الحلقة الثالثة من رواية ليلة زفاف لم تكتمل 🌹🌹
عادت حنان الى المنزل
حنان: ماما يا ماما
ماجدة: ايوة يا حبيبتى انتى رجعتى
حنان: اه يا ماما
ماجدة: احضرلك الغدا يا حبيبتى
حنان: لا انا كنت مندامة عليكى علشان اقولك انى رايحة عند طنط عائشة
كامل سليم:حمدلله على السلامة يا حنان
حنان:الله يسلمك يا بابا
كامل: رايحة عند بيت عمك منصور ليه بقى
حنان: انهاردة عيد ميلاد يونس يا بابا وكنت وعدت كريمة انى اساعدها انهاردة
كامل:اه صحيح انا فاكر انك وعدتيها طيب يا حبيبتى استنى اتغدى
حنان: لا يا بابا يدوب الحق اخلص قبل المغرب
كامل:طيب يا حبيبتى روحى
ماجدة:اجى معاكى اساعدك
حنان:لا يا ست الكل ارتاحى انتى
ذهبت حنان الى منزل ادهم كان ادهم على السلم وكان يتحدث على الهاتف مع احدى اصدقائه
ادهم: خلاص ادينى وصلت البيت بقولك ايه حسك تتاخر انتا والواد رؤوف انتوا عارفين مبعرفش اتصرف منغيركوا
حسن: هتظبطنى فى عروسة هاجى
ادهم: ليه حد قالك انى فاتح مكتب خاطبة دة عيد ميلاد يابنى
حسن:يعنى مش هستفاد منك بحاجة
ادهم: اه
حسن: تمام هنخلص ونيجى على طول سلام
ادهم: سلام
بعد 10 دقايق
حنان:ازيك يا طنط
عائشة:ازيك يا حنان ايه يا بنتى فينك مش باينة
حنان:الشغل والله اعمل ايه بس متزعليش والله وحشتينى
عائشة: انتى اكتر يا حبيبتى ادخلى
حنان:الله امال فين كريمة
عائشة: لسة مجتش يا حبيبتى
حنان:الله امال الترتيبات هنعملها امتى
عائشة: ما اهو ادهم زمانو جاى اصلو وعدها هو الى هيتكفل بالترتيبات معاكى علشان هى تعبانة شوية اصلها حامل جديد
حنان: بجد الف مبروك يا طنط فرحتينى والله اول مرة اعرف منك دلوقتى
عائشة:اهو ادهم جه اهو
ادهم:ازيك يا ماما ازيك يا حنان
عائشة:ازيك يا حبيبى هروح انا اعملك عصير يا حبيبتى
حنان: ازيك
ادهم:مالك بتقوليها كدة بغل
حنان: بقى متقوليش على موضوع ان كريمة مش جاية
ادهم: معلش ملحقتش دة هى لسة قيلالى امبارح
حنان:على العموم الف مبروك
ادهم:الله يبارك فيكى.... هه بس على ايه
حنان:مبروك هتبقى خالو
ادهم: هههه يا ستى ما كفاية عليا يونس
حنان: ربنا يخليهم ويحفظهم ويقومها ربنا بالسلامة انشالله
ادهم: انشالله
حنان: امال فين القردة اخر العنقود
ادهم: اه قصدك خم النوم اكيد نايمة هى دى بتصحى ابدا
حنان: ههههه معلش اكيد الكلية هادا حيلها
ادهم: كلية يسلام يعنى احنا ما دخلناش كليات دى بتتلكك
منصور:الله حنان عندنا دة احنا زارنا النبى
حنان: تسلم يا عمى دايما تغلبنى بالكلام
منصور: واحنا عندنا كام حنان بس
حنان: تسلملى يا غالى والله انا باجى علشان الطاقة الايجابية الى عندك دى
منصور: كلى بعقلى حلاوة يا بت كامل
حنان:ابدا والله دة من قلبى والله يا عمو منصور
منصور: ربنا يخليكى يا حبيبتى ويحميكى هروح اصلى وارجعلكوا
حنان: ادعيلنا معاك
منصور: بدعيلك دايما يا بنتى يلا سلام
ادهم:مش يلا بقى
حنان: يلا ايه
ادهم: نشتغل علشان نلحق نخلص قبل المغرب
حنان: تمام يلايتبع فى الحلقة القادمة 😘😘
توقيع:مديحه عارف 🌺🌺🌺
#رواية_الف_ليلة_وليلة
#رواية_ليلة_زفاف_لم_تكتمل
أنت تقرأ
ليلة زفاف لم تكتمل
Teen Fictionحب الطفولة ملحوظة يا جماعة اى حد هيلاقى القصة دى منشورة فى مكان تانى فهى مسروقة لانى الكاتبة الاصلية للرواية ودة حسابى الوحيد ولسة جديد يعنى انا لسة الى ناشرة عليه من قريب بس ومعنديش اى مكان تانى بنشر فيه غير على صفحتى عل الفيسبوك اسمها رواية الف لي...