيني
اني: اااااااااه واعطيته تيرو علي بطنه وابديت نضرب فيه بوكسات في كل مكان
يزن: وحوش انتم مش بشر
اني نضرب في احمد ونعيط: توا اضربني زي مايضرب احمد ولا نفرغ فيك بيكا بعدين
يزن: منقدرش نضربك
اني بعياط: جباااااااااااااان😡
يزن ضربني علي ظهري
اني بعياط: خواااااااااااااف😡
يزن ابدي يضرب فيا واني ضربت احمد علي خشمه داخ
اني: واحد وتم مزال انته
يزن: وداد
اني تلفتله واعطيته بوكس علي خشمه وضربته براسي وتيرو علي بطنه طاح واغمي اعليه
امشيت فتحت الباب الي محمد
محمد شبحهم طايحين: انتي ضربتيهم
اني : ارفعني الي داري
محمد: تؤتؤتؤ عينك منفخة
اني: بسرعة
محمد سندني اعليه ورفعني داري
اني طحت علي سريري طول
محمد: حصلتي هلبا ضرب
اني: اي
محمد: لكن الباين انك قتلتيهم
اني: برا بسرعة صقر الباب قبل مايهربو وارفع معاك صنة( رائحة) فيقهم بيها وشوفهم كويسين ولا لا وحطلهم فطور وصقر اعليهم كويس وخليهم
محمد: به انتي كويسة
اني: تو نبدا كويسة اهم حاجة هما وكان عندهم كدمات ديرلهم الثلج وكانه في اصابات قوية هلبا ارفعهم للمستشفي
محمد: حتي هما جون سينا لعب فيهم مساكين
اني: محمد من دون تسهويك وبرا دير الي قتلك اعليه
محمد: به
طلع محمد وامشي ايدير الي قتله اعليه
اني نحيت وشاحي وكعمزت نحيت سبيدروي وظهري انحس فيه بيتكسر جسمي كله يوجع اتقول هما الي عطوني طريحة مش اني
اخديت تلفوني وشرينت الي علاء
اني: ايوا
علاء: ها شني صار
اني: هوني الزوز مغمى اعليهم واني انحس في جسمي كله متسكر
علاء: درتوها جبهة
اني: لكن باليدين من دون سلاح .. المهم الولد شني صار فيه
علاء: نظفوله الجرح وخيطوله يده
اني: به كويس روح بيه جيبه اهني به
علاء: به
اني: شني اسمه الولد
علاء: عبد الرحمن
اني: تمام.. صقرت
اني: محمد محمد
ميردش
اني: وواك
جبدت وشاحي ولبسته ونضت قعدت شاده في الحيط لين فتحت البلكونة وخشيت
اني: محمد محمد
محمد: ها
اني: تعالى بسرعة
محمد خاف اعليا وركب يجري
اني شبحت وجهي في المراية وشبحت الي الباب
اني: عيني منفوخة هلبا ولا
محمد: اي اهو جبتلك ثلج معاي
اني كعمزت علي سريري ووخرت التالي ومديت يدي
محمد شبح يدي عيط: هاااااااادا شنو
اني: خيرك
محمد: شوفي يدك كلها زرقاء
اني: مدورش
محمد: كيف قدرتي تتضربيهم ورجلك كانت فيها رصاصة
اني: عادي لكن تعرف رجلي مش حاسة بيها
محمد شبح الي رجلي: مش منك من الدم الي فيها
اني: اااااه ياربي
محمد امشي جاب شنطة الإسعافات الأولية وابدي ينظفلي في الجرح واني اخديت الثلج اندير فيه علي عيني
نسمعو في صوت واحد راكب يجري في الدروج
محمد: مني
اني هزيت كتافي بمعني منعرفش
عادل خش وكعمز علي سريري وشاد ايديا: كويسة انتي شني تحسي نوضي نمشو للمستشفي نوضي هيا
اني : مافيا شي متخافش
عادل اخدي الثلج وابدي يديريلي فيه: اعلاش درتي هكي
اني شبحت الي محمد: متنبلش في فمك فولة
محمد: اي 😂
اني: من الكساد درت هكي توا كأني اخديت حقي
فارس خش: حق شني
اني وقفت والدنيا تلف بيا: اعلاش راكب الدروج انته
فارس: مش مهم اني انتي حق شنو اخديتيه واعلاش درتي هكي
اني شادة في الحيط: حقي اخديته من حاجة صارت في الماضي ودرت هكي الي حاجة تانية تو بعدين تفهمو اعلاش
فارس ركز فيا : انتي كويسة
اني: اي اي
محمد: تكذب رجلها دم وايدها زرقاء وعينها منفوخة والله اعلم شني مزال تاني
فارس: اكثر واحد ضربك مني
محمد: احمد لانه نسمع فيها اتعيط علي يزن
فارس تلفت للباب وهوا كيف بيطلع
فارس: امنين بنرجع لازم تفهمني كويس قصة احمد هادا
اني: وين ماشي
فارس: مشوار وجاي
اني : فارس ترا شوفلي
فارس تلفت وشبحلي
اني فهمته من عيونه: رد بالك تقتله لان مزال نبيه
فارس: مزال اتحبيه قصدك
اني: ههههه لالا نبي منه مصلحة
فارس: حتي يزن
اني: اي الزوز
فارس: به تمام
اني فكرت شوي وشبحت القيت فارس امشي وعادل حط الثلج علي عيني
اني بعياط: فااااااااااااارس
عادل انخلع وبعد الثلج: خيرك الثلج حار
محمد: 😂😂😂
فارس امنين سمعني عيطت رجع للدار
فارس: نعم
اني طبست راسي لوطة وبعدين قمته وخدودي حمر: عادي تقعد مكعمز بحداي
محمد غمز الي فارس: 😉 احم احم واعلاش تبيه يقعد
اني: لانه مداير عملية ومنبيشي يقعد نازل راكب يقعد مكعمز اهني ونوض انته وعادل جيبوله سرير من الدار التانية
فارس اتكا علي سريري وشبحلي: خيره سريرك يسدنا الزوز
اني شبحتله: 🤨🤨
فارس: نبصر نبصر
اني حطيت يدي علي عيني وشبحت الي عادل: زرقاء هلبا
عادل: اعلاش هوا يقعد معاك
اني: خيرك
عادل مدلي الثلج وناض طلع
اني: لهدرجة ابديت مش حلوة
محمد: 😂😂 شني دخل حلوة في عادل
اني: مش عارفة مرات ميبيش ايشوفني شينة
محمد: طول عمري نعرفك ذكية لكن في هادي طلعتي غبية وعبيطة
اني حذفت المخدة الي متكي اعليها فارس علي محمد
اني: ياحيوان
محمد: 😂😂
اني: ترا شوفه شني يدير
محمد شبح من البلكونة
محمد: يدخن وينفخ في الدخان بالقوة الباين راقيتله
اني: به كمل هيا
محمد: به وانتي ساسي متشرط فقري وعريس
اني: به به
محمد: فارس فارس
تلفتت القيت فارس شاد يدي وراقد
اني اخديت تلفوني وبعتت رسالة الي عادل
اني: اسفة ولاول مرة انقولها الي ولد اسفة
محمد ابتسم علي جنب لما شبح فارس ولفلي رجلي بالشاش
محمد: ارقدي توا وارتاحي شوي
اني: ظهري يوجع مش قادرة نرقد
محمد: تو نمشي نجيبلك ممرضة اديرلك مساج
اني: لالا فوتها توا يهدا بروحه
محمد: به اتكي بش يهدا اعليك
اني شبحت الي فارس وشبحت الي محمد
اني: انته اكثر واحد جريئة اني معاك
محمد ضحك: عارف
اني: عيب نرقد وفارس راقد علي سريري وهوا مش محرم اعليا
محمد: عندك الحق لكن عندي الحل
اني: شنهوا
محمد حط مخدة بيني وبين فارس: توا تقدري ترقدي
اني مش قادرة نضحك: 😂😂 تتسهوك انته
محمد: لالا وزاد حط مخدة تانية
محمد: هكي كويس صح
اني: ووشاحي شني بنرقد بيه
محمد: اممم الصراحة الوشاح معنديش حل ليه
اني: 😂😂
محمد: بي شني انغطيكم
اني: في بطانية مكيف في الدولاب جيبها وولع المكيف
محمد: حاضر انسة دودي
فتح واخدي زوز بطاتين وغطا فارس وبعدين غطاني وطفا الضي وطلع
اني اتكيت وكيف غمضت عيوني وفارس شد يدي
اني جبدتها
فارس عاود شدها: باللهي اعليك خليها
اني: مش مرتاحة هكي منقدرش نرقد الي ويديا الزوز تحت راسي
فارس : وداد
اني: نعم
فارس: بنقولك حاجة
اني: بعدين توا تعبانة بنرقد
فارس: .................
اني قعدت مصدومة وغمضت عيوني درت روحي رقدت وهوا قعد شاد يدي
/////////////
عادل مكعمز ويدخن
محمد: ياسرك وانته طرف وراء التاني
عادل: اعلاش هوا بالذات يقعد معاها
محمد بعياط: واعلاش انته غاير هادا خوها هادا نصها الثاني هادا الي يعرف اسرارها كلهم هادا الي يعرف كل شي في حياتها لو قعد معاها شوي حرام خلاص وقفت الدنيا
عادل: اعلاش احني مش خوتها
محمد بهدوء: كل واحد مننا يعرف حاجة علي وداد تو فارس صندوق اسرارها اني جريئة معاي هلبا واي حاجة تتحشم اتقولها قدامكم اتقولي فيها ليا اني وانته تتسهوك معاك وتشبح فيك دمك خفيف وانته تتسهوك معاها علاء تشبح فيه الي عاقل بيناتنا ومعتمده اعليه في كل شي وتعتبر فيه بوها مش خوها بس
فهمتني يااعادل كل واحد فينا يعتبر حاجة غالية الي وداد وداد متقدرش اتعيش من غيرنا احني ال4 ياخوي متخليش الغيرة تعمي عيونك لانه لو عمتهم حتخسر وداد وفارس وعلاء واني حتخسرنا كلنا ياخوي
حط يده علي كتف عادل
محمد: فكر في كلامي كويس وقلبك اعفس اعليه مرة وحدة انته جربت مرة رد بالك اتجرب مرة تانية لانه النهاية نفس الاولي
عادل شبحله: وكيف عرفت نفس الاولي
محمد: فكر في كلامي وامشي
عادل لوح الدخان وشد راسه وقعد كلامي محمد يتعاود في وذانه
////////
محمد: علاء
علاء: نعم
محمد: الوضع متكهرب هلبا
عبد الرحمن: شني صبيتو امية علي البريزة( مقبس الكهرباء)
محمد : تتسهوك انته😒
عبد الرحمن: هيا خيرها وداد شني تبي
علاء: وين وداد يامحمد
محمد: راقدة
علاء: معناها استنى لين وداد اتنوض وتو تعرف هيا شني تبي
عبد الرحمن: به وامشي
علاء: وين فارس وشني اموره
محمد: اموره تمام وراقد فوق
علاء: وين فوق في داره
محمد: لالا مع وداد
علاء: شني
محمد: خيرك
علاء: محمد شني متعرفش انه هوا مش محرم اعليها يعني حرام هكي
محمد: متخافش درت بينهم زوز مخدات وهيا قاعدة لابسة وشاح وغطيتها
علاء: مهما كان بسرعة برا نوضه ورقده حتي في الصالون لوطة
محمد: شني فيها ياعلاء
علاء: من اول يوم مع وداد كنت نحاول مليون مرة بش منخشوش في الحرام وجي اليوم الي خايف منا وخشينا في الحرام
محمد: شنهوا الحرام
علاء: قبل تستوعب كلامي ع الطاير اليون خيرك
محمد: غير شنهوا
علاء: كيف معاها في نفس الدار وهوا مش محرم اني نمنع فيكم حتي من الحوش وانتم في دار مرة وحدة
محمد: به خلاص ياشيخ
علاء رقتله من محمد لكن ضحك علي كلمة شيخ
محمد:اول مرة نسمع شيخ وملبوس يضحك بروحه
علاء قام رشادة^ حجر^ ومحمد هرب
علاء حذفه: دير الي قتلك اعليه بسرعة
محمد: تم وركب يجري
اويس: علاء
علاء : نعم
اويس يشبح الي البيكا: شني رايك فيها
علاء جبدها من يده: شني قتلك وداد
اويس: تي انحب السلاح الزفت
علاء: او امنين تكبر العب بيه كيف ماتبي
اويس: اوووف
علاء: تعرف تضرب بيها
اويس: لا
علاء طبس الي مستوى اويس: شني رايك انعلمك
اويس: بالحق
علاء: اي
اويس ابدي ينقز ويعيط: علاء علاء علاء
علاء وقف: هههه اسكت
اويس حضن علاء: شكرا علاء
علاء: عفوا هي نمشو الي وداد
اويس قام ايديه: اكيد
علاء قام اويس وامشي هوا وياه
//////////
فقت علي صوت محمد
محمد بهمس: فارس فارس نوض
اني: محمد خيرك
محمد: سامحيني نوضتك
اني:لالا عادي خليه راقد
محمد: النفاخ قال حرام يبدو مع بعض في الدار وهوا مش محرم اعليها
اني: هههه كلامه حق وفارس خليه اني هاني نايضة
محمد: لا خليك انتي هوا تو ينوض
اني: لالا
وكعمزت ساويت وشاحي ونضت وقفت
اني: اااه
محمد: عادي انتي مش متعودة علي الضرب
اني سرحت شوي وضحكت: ههه متعودة هلبا
محمد ركز علي كلامي: كيف متعودة
اني: خلاص الي فات فات
محمد: وداد في الماضي متاعك كنتي
اني قطعت اعليه: محمد خلاص الماضي فات ولوسمحت امعاش تفكرني فيه
محمد: اوك
خشيت للحمام غسلت وجهي ونزلت اني ومحمد
اويس جي حضني طول
اني: استحشتك اوسي
اويس: حتي اني دودي😘
علاء: وداد شني اتحسي في روحك
اني: باهية الحمدالله وين الولد
علاء: البرا
اني: تعالى معاي علاء
علاء: به
طلعت اني وعلاء وجي الولد
اني: باللهي اعليك سامحني ياخوي
عبد الرحمن: عادي مدوريش
اني: عندك شهر تكعمز في الحوش ترتاح وطلعت من جيبي 2000 جنيه
اني: هاك هادم ليك
عبد الرحمن: لالا اعلاش
اني: خودهم وبرا روح ارتاح
عبد الرحمن خداهم: بارك الله فيك
اني ابتسمت وخشيت
علاء لحقني
اني كعمزت علي الصالون: ها محمد شني الاولاد
محمد: بالنسبة الي احمد به الي مماتش مسكين جسمه متكسر مش قادر حتي يوقف اما يزن شوي ضربات بس
اني: اوك حطيتلهم فطور
محمد: اي تعرفي احمد مش قادر ياكل يزن اخدي يوكل فيه وقاله صح اني نكرهك هلبا لكن الله غالب منقدرش نشبحك هكي ونقعد مكعمز نتفرج اعليك
اني: يزن من يوم يومه طيب بس الله غالب الدنيا لعبت بيه
محمد: كلنا لعبت بينا
اني : علاء
علاء: نعم
اني: نبي حل الي رجلي بسرعة نبي نبدا نجري وانقز عادي نمشي اعليها عادي
محمد: هههههه امتي ابديت دكتور ياعلاء😂😂
علاء: صقر فمك يابارد.. وانتي ياحلوة اعلاش تبي تجري وتنقزي
عادل: شوره فيه مداهمة
اني: لا مداهمة لاشي هكي كساد بس
محمد : 😂😂😂
عادل: خيرك
محمد: اتخايلو علاء يبدا دكتور ويبدو اينادو فيه دكتور علاء 😂😂😂 كان فيه مريض ايعيط لما يقتله علاء ميحبش العياط😂😂
كلنا: 😂😂😂
علاء: 😒😒😒
فارس شاد بطنه ونازل: تتضحكو من غيري
محمد: شوفو فارس كيف نازل اتقول مرة حامل شاد بطنه والمشكلة مش اهني المشكلة انه فارس جلدة علي عظم حتي بطن معنداش مش عارفة كيف عنده معدة ومصارين داخل وين محطوطات بالزبط وهوا اتقول عود محروق
كلنا: 😂😂😂😂
فارس: اقسم بالله الا ابرد واحد ريته في حياتي
محمد: صقع اعليك
فارس: لا نو اعليا
اني:خلاص انته وياه
فارس: كعمز مقابلني
اني: علاء بش تمشي للمطار وتاخد 4تذاكر الي تونس
فارس: واعلاش تبينا انسافرو
اني: خلاص تم الموضوع بتسافرو من دون نقاش
كلهم : به
اني: هي نوضو عاونوني بنضمو الحوش تعرفو رجلي متقدرش انضمه بروحي
كلهم: به
اني: انته لا بتكعمز اهني وتتفرج اعلينا بس
فارس: حتي اني مانيش نعاونكم
اني: ماصدقت شورك
فارس حذف اعليا المخدة
اني: هي وابدينا انضمو في الحوش
////////////
يزن: ها احمد شني اتحس في روحك
احمد: كح كح كويس
يزن حط الثلج علي خد احمد: انضربت هلبا انته
احمد: متوقعتش وداد هكي
يزن: ولا اني
احمد: اتغيرت هلبا كانت اتخاف حتي تقيم عينها فيا توا ابدت تضرب فيا
يزن: الله يادنيا كانت اتخاف من ظلها شوفها توا ابدو ايخافو منها
احمد: تتوقع عالخاطر عندها سلاح ومعاها جيش مشالله
يزن: لالا لانها هيا ابدت قوية ريتها احني ضربتنا من غير سلاح ولا واحد معاها بروحها
احمد: كيف ابدت هكي قوية
يزن: انكسرت هلبا مرات وكل مااطيح اتزيد تقوى اكثر
احمد: قصدك الكسرة والخيانة والطيحة هما الي خلوها قوية
يزن: اي
احمد: كيف قدرت تقعد عايشة بروحها من غير امها وبوها هما اكثر اتنين اتحبهم
يزن: وداد طول عمرها عايشة بروحها
احمد: انته تعرفها اكثر مني
يزن: اي صح وداد كانت اتكلم فيك وتحكيلك علي مشاكلها لكن وداد مش كل شي تحكيه اني نتبع في اخبارها ونفهم اعليها من عيونه نعرف اعليها هلبا حاجات
احمد:زي شنو تعرف
يزن: هلبا
انفتح الباب وخش فارس
احمد طي بيكعمز
يزن: خليك متكي
فارس جبد كرسي وكعمز اعليه بالمقلوب
يزن: خيرك فارس
فارس: فيه حساب بيني وبين احمد
يزن: فوته اليوم يوم تاني صفوه حسابكم
فارس: اني نبي اليوم
يزن: فارس انته مداير عملية واحمد واكل طريحة نباشة القبور اليوم ارتاحو الزوز وبعد اسبوع تعالو صفو حسابكم
فارس: يزن اطلع منها خير مانخلطك معاه
احمد يحاول يوقف: يزن اطلع منها
فارس وقف
اني خشيت وقفت في النص
فارس: وداد
اني: فارس صح اني نكره احمد بس مش حنخلي حد يضربه غيري ولا يفش فيه غله غيري وانته مليكش علاقة بموضوع احمد
فارس شبحلي وهوا راقيتله وطلع
اني تلفتت الي احمد ويزن: شني
يزن: شني
اني: احمد شني اتحس في روحك
احمد كعمز: مليكش علاقة
اني: اي لازم تتفاهمو انتم الزوز لانه في مهمة ليكم مع بعض
احمد: ومني قالك نخدمو معاك احني
اني ابتسمت بإستفزاز: اني قلت
احمد: واحني منبوش نخدمو معاك
اني: مفيش حد طلب رايكم في الموضوع اني قلت وانتم تنفدو
احمد: وداد اني منبيش نخدم ولا نبي انكون مع يزن في مهمة
يزن: والله ماينفع فيك الخير صدقت امنين قالت وداد احمد زي الثعلب ياخد حاجته ويمشي ويفوتك قالت احمد بعد ماياخد مصلحته حتي لو تلاقيتو في سوق الحوش ميعرفكش
احمد: خلي اتقول الي تبيه
اني: ياثعلب انته لو لعبتي اني انقولك يمين تمشي يمين انقولك يسار تمشي يسار والكلمة الي انقولها تنفدها
احمد: شن تسحابي روحك انتي
اني: مفهموم كلامي حتي انته يزن نفس الشي
وطلعت
//////////////
كلمنا ضمان( ترتيب ) الحوش
محمد: شني مزال تاني
اني: اليوم عندنا صفقة
فارس: صفقة شنو
اني: صفقة بيكا مع تاجر سلاح
فارس: وداد مش قلتي معاش بديري صفقات
اني: صح قلت بس هادي الصفقة الاخيرة
عادل: به قلتي معاش تبي صفقات اعلاش هادي تبيها
اني: لانه بناخدو فيه 5 مليون
علاء: اوووه ضربة قاضية شورها
اني: البيكا ناقصة واني عندي مخزن كامل بنضرب ضربتي بيها
محمد: مرات بعد ماتبيعي البيكا ايديرو مداهمة اعليك
اني: نعطيهم البيكا وعندي الهاوزر والصواريخ وعندي اقوي من البيكا
عادل: تتوقعو لو البلاد رجع فيها قانون وشدونا الشرطة بينحكم اعلينا اعدام ولا
علاء: شني خايف انته
عادل: لا مش خايف غير نسال فيكم
اني: حتي لو رجع القانون مش حيصيرلنا شي
عادل: كيف احني حنكونو اول المطلوبين لانه اكبر تجار في السلاح
اني: احني مشهورين بالحاجات الكويسة الي انديرو فيها والناس اتحبنا هادي اول حاجة بيوقفو معانا الناس وتاني حاجة اني مفكرة في الموضوع واني عندي هدف من الخدمة هادي اول مانوصل للهدف حنصلحو كل شي درناه ونطلعو من الخدمة الحقيرة هادي
علاء: يعني انتي عكس مانشوفو فيك
اني: كيف
علاء: توقعنا انك اتحبي الخدمة هادي هادا اعلاش تخدمي فيها
اني: صح انحبها بس انحب هدفي اكثر ومفيش حد ايحب الحرام
محمد: يعني مالنا هادا كله حرام
اني: حرام لكن الله غالب ماعندنا مانديرو
محمد: نقدرو انسيبو الدنيا هادي كلها ونخدمو خدمة حلال ويبدو فلوسنا حلال
اني: اكيد بنسيبو الطريق هادي لكن بعد فترة هكي شهر شهرين ومرات حتي سنة
محمد: ان شاء الله شهر بش نفتكو من الحرام
اني: ان شاء الله مناش مطولين وحنبدو من الصفر بعدين ونبنو حياتنا بالحلال
كلهم: ان شاء الله
اني: هي نوضو جهزو روحكم عشان نمشو
عادل: انتي وفارس خليكم نمشو احني
اني: لالا فارس ومحمد بيقعدو بنمشي اني وياكم بس
محمد بعياط: اعلاش نقعد
اني: أولا لازم تقعد مع فارس تانيا انسيت روحك مزال تبي تعليم من اول وجديد
محمد: واك اليوم غلطت غلطة بسيطة
اني: مفيش غلطة بسيطة لازم تتعلم
محمد ناض يخبط ويعيط: وااااااك منك
وطلع
علاء: مفروض نرفعوه معانا
اني: فوته تو شوي ويجي يكعمز زي الراجل الطيب ويبدا يتسهوك علي فارس لين بطنه توجعه وتنفلق الخياطة من الضحك
عادل: 😂😂😂 شوره عطاك شوي من التفاهة متاعه
اني: هادي مش تفاهة هادي خفة دم ياجاهل
علاء: هيا
اني: نبي 500 بيكا
علاء: تم
طلع هوا وعادل حطو البيكا في السيارات وساويت وشاحي ولبست سبيدروي وركبت في السيارة
علاء ركب: وين مكان التسليم
اني: &&&&&&&
علاء : تم
قعدنا طول الطريق ساكتين واني نتفرج من المرش ونفكر في الي قاله فارس
علاء صفق قدام وجهي
اني: خيرك
علاء: ليا 10 دقايق انقولك ياوداد وصلنا
اني: سرحت شوي بس هي انزلو
نزلنا وقعدت واقفة ونتفرج علي الولد الي بيشري البضاعة
اني: حط الفلوس
الولد حطهم وخداهم عادل قعد يتاكد منهم مش مزورات
عادل: مية مية
اني: هادي بضاعتكم لما اني نمشي تقدرو تاخدوها
الولد: مفيش خيانات
علاء: احترم نفسك وداد ماعمرها خانت
اني ابتسمت وقلت بيني وبين نفسي: صح ماعمري خنت بس المرة هادي لا
الولد: تم
ركبنا في السيارة ولفينا وطلعنا خطمو من بحدانا سيارات الشرطة
الشرطي ابتسم ودارلي التحية ابتسمت ورديتها
علاء: حي الشرطة
اني: مدورش برا
علاء: البيكا به
اني: فوتها عندنا تانيات
علاء: كيف عندك برود زي هادا
اني: مدورش حلال اعليهم الشرطة
علاء: وداد راهو شارينهم بفلوس
اني بيعاط: وفلوس حرام وحتي ال5 مليون هادي حرام
علاء: هبلتي رسمي
اني: هبلت اي
علاء: الصبر
وصلنا ونزلنا
اني: محمد وين فارس
محمد: ...........
________________________
سامحوني ع التاخير والله مانلقا في وقت بش نكتب
الحلقة طويلة نبي تفاعل اعليها وتصويت وتعليق اعطوني رايكم فيها
مع السلامة 💖
للكاتبة: لولو حبيب❤